Tuesday, February 27, 2024
- Advertisement -
- Advertisement -
ዜናበህዳሴ ግድቡ አካባቢ ያለው የኢትዮጵያ የአየር ክልል ለበረራ ዝግ መደረጉ ተገለጸ

በህዳሴ ግድቡ አካባቢ ያለው የኢትዮጵያ የአየር ክልል ለበረራ ዝግ መደረጉ ተገለጸ

ቀን:

 በታላቁ ህዳሴ ግድብ አካባቢ የሚገኘው የኢትዮጵያ የአየር ክልል ለማንኛውም የአየር በረራ የተከለከለ መሆኑ ተገለጸ። 

የኢትዮጵያ ሲቪል አቪዬሽን ዋና ዳይሬክተር ወሰንየለህ ሁነኛው (ኮሎኔል) ለሪፖርተር እንዳረጋገጡት፣ የታላቁ ህዳሴ ግድብ በሚገነባበት ቤንሻንጉል ጉሙዝ ክልል ውስጥ ያለው የኢትዮጵያ የአየር ክልል ከማንኛውም ዓይነት የበረራ እንቅስቃሴ ዝግ እንዲሆን፣ ከሚመለከታቸው የደኅንነት አካላት ጋር በመወያየት ክልከላ ተጥሎበታል። 

በመሆኑም የንግድ ወይም የመንገደኞች ማጓጓዣ አውሮፕላኖችም ሆኑ ሌሎች ዓይነት የበረራ እንቅስቃሴዎች፣ ግድቡ በሚገኝበት አካባቢ መከናወን እንደማይችሉ ገልጸዋል። 

- Advertisement -

Video from Enat Bank Youtube Channel.

ይህ ቢሆንም የሚመለከተው አካል በሚሰጠው ልዩ ፈቃድ ብቻ በተከለከለው የአየር ክልል በረራ እንዲደረግ ሊፈቀድ እንደሚችል አስረድተዋል።  የአገርን ደኅንነት ለማረጋገጥ እንዲህ ዓይነት ክልከላዎችን መጣል በዓለም አቀፍ አሠራር የተለመደ መሆኑን የገለጹት ዋና ዳይሬክተሩኢትዮጵያም የግድቡን ደኅንነት ለማረጋገጥ ሰትል ይህንን ክልከላ መጣሏን ገልጸዋል። 

ክልከላውን ከመጣሉ በፊትም ከአየር ኃይልና ከሌሎች የሚመለከታቸው መንግሥታዊ አካላት ጋር ምክክር ተደርጎ የተፈጸመ እንደሆነ፣ ክልከላው ተግባራዊ መደረግ የጀመረውም ከወራት በፊት በ2012 ዓ.ም. ውስጥ እንደሆነ ለሪፖርተር ተናግረዋል። 

የኢትዮጵያ አየር ኃይል ዋና አዛዥ ሌተና ጄኔራል ይልማ መርዳሳ በበኩላቸው፣ በህዳሴ ግድቡ ላይ የሚቃጣን ጥቃት ለመከላለከል የሚያስችል ሙሉ ዝግጅት መኖሩንበግድቡ ላይ የአየር ጥቃት ይሰነዝራል የሚል ሥጋት ፈጸሞ እንደማያሳስብ፣ ሰሞኑን ከኢትዮጵያ ዜና አገልግሎት ባደረጉት ቃለ ምልልስ ገልጸዋል። 

የኢትዮጵያ አየር ኃይል ቀድም ሲል ባካበተው ልምድ ላይ ዘመናዊ ትጥቆችን በማከል ራሱን በጥሩ ሁኔታ አደራጅቶ የአገሪቱን የአየር ከልልበተለይም ለህዳሴ ግድቡ 24 ሰዓት ልዩ ጥበቃ እያደረገ እንደሚገኝ አስታውቀዋል። 

አየር ኃይሉ ሙሉ ዝግጅት ላይ እንደሚገኝ ያስታወቁት ሌተና ጄኔራሉከአራት ሰዓት በላይ በአየር ላይ መቆየት የሚችሉ ጄቶችን መታጠቁንም ጠቁመዋል። 

ከዚህ በተጨማሪም የአየር እንቅስቃሴ ቅኝትን በተመለከተ ማንኛውንም የአየር እንቅስቃሴ ወደ ኢትዮጵያ የአየር ክልል ከመግባቱ 400 ኪሎ ሜትር የአየር ርቀት ላይ ሳለ፣ ሙሉ በሙሉ መለየት የሚያስችል ራዳር አየር ኃይሉ መታጠቁንም ተናግረዋል። 

ወደ ኢትዮጵያ የአየር ክልል ከመግባቱ 400 ኪሎ ሜትር ርቀት ላይ ያለን የአየር እንቅስቃሴየበረራ ከፍታውን፣ የበረራ ፍጥነቱን፣ እንዲሁም የበረራውን ዓይነት ማለትም የመንገደኞች ይሁን የጦር እንቅስቃሴ መለየት እንደሚቻል ገልጸዋል። 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...