Monday, September 26, 2022
ሌሎች ዓምዶች
    - Advertisement -
    - Advertisement -
    ዜናአብን ለዛሬና ለእሑድ የጠራውን ሠልፍ መሰረዙን አስታወቀ

    አብን ለዛሬና ለእሑድ የጠራውን ሠልፍ መሰረዙን አስታወቀ

    ቀን:

    የአማራ ብሔራዊ ንቅናቄ (አብን) ለዛሬ ረቡዕ ጥቅምት 18 ቀን 2013 ዓ.ም. በአማራ ክልል፣ እንዲሁም ለእሑድ ጥቅምት 22 ቀን 2013 ዓ.ም. በአዲስ አበባ ከተማ ለማካሄድ የጠራውን ሠልፍ በኃላፊነት መምራት የማይቻልበት ሁኔታ በመፈጠሩ ምክንያት ሠልፉ ሊካሄድ እንደማይችል፣ የፓርቲው ሊቀመንበር አቶ በለጠ ሞላ ለሪፖርተር አስታወቁ፡፡

    አብን ጥቅምት 16 ቀን 2013 ዓ.ም. ባወጣው መግለጫ፣ ‹‹በአገሪቱ የተለያዩ ክፍሎች በአማራ ሕዝብ ላይ የሚፈጸመውን የዘር ማጥፋት›› ለማውገዝ፣ ለረቡዕ ጥቅምት 18 ቀን 2013 ዓ.ም. በአማራ ክልል፣ እንዲሁም እሑድ ጥቅምት 22 ቀን 2013 ዓ.ም. ደግሞ በአዲስ አበባ ከተማ ሠልፍ መጥራቱ የሚታወስ ነው፡፡

    በዚህም መሠረት የሠልፉን አጠቃላይ ዓላማ፣ እንዲሁም የዝግጅቱን ሒደት አስመልክቶ፣ ማክሰኞ ጥቅምት 17 ቀን 2013 ዓ.ም. ለጋዜጠኞች ሊሰጠው የነበረው መግለጫ በፀጥታ ኃይሎች መከልከሉን ተከትሎ፣ አብን ‹‹ሠልፉን ለማድረግ አስቻይ ሁኔታ የለም፤›› በማለት መሰረዙን አስታውቋል፡፡

    ማክሰኞ ዕለት ጠዋት ሠልፉን አስመልክቶ የፓርቲው የሥራ አስፈጻሚ ኮሚቴ አስቸኳይ ስብሰባ እያደረገ እንደነበር የገለጹት አቶ በለጠ፣ ‹‹ነገር ግን ወደ ቢሮው ማንም ሰው እንዳይገባም ሆነ እንዳይወጣ በመከልከሉ ምክንያት ሥምሪት መስጠት የማንችልበት ሁኔታ ተፈጠረ፤›› በማለት የተፈጠረውን ችግር ገልጸዋል፡፡

    ‹‹የፖሊሶቹ ዓላማ መግለጫውን ማስተጓጎል›› መሆኑን የጠቆሙት የፓርቲው ሊቀመንበር፣ ‹‹ይህም ተሳክቶላቸዋል›› በማለት በዕለቱ የተፈጠረውን ሁኔታ አስረድተዋል፡፡

    በሰላማዊና በሕጋዊ መንገድ አብን መንቀሳቀሱን የገለጹት አቶ በለጠ፣ ነገር ግን ‹‹አምባገነን መንግሥት ስላለ፣ ሠልፉን የማድረግ ዝግጅታችን ታጉሏል፤›› ብለዋል፡፡ በቀጣይ ፓርቲው ተግባራዊ የሚያደርገውን ሰላማዊ የትግል ሥልት ለሕዝቡ እንደሚያሳውቅም ተናግረዋል፡፡

    አብን በይፋዊ የፌስቡክ ገጹ፣ ‹‹መንግሥት አማራ ማዘን እንኳን አይችልም፣ ዕርቃን የወጣ አምባገነንነት ውስጥ በመግባቱ፣ በቀጣይ መደረግ ስለሚገባቸው የትግል አካሄዶችን በተመለከተ የሚያሳውቅ ይሆናል፤›› የሚል መልዕክት አስተላልፏል፡፡

    አብን ሰኔ 3 ቀን 2010 ዓ.ም. የመሥራች ጉባዔውን በባህር ዳር ከተማ በማድረግ፣ አገር አቀፍ ሆኖ የተመሠረተ የፖለቲካ ድርጅት ነው፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...