Sunday, February 25, 2024
- Advertisement -
- Advertisement -
ዜናበአዲስ አበባ ከተማ በተፈጸመው የመሬት ወረራ ላይ ሲደረግ የነበረው ማጣራት ተጠናቀቀ

በአዲስ አበባ ከተማ በተፈጸመው የመሬት ወረራ ላይ ሲደረግ የነበረው ማጣራት ተጠናቀቀ

ቀን:

  • በሕገወጥ ተይዞ የነበረ 460 ሔክታር መሬት ተለይቷል
  • በመሬት ወረራው የፖለቲካ ፓርቲ አመራሮችም ተሳታፊ ነበሩ
  • ዕግድ ተጥሎበት የነበረው የመሬት ነክ አገልግሎት ሰሞኑን ይጀመራል 

በአዲስ አበባ ከተማ ዙሪያ ተፈጽሟል ስለተባለው የመሬት ወረራ ሲያጣራ እንደነበር የገለጸው አዲስ አበባ ከተማ አስተዳደር የማጣራት ሥራውን ማጠናቀቁን ተናገረ፡፡ ከ460 ሔክታር በላይ መሬት በሕገወጦች ተይዞ ማግኘቱንም አስታውቋል፡፡

የከተማ አስተዳደሩ ምክትል ከንቲባ ወ/ሮ አዳነች አበቤ ባሳለፍነው ሳምንት ውስጥ ለመገናኛ ብዙኃን እንዳስታወቁት፣ በከተማዋ የመሬት ወረራ መፈጸሙን የሚመለከት ጥቆማና ቅሬታዎች በመቅረባቸው፣ የሚጣራ ግብረ ኃይል ተቋቁሞ ሲያጣራ ቆይቷል፡፡ ግብረ ኃይሉ ባደረገው የማጣራት ሥራ ከ460 ሔክታር በላይ መሆኑንና መለየት መቻሉን ተናግረዋል፡፡ የመሬት ወረራ ውስጥ የሚሳተፉ ብዙ አካሎች እንዳሉ የጠቆሙት ምክትል ክንቲባዋ፣ በመንግሥት (በከተማ አስተዳደሩ ውስጥ) ውስጥ ያሉ ኃላፊዎችና ሠራተኞች ዋናዎቹ መሆናቸውን ተናግረዋል፡፡

ተፎካካሪ ፓርቲ ውስጥ ያሉና ለሕዝብ ተቆርቋሪ የሚመስሉ ግለሰቦች ሰፋፊ የመንግሥት መሬት አጥረው እንደተገኙ ጠቁመው፣ በተለይ በመንግሥት (በአስተዳደሩ) ውስጥ ያሉ ኃላፊዎችና ሠራተኞች አንድ ባለሥልጣን ከኃላፊነቱ ተነስቶ ሌላ ሲተካ መሬት እንዴት እንደሚዘረፍ የሚያመቻቹ የተደረሰባቸው ሠራተኞች መሆናቸውን ተናግረዋል፡፡ ግብረ ኃይሉ በሠራው የማጣራት ሥራ የተለየው 460 ሔክታር መሬት ወደ መሬት ባንክ መግባቱንም አክለዋል፡፡ በቅርቡ ካዳስተር (የአየር ላይ ካርታ) እንደሚጀምርም ጠቁመዋል፡፡

- Advertisement -

Video from Enat Bank Youtube Channel.

የቤቶቹን ግንባታ በሚመለከት የተጠየቁት ምክትል ከንቲባም እንደገለጹት፣ በአጭር ጊዜ ውስጥ ቤት ገንብቶ መስጠት አይቻልም፡፡ አቅርቦቱንና ፈላጊውን ለማጣጣም መሬት በነፃ በማቅረብና መሠረተ ልማቶችን በማሟላት አቅም ያላቸው ነዋሪዎች እንዲገነቡ በመፈቀዱ፣ ብዙ ሰው እየተመዘገበ መሆኑን ገልጸዋል፡፡ ሪል ስቴት ሥራ ላይ የተሰማሩ አጋር ድርጅቶችን በማነጋገር 100 ሺሕ ቤቶች ለማስገንባት በመንቀሳቀስ ላይ መሆናቸውንም ገልጸዋል፡፡ የተገነቡ ቤቶችን በሚመለከት ቅድሚያ ለተመዘገቡ እንደሚሰጥም ጠቁመዋል፡፡ መሬትና መሬት ነክ ጉዳዮች እስካሁን ዕግድ የተጣለባቸው ቢሆንም በቅርብ ቀን ሥራ እንደሚጀመር አክለዋል፡፡  

በአዲስ አበባ ከተማ አስተዳደር ዙሪያ ከ200 ሔክታር በላይ መሬት በሕገወጥ ወረራ መያዙን ባደረገው ጥናት ማረጋጡን ኢዜማ መግለጹ ይታወሳል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...