Thursday, July 25, 2024
- Advertisement -
- Advertisement -
ስፖርትየአፋር ብሔራዊ ስታዲየም በስድስት ወር ውስጥ ይጠናቀቃል ተባለ

የአፋር ብሔራዊ ስታዲየም በስድስት ወር ውስጥ ይጠናቀቃል ተባለ

ቀን:

በየዓመቱ የሚከበረው የብሔር ብሔረሰቦች ቀን ካስገኛቸው መልካም ነገሮች ሁሉም ክልሎችና የከተማ አስተዳደሮች የራሳቸው ስታዲየም እንዲኖራቸው ማድረግ መቻሉ ነው፡፡ ይህን ቀን በማሰብ ግንባታ ላይ ከሚገኙት ዘመናዊ ስታዲየሞች መካከል በአፋር ክልል ሰመራ ከተማ በመገንባት ላይ የሚገኘው ብሔራዊ ስታዲየም ይጠቀሳል፡፡

በ2009 ዓ.ም. የተጀመረው የሰመራ ብሔራዊ ስታዲየም ግንባታ፣ ክልሉ በገጠመው የፋይናንስ እጥረት በታቀደለት ጊዜ ባይጠናቀቅም በስድስት ወራት ውስጥ ለማጠናቀቅ አስፈላጊው ቅድመ ሁኔታ ተሟልቶ ግንባታው እየተከናወነ እንደሚገኝ የክልሉ ኃላፊዎች ተናግረዋል፡፡

የስታዲየሙ ግንባታ የሚገኝበትን አጠቃላይ ሁኔታ ምን እንደሚመስል የስፖርት ኮሚሽነር አቶ ኤልያስ ሽኩርና የኢትዮጵያ ኦሊምፒክ ኮሚቴ ፕሬዚዳንት አሸብር ወልደ ጊዮርጊስ (ዶ/ር) ግምገማ ማድረጋቸው ታውቋል፡፡

ከዚህ በፊት በሌሎች ክልሎች የተገነቡ ስታዲየሞች ተመልካች የማስተናገድ አቅማቸውን ካልሆነ ጥራት ላይ ትኩረት አለማድረጋቸውን፣ ያወሱት አመራሮቹ “ዘመናዊ ስታዲየም በውስጡ ሊያሟላቸው የሚገቡ በርካታ የውስጥና የውጪ መሠረተ ልማቶች ላይ ክፍተት ስለነበረባቸው ለተጨማሪ ወጪ ሲዳረጋቸው ታይተዋል፤” ብለዋል፡፡

የአፋር ስታዲየም ግንባታም ከእነዚህና መሰል ጥቃቅን ችግሮች የፀዳ ሆኖ እንዲጠናቀቅና ለታለመለት ዓላማ ይውል ዘንድ፣ በተለይ አማካሪ ድርጅቱ ኤምኤች ኢንጂነሪንግ ትኩረት ሊሰጥባቸው የሚገቡ ነጥቦች እንዳይዘነጉ መጠቆማቸው ክልሉ በላከው ጋዜጣዊ መግለጫ አስታውቋል፡፡

የክልሉ ኃላፊዎችም የተሰጠውን ምክረ ሐሳብ መቀበላቸውን በመጥቀስ፣ ስታዲየሙ እስከ 45,000 ተመልካች የሚያስተናግድ እንደመሆኑ መጠን ግንባታው በጥንቃቄ እየተከናወነ መሆኑ፣ ለዚህም ከዚህ በፊት በሌሎች ክልሎች ተጠናቀቁ ተብሎ ክፍተት የተገኘባቸውን ስታዲየሞች በመመልከት ጭምር ተሞክሮ መውሰዳቸውን መግለጫው አክሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...