Thursday, July 25, 2024
- Advertisement -
- Advertisement -
ስፖርትእግር ኳስ ፌዴሬሽን የታዳጊና የወጣት ብሔራዊ ቡድኖች አሠልጣኞችን ይፋ አደረገ

እግር ኳስ ፌዴሬሽን የታዳጊና የወጣት ብሔራዊ ቡድኖች አሠልጣኞችን ይፋ አደረገ

ቀን:

የኢትዮጵያ እግር ኳስ ፌዴሬሽን በመጪው ታኅሣሥ ወር በሚጀመረው የምሥራቅና መካከለኛው አፍሪካ አገሮች (ሴካፋ) ዋንጫ ላይ ለሚሳተፈው ዕድሜያቸው ከ17 ዓመት በታች ታዳጊ ወጣት ብሔራዊ ቡድን አሠልጣኝ ቅጥር መፈጸሙን አስታወቀ፡፡ ሹመቱን ያገኙት በኢትዮጵያ መድን ድርጅት ቀድሞ ከ17 ዓመት በታች አሠልጣኝ የነበሩት አቶ እንድሪያስ ብርሃኑ መሆናቸውም ታውቋል፡፡

ብሔራዊ ፌዴሬሽኑ በማኅበራዊ ትስስር ገጹ እንዳስታወቀው፣ አሠልጣኝ እንድሪያስ ወጣቶች ላይ ትኩረት አድርገው በመሥራት ከሚታወቁ ክለቦች መካከል፣ በኢትዮጵያ መድን ድርጅት ዕድሜያቸው ከ17 እና ከ20 ዓመት በታች በመሥራት ታዳጊ ወጣቶችን በማፍራት የሚታወቁ ናቸው፡፡

የኢትዮጵያ እግር ኳስ ፌዴሬሽንም ለአሠልጣኝ እንድሪያስ ብርሃኑ የአንድ ዓመት ኮንትራት የሰጠ ሲሆን፣ 30,000 ብር ወርኃዊ ክፍያ እንደሚከፍላቸውም አስታውቋል፡፡

ቀደም ባሉት ዓመታት በተለይ ሴቶችና ወጣቶች ላይ ለሚሠሩ አሠልጣኞች የሚሰጣቸው ኮንትራት ከሦስት ወር እንደማያልፍ የሚናገሩ ሙያተኞች፣ ብሔራዊ ፌዴሬሽኑ አሁን ላይ እያደረገ ያለው ጅምር በተለይም ታዳጊ ወጣቶች ላይ ለሚሠሩ አሠልጣኞች በቂ ነው ተብሎ ባይታመንም፣ ለአንድ ዓመት በሚል እየሰጠ ያለው ኮንትራት በአበረታችነቱ ሊወሰድ ይገባዋል ብለው ያምናሉ፡፡

ከአንድ ዓመት በፊት ዕድሜያቸው ከ17 ዓመት በታች ብሔራዊ ቡድን ተሰጥቷቸው የነበሩት አሠልጣኝነት ተመስገን ዳና ቡድኑን ይዘው በሴካፋ ዋንጫ ላይ እስከ ፍጻሜ መጓዛቸው ይታወቃል፡፡ ፌዴሬሽኑ ባለፈው ሳምንት ይፋ እንዳደረገው፣ አሠልጣኝ ተመስገን ዳናን ዕድሜያቸው ከ20 ዓመት በታች ወጣቶች ብሔራዊ ቡድን ዋና አሠልጣኝ አድርጎ መሾሙ ይታወቃል፡፡

የአፍሪካ እግር ኳስ ኮንፌዴሬሽን (ካፍ) አዲስ ባወጣው የውድድር መርሐ ግብር መሠረት፣ ዕድሜያቸው ከ20 ዓመት በታች ብሔራዊ ቡድኖች በስድስት ዞኖች ተከፋፍለው የማጣሪያ ውድድሮቻቸውን ያደርጋሉ፡፡ ኢትዮጵያ የመጀመሪያ ጨዋታዋን ታንዛኒያ ላይ በሚደረገው የማጣሪያ ጨዋታ የምትሳተፍ ይሆናል፡፡ አሠልጣኝ ተመስገንም ለሚቀጥለው አንድ ዓመት 40,000 ብር ወርኃዊ ተከፋይ እንደሚሆኑም ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...