Thursday, July 25, 2024
- Advertisement -
- Advertisement -
ስፖርትለአማራ ክልል ከፍተኛ አመራሮች ስለ ኦሊምፒክና ተያያዥ ጉዳዮች ማብራሪያ ተሰጠ

ለአማራ ክልል ከፍተኛ አመራሮች ስለ ኦሊምፒክና ተያያዥ ጉዳዮች ማብራሪያ ተሰጠ

ቀን:

ኢትዮጵያ በኅዳር ወር በምታስተናግደው የአፍሪካ ኦሊምፒክ ማኅበር ጉባዔ፣ እንዲሁም የቶኪዮ ኦሊምፒክ ዝግጅትና የባህር ዳር ስታዲየም የማጠናቀቂያ ሥራ አስመልክቶ ከአማራ ክልል ከፍተኛ አመራሮች ጋር ውይይት ተካሂዷል፡፡ በባህር ዳር በተደረገው ውይይት የኢትዮጵያ ኦሊምፒክ ኮሚቴና የስፖርት ኮሚሽን የበላይ ኃላፊዎች፣ የአማራ ክልል ፕሬዚዳንት አቶ ተመስገን ጥሩነህና ምክትላቸው ፋንታ ማንደፍሮ (ዶ/ር) ተገኝተዋል፡፡

በውይይቱ ወቅት መንግሥት ከስፖርቱ ጎን ሆኖ መደገፍ ከቻለ ዘርፉ ማደግ የሚችልበት ዕድል ሰፊ ነው መባሉም ታውቋል፡፡

ክልሉ በኢትዮጵያ ታሪክ ጉልህ ድርሻ እንዳለው ሁሉ በስፖርቱም ውጤታማ መሆን እንዳለበት የተናገሩት፣ የኢትዮጵያ ኦሊምፒክ ኮሚቴ ፕሬዚዳንት አሸብር ወልደ ጊዮርጊስ (ዶ/ር)፣ ኢትዮጵያ በኅዳር ወር በአዲስ አበባ ስለምታስተናግደው የአፍሪካ ኦሊምፒክ ጉባዔን ጨምሮ ለቶኪዮ 2020 ዝግጅት እንዲሁም ሕዝቡን በስፖርቱ አንድ በማድረግ እየተሠራ ያለውን አጠቃላይ ሁኔታ አብራርተዋል፡፡

የስፖርት ኮሚሽነር አቶ ኤልያስ ሽኩር በበኩላቸው፣ “ኢትዮጵያ በአሁኑ ወቅት ዓለም አቀፍ ውድድሮችን በብቸኝነት ማስተናገድ የምትችለው በባህር ዳር ስታዲየም ብቻ መሆኑ፣ ለዚህም በዋናነት የክልሉ አመራሮች ትኩረት ባይሰጡ ኖሮ ብሔራዊ ቡድኖቻችን በጎረቤት አገር ስታዲየሞች እንዲጫወቱ በተገደዱ ነበር፤” በማለት መናገራቸውን ኦሊምፒክ ኮሚቴው በማኅበራዊ ትስስር ገጹ ባሠራጨው ዘገባ አስታውቋል፡፡

 “የአማራ ክልል ለስፖርቱም ሆነ ለስፖርተኞቻችን እንዲሁም ለኢትዮጵያ ኦሊምፒክ ኮሚቴና ለስፖርት ኮሚሽኑ ትልቅ ክብርና አድናቆት አለው፤” ያሉት የክልሉ ፕሬዚዳንት አቶ ተመስገን ለኢትዮጵያ ኦሊምፒክ ቡድን የሚደረገው ድጋፍ አጠናክረን እንቀጥላለን ብለዋል፡፡ የባህር ዳር ስታዲየምን በተመለከተ፣ የማጠቃለያ ሥራው ተጠናክሮ መቀጠሉንም ገልጸዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...