Friday, June 2, 2023
- Advertisement -
- Advertisement -
ማኅበራዊየኮቪድ-19 ምርመራ ውጤትን በሁለት ሰዓት የሚያደርስ ማሽን ወደ ኢትዮጵያ ሊገባ ነው

የኮቪድ-19 ምርመራ ውጤትን በሁለት ሰዓት የሚያደርስ ማሽን ወደ ኢትዮጵያ ሊገባ ነው

ቀን:

ውዳሴ ዲያግኖስቲክ ሴንተር የኮቪድ-19 ምርመራ ውጤትን በሁለት ሰዓት ውስጥ የሚያሳውቅ ማሽን ወደ ኢትዮጵያ ሊያስገባ መሆኑን አስታውቋል፡፡

በኢትዮጵያ አየር መንገድ ኤርፖርቶች ድርጅት ውስጥ የኮቪድ-19 የምርመራ ማዕከል የከፈተ ሲሆን፣ አሁን ላይ የምርመራ ውጤት የሚያደርሰው በ24 ሰዓት ውስጥ መሆኑን የሴንተሩ የኮቪድ-19 መመርመርያ ማዕከል ኦፕሬሽን ኃላፊ ሜላት ሰለሞን (ዶ/ር) ገልጸዋል፡፡

በኢትዮጵያ ኤርፖርቶች ድርጅት ውስጥ ከ11 ቀን በፊት አገልግሎት የጀመረው ሴንተሩ፣ በቀን በአማካይ ለ350 ሰዎች ያህል የኮቪድ-19 ምርመራ እያደረገ መሆኑን ዶ/ር ሜላት ተናግረዋል፡፡

የኢንቨስትመንቱ ካፒታል በውዳሴ ዲያግኖስቲክ ሴንተር ተሸፍኗል የሚሉት ዶ/ር ሜላት፣ ፓይለቶች፣ አስተናጋጆችና የአየር መንገድ ሠራተኞች የኮቪድ-19 ምርመራ በነፃ እንደሚያደርጉም ገልጸዋል፡፡ ሴንተሩ ለኢትዮጵያ አየር መንገድ ተጓዦች ብቻ ምርመራ የሚያደርግና ክፍያውም ለአንድ ሰው 1,250 ብር መሆኑን የገለጹት ዶ/ር ሜላት ተቋሙ እስካሁን ለ45 ሰዎች የሥራ ዕድል መክፈቱና በቀጣይም ተጨማሪ የሥራ ዕድል ይከፍታል ተብሎ እንደሚጠበቅ አክለዋል፡፡

በቀጣይ ሳምንት በ12 ሰዓት ስድስት ወይም በሁለት ሰዓት ውስጥ አንድ የኮሮና ቫይረስ የምርመራ ውጤት ለማድረስ እየተሠራ እንደሚገኝ፣ ለዚህም አውቶማቲክ ኤክስትራክተር ማሽን በአሥር ቀን ውስጥ ወደ ኢትዮጵያ ለማስገባት በሒደት ላይ መሆኑንም አውስተዋል፡፡

ጥቅምት 9 ቀን 2013 ዓ.ም. አገልግሎት የጀመረው የኮቪድ-19 መመርመርያ ማዕከል ማሽኑ ሲገባ አሁን በአማካይ የሚመረምረውን 350 ያህል ሰው ከአንድ ሺሕ በላይ እንደሚያደርሰው ይጠበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዛርባጃንን ብሄራዊ ቀን በአዲስ አበባ በድምቀት ተከበረ

የአዛርባጃን ኤምባሲ  የአዛርባጃንን ብሄራዊ ቀን በትላንትናው ዕለት አከበረ። ሰኞ...

የመንግሥትና የሃይማኖት ልዩነት መርህ በኢትዮጵያ

እንደ ኢትዮጵያ ባሉ አገሮች የሃይማኖት ተቋማት አዎንታዊ ሚና የጎላ...

ሐበሻ ቢራ ባለፈው በጀት ዓመት 310 ሚሊዮን ብር የተጣራ ትርፍ ማግኘቱን አስታወቀ

የአንድ አክሲዮን ሽያጭ ዋጋ 2,900 ብር እንዲሆን ተወስኗል የሐበሻ ቢራ...