Monday, July 15, 2024
- Advertisement -
- Advertisement -
ስፖርትሎዛ አበራ በኢትዮጵያ ንግድ ባንክ ከፍተኛ ተከፋይ በመሆን ፊርማዋን አኖረች

ሎዛ አበራ በኢትዮጵያ ንግድ ባንክ ከፍተኛ ተከፋይ በመሆን ፊርማዋን አኖረች

ቀን:

ብቃቷን ጠብቃ ቡድኑን ውጤታማ ማድረግ ከቻለች ዳጎስ ያለ ጥቅማ ጥቅም እንደምታገኝ ቃል ተገብቶላታል

ባለፈው የውድድር ዓመት በማልታ ሊግ ስኬታማ የእግር ኳስ ጊዜ ያሳላፈችው ሎዛ አበራ፣ ለኢትዮጵያ ንግድ ባንክ የሴቶች እግር ኳስ ክለብ ለመጫወት ፊርማዋን አኑራለች፡፡ ተጫዋቿ በኢትዮጵያ ንግድ ባንክ በአጠቃላይ 75,000 ወርኃዊ ክፍያ እንደምታገኝም ክለቡ አስታውቋል፡፡

ክለቡ ባለፈው ሐሙስ ጥቅምት 26 ቀን 2013 ዓ.ም. ልደታ በሚገኘው የኢትዮጵያ ንግድ ባንክ የስብሰባ አዳራሽ በሰጠው ጋዜጣዊ መግለጫ፣ በማልታ ሊግ የፕሮፌሽናልነት ዕድል አግኝታ ስኬታማ ጊዜን ያሳለፈችው ሎዛ አበራ፣ በክለቡ በሚኖራት የአንድ ዓመት ቆይታ  ከምታገኘው አጠቃላይ ክፍያ ውስጥ 50,000 ብር ወርኃዊ ደመወዝ ሲሆን፣ 25,000 ብር ደግሞ የፕሮፌሽናል አበል ነው ብሏል፡፡

ከዚህም በተጨማሪ ክለቡ በኢትዮጵያ የሴቶች እግር ኳስ ፕሪሚየር ሊግ የዋንጫ ባለቤት ከሆነና  በግሏ ደግሞ ኮከብ ተጨዋች ወይም ኮከብ ጎል አግቢ በመሆን የዓመቱን ውድድር የምታጠናቅቅ ከሆነ 100,000 ብር ታገኛለች፡፡ ክለቡ ያስቀመጠው ጥቅማ ጥቅም ከሎዛ ውጪ ሌሎች የክለቡ ተጨዋቾች ኮከብ ተጨዋች ወይም ኮከብ ጎል አግቢ ሆነው የሚያጠናቅቁ ከሆነ የዕድሉ ተጠቃሚ ይሆናሉ፡፡

በ2005 ዓ.ም. የተመሠረተው የኢትዮጵያ ንግድ ባንክ የሴቶች እግር ኳስ ክለብ፣ ሊጉ ‹‹የሴቶች ፕሪሚየር ሊግ›› የሚል ስያሜ ከያዘ ጀምሮ ሦስት ጊዜ የዋንጫ ባለቤት በመሆን ሲያጠናቅቅ፣ የደደቢት ሴቶች እግር ኳስ ክለብና የሐዋሳ ከተማ ሴቶች እግር ኳስ ክለብ አንድ አንድ ጊዜ አሸናፊ መሆናቸው ይታወሳል፡፡

የኢትዮጵያ ንግድ ባንክ የአትሌቲክስና እግር ኳስ በሁለቱም ጾታ፣ እንዲሁም የጠረጴዛ ቴኒስ ክለብ በማቋቋም ለኢትዮጵያ ስፖርት የበኩሉን አስተዋጽኦ ሲያደርግ ቆይቷል፡፡ ይሁንና ዋናውን የወንዶች ቡድን ጨምሮ ከሥር በየደረጃው ለዋናው ቡድን መጋቢ እንዲሆኑ ያቋቋመውን የወጣቱን ቡድን ከውጤት ጋር በተገናኘ ከሦስት ዓመት በፊት እንዲፈርስ ማድረጉ አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...