Sunday, January 29, 2023
- Advertisement -
- Advertisement -
ዜናሱዳን በኢትዮጵያ ያለው ሁኔታ እንዳሳሰባት አስታወቀች

ሱዳን በኢትዮጵያ ያለው ሁኔታ እንዳሳሰባት አስታወቀች

ቀን:

በኢትዮጵያ ትግራይ ክልል እየተካሄደ ያለው ወታደራዊ ግጭት እንዳሳሰባት ሱዳን አስታወቀች፡፡

የሱዳን ብሔራዊ የደኅንነት ምክር ቤት ሰኞ ጥቅምት 30 ቀን 2013 ላ.ም. ባደረገው አስቸኳይ ስብሰባ በኢትዮጵያ ያለውን ወቅታዊ ሁኔታ እንደገመገመ ባወጣው መግለጫ አስታውቋል፡፡

የሱዳን ጦር መሪ የሆኑት ሜጄር ጄኔራል ያሲን ኢብራሂም በደኅንነት ምክር ቤቱ ስብሰባ ላይ በኢትዮጵያ በትግራይ ክልል እየተካሄደ ያለው ጦነትና ውጤቱ አሳሳቢ መሆኑን ገልጸዋል፡፡

የሱዳን መንግሥት በኢትዮጵያ ያለው አሳሳቢ ሁኔታ ከጦርነት መፍትሔ ይልቅ በውይይት መፈታት እንዳለበት በማመን ጥሪ ማቅረቡን የሚገልጸው የአገሪቱ መግለጫ፣ የምሥራቅ አፍሪካ አገሮችም ሆኑ ዓለም አቀፍ ማኅበረሰብ ችግሩን ለመፍታት እንዲጥሩ ጥሪ አቅርበዋል፡፡ የኢትዮጵያ መንግሥት የድርድር ጥያቄዎችን እንደማይቀበል በይፋ አቋሙን የገለጸ ሲሆን፣ መከላከያ ሠራዊቱ ላይ ጥቃት መሰንዘር ለድርድር የማይቀርብ ጥፋት እንደሆነ አስታውቋል፡፡

ይህ በእንዲህ እንዳለ ጠቅላይ ሚኒስትር ዓብይ አህመድ (ዶ/ር) ለሱዳን መንግሥት መልዕክት መላካቸው ተገልጿል፡፡

ጠቅላይ ሚኒስትሩ የብሔራዊ ደኅንነት አማካሪ አድርገው ሰሞኑን የሾሟቸውን አቶ ገዱ አንዳርጋቸውን ወደ ሱዳን ዛሬ ኅዳር 1 ቀን 2013 ዓ.ም. መላካቸው ተገልጿል፡፡ አቶ ገዱ ለሱዳን መንግሥት ያደረሱት መልዕክት ይዘት ምን እንደሆነ ግን የታወቀ ነገር የለም፡፡ አንዳንድ የውጭ ሚዲያዎች እንደዘገቡት በምዕራብ ትግራይ ያለው ሁኔታ ያሠጋቸው ኢትዮጵያውያን ወደ ሱዳን በመሰደድ ላይ ሲሆኑ የሱዳን መንግሥት ደግሞ ይህንኑ ሁኔታ በመሥጋት ስድስት ሺሕ ወታደሮችን በድንበር ላይ እንዳሰፈረ ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...