Wednesday, July 24, 2024
- Advertisement -
- Advertisement -
ዜናበኦሮሚያ በተለያዩ አካባቢዎች የኦነግ ሸኔ አባላት መደምሰሳቸውና በቁጥጥር ሥር መዋላቸው ተገለጸ

በኦሮሚያ በተለያዩ አካባቢዎች የኦነግ ሸኔ አባላት መደምሰሳቸውና በቁጥጥር ሥር መዋላቸው ተገለጸ

ቀን:

ኦነግ ሸኔ በኦሮሚያ በተለያዩ አካባቢዎች የሕዝብን ሰላም ለማደፍረስና ሕገ መንግሥታዊ ሥርዓቱን በኃይል ለማፍረስ ሲንቀሳቀስ፣ በክልሉ የፀጥታ ኃይሎች የተወሰነው ተደምስሶ የተወሰነው ቆስሎ በቁጥጥር ሥር መዋሉ ተገለጸ፡፡

የኦሮሚያ ክልል ልዩ የፖሊስ ኃይል በጉጂ ዞን በወሰደው ዕርምጃ 14 የኦነግ ሸኔ አባላትን ደምስሶ፣ 17 አባላትን በማቁሰልና 13 ደግሞ ከእነ ትጥቃቸው በቁጥጥር ሥር እንዲውሉ ማድረጉን የክልሉ የኮሙዩኒኬሽን ጉዳዮች ቢሮ ገልጿል፡፡ በምዕራብ ወለጋ ዞን ደግሞ 26 መደምሰሳቸውን፣ 24 መማረካቸውንና 23 እጅ መስጠታቸውን አስታውቋል፡፡

ቢሮው እንዳስታወቀው፣ ቡድኑ የሽብር ጥቃት ለማድረስ ከሕወሓት የጥፋት ቡድን ተልዕኮ ወስዶ በወረዳዎችና ከተሞች ላይ ሲንቀሳቀስ የክልሉ ልዩ የፖሊስ ኃይል ባደረገው ድንገተኛ ፍተሻና ክትትል ሊደመሰስና በቁጥጥር ሥር ሊውል መቻሉን አስረድቷል፡፡

የኦሮሚያ ክልል ፖሊስ ኮሚሽን ለመገናኛ ብዙኃን እንደተናገረው ከክልሉ ልዩ የፖሊስ ኃይልና የፀጥታ አካላት ጋር በመተባበር ባካሄደው ዘመቻ በተለያዩ ዞኖች፣ ወረዳዎችና ከተሞች እየተዘዋወረ ሕዝብን የሚዘርፍ ሽፍታ ቡድን (ኦነግ ሸኔ) እየተመታና በቁጥጥር ሥር እየዋለ መሆኑን አስታውቋል፡፡ ኅብረተሰቡም ከፍተኛ ትብብር እያደረገ መሆኑን ጠቁሞ፣ በቀጣይም በመተባበር ቡድኑን ለመደምሰስ እንደሚሠራ ተናግሯል፡፡

በሌላ ዜና የሕወሓት ቡድን የአገር መከላከያ የጦር ጄት መትቶ እንደጣለ በተለያዩ መገናኛ ብዙኃን ያስተላለፈው ዜና ሐሰት መሆኑን በመግለጽ የመከላከያ ሚኒስቴር አስተባብሏል፡፡

የመከላከያ ሠራዊት ኢንዶክትሬኔሽን ዋና ዳይሬክተር ሜጀር ጄኔራል መሐመድ ተሰማ እንደተናገሩት፣ የኢትዮጵያ አየር ኃይል የተመረጡና ምሽግ ናቸው የተባሉ ቦታዎችን በመምታት ላይ ነው፡፡ የትግራይ ክልል ልዩ ኃይልም ቦታውን እየለቀቀና ለመከላከያ ሠራዊት እጅ እየሰጠ መሆኑን ጠቁመው፣ ‹‹የአገር መከላከያን የጦር ጄት መትቼ ጥያለሁ›› የተባለው ከእውነት የራቀና ሐሰት መሆኑን አስታውቀዋል፡፡

የሕወሓት የጥፋት ቡድን ለፖለቲካ ትርፍ ብሎ መጠቀሚያ በማድረግ ሊያደርሰው ከሚችለው ጥፋት የትግራይ ሕዝብ መጠንቀቅ እንዳለበት ማሳሰቢያ የሰጠው ደግሞ፣ የትግራይ ዴሞክራሲያዊ ፓርቲ (ትዴት) ነው፡፡ የትዴት ሕዝብ ግንኙነት ኃላፊ አቶ ሙሉ ብርሃን ኃይሌ ለመገናኛ ብዙኃን እንደገለጹት፣ ቡድኑ የፖለቲካ ትርፍ ለማግኘት የሚጠነስሳቸው ሴራዎች በትግራይ ሕዝብ ላይ ጥፋትና ጉዳት ሊያደርስ ይችላል፡፡ ከአመጣጡ ጀምሮ በሴራ የተካነ፣ በትግል አጋሮቹም ሆነ በደጋፊዎቹ ላይ ዕርምጃ ለመውሰድ የማይራራ ነው ብለው፣ በመሆኑም በትግራይ ሕዝብ ላይ በተካነበት ሴራ ጥፋት ሊያደርስ ስለሚችል ሕዝቡ መጠንቀቅ እንዳለበት አሳስበዋል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...

አሳርና ተስፋ!

ከቱሉ ዲምቱ ወደ ቦሌ ጉዞ ልንጀምር ነው፡፡ ገና ከመንጋቱ...