Wednesday, July 24, 2024
- Advertisement -
- Advertisement -
ስፖርትዋሊያዎቹ ሁለት ሚሊዮን ብር ተሸለሙ

ዋሊያዎቹ ሁለት ሚሊዮን ብር ተሸለሙ

ቀን:

ተስፋ የተጣለበት ወጣት ቡድኑ ታንዛኒያ ከትሟል

ለአፍሪካ ዋንጫ ማጣሪያ በምድብ 11 ከአይቮሪኮስት፣ ማዳጋስካርና ኒጀር ጋር የተደለደለው የኢትዮጵያ ብሔራዊ ቡድን (ዋሊያዎቹ) ሁለት ሚሊዮን ብር የገንዘብ ሽልማት ተበረከተለት፡፡ በሌላ በኩል ዕድሜያቸው ከሃያ ዓመት በታች ብሔራዊ ቡድን ባለፈው ዓርብ ታንዛኒያ ዳሬሰላም ገብቷል፡፡

በአራተኛው የምድብ ማጣሪያ ጨዋታ የኒጀር አቻውን 3 ለ0 በሆነ ሰፊ ውጤት ያሸነፈው የኢትዮጵያ ብሔራዊ ቡድን፣ ከመሪዎቹ አይቮሪኮስትና ማዳጋስካር በአንድ ነጥብ ዝቅ ብሎ ስድስት ነጥብ መያዙ በቀጣይ የሚያደርጋቸው ሁለት ጨዋታዎች የተሻለ ውጤት በማስመዝግብ ለአቢጃኑ የአፍሪካ ዋንጫ ተስፋ እንዲሰንቅ  አስችሎታል፡፡

ብሔራዊ ቡድኑ ላስመዘገበው ውጤት ስፖርት ኮሚሽን ከኢትዮጵያ እግር ኳስ ፌዴሬሽን ጋር በመሆን ሁለት ሚሊዮን ብር ማበረታቻ አበርክቶለታል፡፡ በውጤቱ መደሰቱን የገለጸው ስፖርት ኮሚሽን ከገንዘብ ሽልማቱ በተጨማሪ ለቡድኑ አባላት በሀያት ሬጀንሲ የምሳ ግብዣ አድርጎለታል፡፡

የኢትዮጵያ ቡድን ከጨዋታ ብልጫ ጋር ያስመዘገበው ውጤት ትልቅ ትርጉም እንዳለው የተናገሩት የስፖርት ኮሚሽነር ኤልያስ፣ በተለይ ቡድኑ የመጀመርያዋን ጎል እንዳስቆጠረ ተጨዋቾቹ ደስታቸውን የገለጹበት አግባብ ‹‹ለመከላከያ ክብር እቆማለሁ›› በሚል በዕለቱ ሲደረግ ከዋለው መርሐ ግብር ጋር ተያይዞ ትልቅ ትርጉም እንዳለው ገልጸዋል፡፡ የኢትዮጵያ እግር ኳስ ፌዴሬሽን ፕሬዚዳንት አቶ ኢሳያስ ጅራ በበኩላቸው፣ ለብሔራዊ ቡድኑ የተደረገው ድጋፍ ለእያንዳንዱ ከ36 ሺሕ እስከ 70 ሺሕ ብር የሚገመት መሆኑ ቡድኑ ለሚቀረው መርሐ ግብር ትልቅ የሞራል ስንቅ ሊሆን እንደሚችል ገልጸዋል፡፡

በሌላ በኩል በአሠልጣኝ ተመስገን ዳና የሚሰለጥነው ከሃያ ዓመት በታች የኢትዮጵያ ብሔራዊ ቡድን፣ የአፍሪካ እግር ኳስ ኮንፌዴሬሽን (ካፍ) በአምስት ዞን ከፋፍሎ ለሚያካሂደው የአፍሪካ ወጣቶች ዋንጫ፣ የምሥራቅ አፍሪካ ዞን አገሮች ለሚያደርጉት ማጣሪያ ባለፈው ዓርብ ታንዛኒያ ዳሬሰላም ገብቷል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...

አሳርና ተስፋ!

ከቱሉ ዲምቱ ወደ ቦሌ ጉዞ ልንጀምር ነው፡፡ ገና ከመንጋቱ...