Monday, February 6, 2023
- Advertisement -
- Advertisement -
ስፖርትፓርላማው የኢትዮጵያን የስፖርት እንቅስቃሴ ገመገመ

ፓርላማው የኢትዮጵያን የስፖርት እንቅስቃሴ ገመገመ

ቀን:

የሕዝብ ተወካዮች ምክር ቤት የሴቶች ሕፃናትና ማኅበራዊ ዘርፍ ቋሚ ኮሚቴ በኢትዮጵያ ያለው የስፖርት አደረጃጀትን ለማጠናከር እየተደረገ ያለውን የለውጥ እንቅስቃሴ ገምግሟል፡፡ በግምገማውም ለስፖርቱ የለውጥ ፕሮግራም የመፍትሔ ሐሳቦችን መነሻ በማድረግ የአሥር ዓመት የስፖርት መሪ የልማት ዕቅድና የ2013 በጀት ዓመት ዕቅድ በማዘጋጀት ወደ ሥራ የገባው ስፖርት ኮሚሽን ክንውንን ቋሚ ኮሚቴው በዝርዝር ተመልክቶታል፡፡

ኮሚሽኑ የሚመለከታቸው ባለድርሻ አካላት ይሁንታ የሰጡበት የአሥር ዓመት የስፖርት መሪ የልማት ዕቅድ ከማዘጋጀት ጎን ለጎን፣ የ2013 በጀት ዓመት ዕቅድና ዕቅዱን ለማስፈጸም የሄደበት አግባብ፣ የብሔራዊ ስታዲየም ግንባታ ክትትል፣ ለአዲስ አበባ ስታዲየም ጥገና ያደረገው ትኩረትና በአፍሪካ እግር ኳስ ኮንፌዴሬሽን (ካፍ) የተገነባው የምሥራቅ አፍሪካ የእግር ኳስ ማሠልጠኛ ማዕከል ሥራ እንዲጀምር መደረጉ ቋሚ ኮሚቴው በጥሩ ጎኑ ተመልክቶታል ተብሏል፡፡

በኮቪድ-19 ውስጥ በመሆን የስፖርት ፋይዳን ለኅብረተሰቡ በማስገንዘብ ስፖርታዊ እንቅስቃሴዎችን ለማስጀመር የተከናወኑ የቅድመ ዝግጅት ሥራዎችን በመጥቀስ ተጠናክሮ መቀጠል እንዳለበት የቋሚ ኮሚቴው ሰብሳቢ ወ/ሮ አበባ ዮሴፍ መግለጻቸውም ተመልክቷል፡፡ ይሁንና ከአዲስ አበባ ስታዲየም ጥገና ጋር ተያይዞ ቋሚ ኮሚቴው ጉዳዩን የተመለከተበት አግባብና ስታዲየሙ በተለይም በአሁኑ ወቅት ከሚገኝበት ነባራዊ እውነታ ጋር የሚጣጣም እንዳልሆነ የሚናገሩ አልጠፉም፡፡

አስተያየት ሰጪዎቹ የአዲስ አበባ ስታዲየም የዓለም አቀፍ እግር ኳስ ማኅበር (ፊፋ) ከደረጃ በታች ነው በሚል በተለይ አኅጉራዊና ዓለም አቀፋዊ ውድድሮች እንዳያስተናግድ ክልከላ ከጣለበት ሰነባብቷል፡፡ ይህንኑ ተከትሎ ስታዲየሙ መታደስ እንዳለበት መግባባት ላይ ተደርሶ 25 ሚሊዮን ብር በጀት መያዙ ጭምር ከተነገረ ወራት ቢቆጠሩም፣ ዕድሳት ግን እየተደረገለት አይደለም፡፡ ቋሚ ኮሚቴው ግን ‹‹ለአዲስ አበባ ስታዲየም ጥገና የተደረገ ትኩረት›› በሚል ውዳሴ መቅረቡ ለምን? ሲሉ ይጠይቃሉ፡፡

የስፖርት ቤተሰቡ የኮቪድ-19 ወረርሽኝን ለመከላከልና ችግሩን ለመቋቋም ያከናወናቸው የትብብር እንቅስቃሴዎች በአርዓያነቱ ሊጠቀስ እንደሚገባው ቋሚ ኮሚቴው መናገሩ በኮሚሽኑ መግለጫ ተካቷል፡፡ ከዚሁ ጎን ለጎን ስፖርቱን ሕዝባዊ ለማድረግ በሚደረገው እንቅስቃሴ ቋሚ የሀብት ምንጭ እንዲፈጥር ማብቃት እንደሚገባ በቋሚ ኮሚቴው አስተያየት ተሰጥቶበታል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...