Wednesday, June 12, 2024
- Advertisement -
- Advertisement -

ስፖርትየካፍ ፕሬዚዳንት አህመድ አህመድ አምስት ዓመት ዕገዳ ተጣለባቸው

የካፍ ፕሬዚዳንት አህመድ አህመድ አምስት ዓመት ዕገዳ ተጣለባቸው

ቀን:

ካፍ በአፍሪካ የክለቦች ሻምፒዮና ፍጻሜ ተመልካቾች እንዲታደሙ ፈቀደ

የአፍሪካ እግር ኳስ ኮንፌዴሬሽን (ካፍ) የወቅቱ ፕሬዚዳንት አህመድ አህመድ ለአምስት ዓመት ከማንኛውም እግር ኳሳዊ እንቅስቃሴ የታገዱ መሆኑ የዓለም አቀፍ እግር ኳስ ማኅበር (ፊፋ) አስታወቀ፡፡ በሌላ በኩል ካፍ ከነገ በስቲያ ዓርብ በሚደረገው የአፍሪካ ክለቦች ሻምፒንስ ሊግ ፍጻሜ 5000 ተመልካቾች እንዲታደሙ ፈቅዷል፡፡

ከሦስት ዓመት በፊት በአዲስ አበባ በተደረገው የካፍ ፕሬዚዳንታዊ ምርጫ ካሜሩናዊ ኢሳ ሐያቱን ከሦስት አሠርታት ሥልጣናቸው ያወረዷቸው ማዳጋስካራዊ አህመድ አህመድ፣ ለአፍሪካ እግር ኳስ ዕድገት ጥሩ ጅምር እንደነበራቸው ቢነገርላቸውም ፊፋ ‹‹ዓለም አቀፉን የሥነ ምግባር ደንብ ጥሰዋል›› በሚል ካፍን ጨምሮ ለአምስት ዓመት ከማንኛውም እግር ኳሳዊ እንቅስቃሴ ያገዳቸው ስለመሆኑ ይፋ አድርጓል፡፡

- Advertisement -

ፊፋ በማዳጋስካራዊ የካፍ ፕሬዚዳንት ላይ ያስተላለፈው ዕገዳ፣ ውሳኔው የሚፀና ከሆነ ግለሰቡ ኮንፌዴሬሽኑን ለቀጣይ አራት ዓመት መምራት ይችሉ ዘንድ የመመረጥ ዕድሉን ሊያጠብባቸው እንደሚችል እየተነገረ ይገኛል፡፡ አህመድ አህመድ ዓምና ከሙስና ጋር ተያይዞ በፊፋ ክስ ተመሥርቶባቸው ዘብጥያ እንደሚወርዱ ሲጠበቅ ነፃ መውጣታቸው አይዘነጋም፡፡               

እ.ኤ.አ. 1957 የተመሠረተው የአፍሪካ እግር ኳስ ኮንፌዴሬሽን እስካሁን ከሰባት አገሮች የተመረጡ ፕሬዚዳንቶች አስተዳድረውታል፡፡ የመጀመርያው የካፍ ፕሬዚዳንት ሆነው ለአንድ ዓመት ብቻ ያስተዳደሩት ግብፃዊ አብዱል አዚዝ አብደላህ በሌላው ግብፃዊ አብዱል አዚዝ ሙስጠፋ ተተክተው እስከ 1968 ድረስ አኅጉራዊ ተቋሙ በሁለቱ ግብፃውያን መመራቱ ይታወቃል፡፡

ሱዳናዊ አብዱል ሀሊም ሙሐመድ ከ1968 እስከ 1972፣ ኢትዮጵያዊ ይድነቃቸው ተሰማ ደግሞ ከ1972 እስከ 1987 ለተከታታይ 15 ዓመታት ያህል አስተዳድረውታል፡፡ ‹‹የአፍሪካ የእግር ኳስ አባት›› በመባል የሚታወቁት ይድነቃቸው ተሰማ፣ ካፍን ለሁለተኛ ጊዜ ለአንድ ዓመት ብቻ ማስተዳደር የቻሉት ደግሞ ሱዳናዊ አብዱል ሐሊም መሐመድ ነበሩ፡፡

አኅጉራዊ ተቋሙን ከ1988 እስከ 2017 ለ29 ተከታታይ ዓመታት በመምራት ካሜሪናዊ ኢሳ ሐያቱ ብቸኛው ሲሆኑ፣ ከሦስት ዓመት በፊት አሁን ላይ በፊፋ ዕገዳ በተላለፈባቸው አህመድ አህመድ በአዲስ አበባ በተደረገው የካፍ ፕሬዚዳንታዊ ምርጫ መሸነፋቸው ይታወሳል፡፡

በሌላ በኩል ካፍ ከነገ በስቲያ ዓርብ ሁለቱ ግብፃውያን ክለቦች አል አህሊና ዛማሌክ ለፍጻሜ የቀረቡበት የአፍሪካ ክለቦች ሻምፒዮንስ ሊግ ጨዋታ 5,000 ተመልካቾች ወደ ሜዳ እንዲገቡ መፍቀዱ ታውቋል፡፡ የሁለቱ ክለቦች ጨዋታ የሚደረገው በካይሮ ዓለም አቀፍ ስታዲየም ሲሆን፣ ይህ የካፍ ውሳኔ የኮሮና ወረርሽኝ ከተከሰተ በኋላ የዚህን ያህል ቁጥር ያለው ተመልካች ወደ ሜዳ ሲገባ የመጀመሪያ ይሆናል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...