Monday, December 5, 2022
ሌሎች ዓምዶች
    - Advertisement -
    - Advertisement -
    ኪንና ባህልአሥሩም ክልሎች የሚሳተፉበት ‹‹ወይዘሪት አንድነት›› የቁንጅና ውድድር በሸገር ፓርክ ይካሄዳል

    አሥሩም ክልሎች የሚሳተፉበት ‹‹ወይዘሪት አንድነት›› የቁንጅና ውድድር በሸገር ፓርክ ይካሄዳል

    ቀን:

    ከአሥሩ ክልሎችና ሁለቱ የከተማ አስተዳደሮች የተውጣጡ ቆነጃጅት የሚሳተፉበት ‹‹ወይዘሪት አንድነት›› የቁንጅና ውድድር ዛሬ ኅዳር 27 ቀን 2013 ዓ.ም. በሸገር ፓርክ ይካሄዳል፡፡

    ፌዴሬሽን ምክር ቤትና ኢስት አፍሪካ ኢንተርቴይንመንት በጋራ ያዘጋጁት የ‹‹ወይዘሪት አንድነት›› የቁንጅና ውድድር፣ የ15ኛው የብሔር ብሔረሰቦች በዓል አካል ነው፡፡ በዕለቱም የተለያዩ ዝግጅቶች እንደሚካሄዱ የኢስት አፍሪካ ኢንተርቴንመንት መሥራች አቶ ሞቲ ሞረዳ ተናግረዋል፡፡

    አቶ ሞቲ እንዳሉት፣ ‹‹እኩልነትና ኅብረ ብሔራዊ አንድነት ለጋራ ብልጽግና›› በሚል መሪ ቃል የሚከበረው 15ኛው የብሔር ብሔረሰቦች ቀንን ምክንያት በማድረግ የሚካሄደው የቁንጅና ውድድር፣ በየክልሎቹ የተካሄደው ውድድር አካል ሲሆን፣ ማጠቃለያው በሸገር ፓርክ ይከናወናል፡፡

    ኢትዮጵያ በርካታ ብሔር ብሔረሰቦችን አቅፋ የያዘች ሃገር መሆኗን የተናገሩት አቶ ሞቲ፣ ከቅርብ ጊዜ ወዲህ የመጣውን የእርስ በርስ ቁርሾ ኅብረ ብሔራዊ አንድነትን ጥያቄ ውስጥ የሚያስገባ በመሆኑ፣ በውድድሩ የሚያሸንፉ አንድነትና ሰላም ላይ እንዲሠሩ ይታገዛሉ ብለዋል፡፡

    ተወዳዳሪዎቹ በሁሉም ክልሎችና በሁለቱ ከተማ አስተዳደሮች አሸንፈው በመጨረሻው ዙር ለመሳተፍ ዝግጅቱን አጠናቀዋል ተብሏል፡፡ የመጡበትን ክልሎች ውበት፣ ባህል፣ ወግና ሥርዓት በማጉላትና ከልዩነት ይልቅ አንድነትን የሚያጠናክሩ ዕሴቶች ላይ ትኩረት በማድረግ ውድድሩ እንደሚጠቃለልም ተገልጿል፡፡  

    የዚህ ውድድር በዋነኝነት ወጣቶች በሰላምና አንድነት ዙሪያ ቁልፍ ሚና እንዲጫወቱ ለማድረግ ያለመ መሆኑን አዘጋጆቹ ተናግረዋል፡፡ አሸናፊዎች ስለ ሰላምና አንድነት በየክልሉ እየዞሩ የሚያስተምሩም ይሆናል፡፡ በ2014 ዓ.ም. ‹‹ወይዘሪት አንድነት›› ውድድር በቀጣይ እንደሚካሄድ የኢስት አፍሪካ ኢንተርቴንመንት ዳይሬክተር አቶ ቢኒያም ፍቃድ ተናግረዋል፡፡

    ወጣቶች በሰላምና በአንድነት ዙሪያ በሰፊው እንዲሠሩ ለማድረግ በተዘጋጀው ውድድር የትግራይ ክልል እንዲሳተፉ ከጊዜያዊ አስተዳደሩ ጋር እየተሠራ መሆኑን አቶ ሞቲ ለሪፖርተር ገልጸዋል፡፡

    ከትግራይ ክልል ጊዜያዊ አስተዳደር ጋር በመተባበር በውድድሩ በተሠራው ሥራ የሚሳተፉ መኖራቸውን አክለዋል፡፡ በሌላ በኩል ኅዳር 29 ቀን 2013 ዓ.ም. ደግሞ በአንድነት ፓርክ ጠቅላይ ሚኒስቴር ዓብይ አህመድ (ዶ/ር) እና ፕሬዚዳንት ሳህለ ወርቅ ዘውዴ በተገኙበት የሽልማት ሥነ ሥርዓት እንደሚከናወን ተገልጿል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...