Saturday, December 3, 2022
ሌሎች ዓምዶች
    - Advertisement -
    - Advertisement -
    ይድረስ ለሪፖርተርኢትዮጵያውያን ወላጆች በባንክ እየላኩ ልጆቻቸውን በውጭ አገሮች ማስተማር የማይችሉት ለምንድነው?

    ኢትዮጵያውያን ወላጆች በባንክ እየላኩ ልጆቻቸውን በውጭ አገሮች ማስተማር የማይችሉት ለምንድነው?

    ቀን:

    ከመስከረም 2011 ዓ.ም. ጀምሮ ለሦስት ወራት ያህል ኬንያ ነበርኩኝ፡፡ በቆይታዬም እንደ ልብ የባንክ አገልግሎት እንዳለ አስተዋልኩኝ፡፡ ይህ ብቻ አይደለም የኦንላይን ሥራዎችን መሥራት በጣም ቀላል ነው፡፡ የዩኒቨርሲቲ ተማሪዎችም እየሠሩ የሚማሩበትና እየከፈሉ የሚማሩበት ሁኔታ እንዳለ አጤንኩኝ፡፡ በኢትዮጵያ ያለው ሁኔታ እንደዚያ ባለመሆኑ ያለውን ሁኔታ የተሻለ ለማድረግ የልምድ ልውውጥ እንዲደረግ በማሰብ በኬንያ የኢትዮጵያ ኤምባሲን ለማነጋገርም ሞከርኩኝ፡፡

    የነበረኝ ቆይታ አልቆ ስመለስ በዚህ መልኩ መሥራት ብችል ነገሮች የማይስተካከሉበት ምንም ምክንያት እንደሌለ ስላመንኩኝ መነሻ ሐሳብ ሊሆን ይችላል የሚል ሐሳብ በማሰብ ያየሁትን ላካፍላችሁ ወደድኩ፡፡ ኬንያ እያለሁ እናቴ በኢትዮጵያ ንግድ ባንክ በኩል ገንዘብ እንድትልክልኝ ጠይቄያት ባንክ ስትሄድ፣ ከአገር ውስጥ ወደ ሌላ አገር ገንዘብ መላክ አይቻልም የሚል ምላሽ ነበር ያገኘችው፡፡ እኔም ከአገር ውስጥ ወደ ሌላ አገር ገንዘብ በባንክ በኩል መላክ እንደማይቻል ያወቅኩት በዚያን ጊዜ ነው፡፡ ልጆቻቸውን ወደ ሌሎች አገሮች ልከው የሚያስተምሩ ኢትዮጵያውያን ወላጆች እንዴት ይሆን በሚፈልጉት ጊዜ ገንዘብ ቀጥታ በባንክ እየላኩ ልጆቻቸውን ማስተማር የሚችሉት? ይህም ብቻ አይደለም ኦንላይን ሥራ የሚሠሩ የሌሎች አገር ዜጎች ኢትዮጵያ ውስጥ ባለው የባንክ አሠራር ብቻ የተነሳ ኢትዮጵያውያን ኦንላይን ሥራዎችን በሰፊውና በብዛት መሥራት እንዳልቻሉ ሲያውቁ ማመን ይችሉ ይሆን? ይህ የባንክ አሠራር ሁኔታ መቼ ይሻሻል ይሆን? የዩኒቨርሲቲ ተማሪዎች ኦንላይን ሥራዎችን የሚሠሩበት ሌሎች ሥራዎችንም እንደ ልብ የሚሠሩበትና የመንግሥት ዩኒቨርሲቲዎች ተማሪ የሆኑ እየከፈሉ የሚማሩበት ሁኔታ መፈጠሩ፣ ለአገሪቱ ዕድገት ይህ ነው የማይባል ሚና ያለው መሆኑ አጠያያቂ አይደለም፡፡ በከፍተኛ የትምህርት ተቋማት ያላችሁ ባለሙያዎች እንዲሁም ሌሎች ይህን ዕውን ለማድረግ መሥራት ቀጠሮ የሚሰጠው ተግባር አይደለም፡፡ እነዚህን ጥያቄዎች ለእናንተው ትቼላችሁ ኦንላይን ሥራዎችን አብዛኛው ሰው መሥራት ቢችል የአገሪቱን ኢኮኖሚ እጅጉን እንደሚያሳድገው የግል አስተያየቴን እየጠቆምኩኝ ልሰናበታችሁ!

    (መክሊት ጋረደው ገብረወልድ፣ ከአዲስ አበባ)

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...