Sunday, February 5, 2023
- Advertisement -
- Advertisement -
ዜናተመድ በትግራይ ክልል ያለው ሁኔታ አሳስቦኛል አለ

ተመድ በትግራይ ክልል ያለው ሁኔታ አሳስቦኛል አለ

ቀን:

የኖርዌይ የስደተኞች ምክር ቤት ዕርዳታ ማቅረብ እንዳልቻለ አስታወቀ

የተባበሩት መንግሥታት ድርጅት (ተመድ) ዋና  ጸሐፊ አንቶንዮ ጉተሬዝ በኢትዮጵያ በትግራይ ክልል ያለው ወቅታዊ ሁኔታ ያሳስበናል ሲሉ አስታወቁ፡፡ የኖርዌይ የስደተኞች ምክር ቤት ዕርዳታ ማቅረብ አለመቻሉን ገልጿል፡፡

ሰኞ ኅዳር 28 ቀን 2013 ዓ.ም. በተመድ ድረ ገጽ ላይ የወጣው  የዋና ጸሐፊው መግለጫ እንደሚያብራራው የሕግ የበላይነትን በፍጥነት ማስመለስ፣ ሰብዓዊ መብቶችን ሙሉ በሙሉ ማስከበር፣ ማኅበራዊ ትስስርን ማስፈን፣ ሁሉን አቀፍ ዕርቅ ማድረግ፣ እንዲሁም የሕዝባዊ አገልግሎቶች መስጫዎች አሰጣጥ እንደገና ማቋቋምና ያልተገደበ ሰብዓዊ ተደራሽነትን ማረጋገጥ አስፈላጊ እንደሆነ አሳስቧል፡፡

የአፍሪካ ኅብረትን ተነሳሽነት ለመደገፍ የተባበሩት መንግሥታት ድርጅት ሙሉ በሙሉ ቁርጠኛ  እንደሆነ የጠቆመው የዋና ጸሐፊው መግለጫ፣ ዕርዳታ በሙሉ አቅም በማሰባሰብ ለስደተኞች፣ ለተፈናቀሉ ዜጎችና በችግር ላይ ለሚገኙ ሰዎች ሰብዓዊ ድጋፍ እንደሚያደርግ አስታውቋል፡፡

ዋና ጸሐፊው ከጠቅላይ ሚኒስትር ዓብይ አህመድ (ዶ/ር)፣ ከተባበሩት መንግሥታት ድርጅት ተወካዮችና ከቀጣናው መሪዎች ጋር መወያየታቸውንና መልዕክቶችን ማስተላለፋቸው በመግለጫቸው ተጠቅሷል፡፡

በሌላ በኩል የኖርዌይ ስደተኞች ምክር ቤት በትግራይ ክልል ችግር ውስጥ ለወደቁና ዕርዳታ ለሚያስፈልጋቸው ሴቶች፣ ሕፃናትና ወጣቶች የአስቸኳይ ጊዜ ዕርዳታ ለመድረስ አለመቻሉን ገልጿል፡፡

የምክር ቤቱ ዋና ጸሐፊ ጃን ኤግለንድ ማክሰኞ ኅዳር 29 ቀን 2013 ዓ.ም. በይፋዊ የትዊተር  ገጻቸው  አንደገለጹት፣ የኢትዮጵያ መንግሥት ባለፈው ሳምንት ከተባበበሩት መንግሥታት ድርጅት ጋር ዕርዳታ ለማድረስ እንደሚፈቅድ  የተስማማ ቢሆንም፣ በአሁኑ ጊዜ በክልሉ መድረስ የነበረበትን ሰብዓዊ ዕርዳታ ማቅረብ አልተቻለም፡፡

የኢትዮጵያ መንግሥትና የተባበሩት መንግሥታት ድርጅት ለተቸገሩ ዜጎች መፍትሔ በማፈላለግ፣ ለስደተኞችና አስቸኳይ ዕርዳታ የሚፈልጉ ወገኖችች በአፋጣኝ እንዲደርሳቸው መንገዶች በቶሎ እንዲከፈቱ ጠይቀዋል፡፡

ጠቅላይ ሚኒስትር ዓብይ (ዶ/ር) ባለፈው ሳምንት ከፓርላማ አባላት ጋር በነበራቸው ቆይታ የተፈናቀሉ ዜጎችን አስመልክተው፣ ኢትዮጵያ በሚሊዮን የሚቆጠሩ ስደተኞችንና ከመኖሪያ ቀዬአቸው የተፈናቀሉ ዜጎችን የምታስተዳድር ስለሆነ፣ ጉዳይ ጋር ተያይዞ የሚነሳው ቁጥር አሳሳቢ እንዳልሆነ ጠቁመው ነበር፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በጦርነቱ የወደሙ ትምህርት ቤቶችን መልሶ የመገንባቱ ውጥን

በኢትዮጵያ በሰሜኑ ክፍል በሦስት ዙር ተካሄዶ በነበረው ጦርነት ምክንያት...

በርካታ ሰዎችን እያጠቁ የሚገኙት የሐሩራማ አካባቢ በሽታዎች

ትኩረት የሚሹ የትሮፒካል /ሐሩራማ በሽታዎች በአብዛኛው ተላላፊ ሲሆኑ፣ በዓይን...

ስለአገር ኢኮኖሚ ማሰብ የነበረባቸው ጭንቅላቶች በማያባሩ ግጭቶች ተነጥቀዋል!

አገራችን ኢትዮጵያ ውጪያዊና ውስጣዊ ፈተናዎቿ መብዛት ብዙ ዋጋ እያስከፈላት...