Thursday, June 20, 2024

[ክቡር ሚኒስትሩ በጠዋት ቢሯቸው ገብተው አጀንዳቸውን እየተመለከቱ ሳለ ስልካቸው ጮኸ። በአሁኑ ወቅት የተቃዋሚ ፓርቲ አባል የሆነ የትምህርት ዘመን የዩኒቨርሲቲ ወዳጃቸው የስልክ ጥሪ ነበር]

  • ሄሎ! 
  • የጥንቱ ወዳጄ ክቡር ሚኒስትር እንዴት አለህ?
  • የጠፋ ሰውዛሬ ከዬት ተገኘህ?
  • ከተንቤን፡፡ 
  • ቀልድህ እኮ አይጠገብም።
  • ቀልድ አይደለም፡፡
  • እና ምንድነው?
  • ግራ መጋባት፡፡
  • ለምን?
  • ቆላ ተንቤን ላይ ከበናቸዋል ስትሉን እሰይ አለቀ ብለን ደስታችንን ገልጸን ሳንጨርስ
  • ከበናቸው ነበር እኮ፡፡
  • ታዲያ ምን ተፈጠረ?
  • ከበባውን እያጠበብን ስንቀርባቸው እግሬ አውጪኝ አሉ።
  • ወዴት?
  • ደጋ ተንቤን፡፡ 
  • ቆላ ተንቤን ስትሉደጋ ተንቤን? 
  • ባህሪያቸውን ታውቀው የለ?
  • ክቡር ሚኒስትር አሁን ደግሞ ዘልቀዋል እንዳትለኝ?
  • ወዴት?
  • ዋሻ ተንቤን፡፡ 
  • የተቃዋሚ ነገር በቃ ማፌዝ ነው አሁንም?
  • ለስደት የዳረገኝ ግፍ እረፍት ቢነሳኝ እኮ ነው ምን ላድርግ?
  • እዚም ያው ነውሁሉም ከመቸኮሉ የተነሳ ስሜቱን መቆጣጠር ተስኖታል፡፡ 
  • ሁሉም ማለት?
  • የመንግሥት ኃላፊውምሚዲያውምሁሉም ጉጉቱን በልኩ ማድረግ ተቸግሮ እኛንም እየጎተተን ነው፡፡
  • ወዴት?
  • ወደ ስሜቱ ጎትቶን መታወቂያቸውን ይዘናልጫማቸው ተገኘ እያስባሉን ነው፡፡
  • ልክ ብለሃል ክቡር ሚኒስትርሁሉም ሰከን ማለት አለበት።

[15 ዓመታት ቤት ይደርሰኛል ብለው ከጥሪታቸው የቆጠቡ ነዋሪዎች እያሉ በአቋራጭ የመጡት የሚንበሸበሹባት አገር እያሉ የክቡር የሚኒስትሩ ባለቤት እያማረሩ ሳለ፣ ክቡር ሚኒስትሩ ቤታቸው ገብተው አረፍ አሉ]

  • እንዲያው ምን ይሻላችኋል ግን?
  • ምነው ምን ገጠመሽ?
  • አንተ ሥልጣን ላይ እስካለህ እኔ ምን እሆናለሁ፡፡ 
  • ታዲያ ምን ተፈጥሮ ነው የምታማርሪው?
  • የሌሎችን ለቅሶ የሚያብስ ሲጠፋ እንዴት አላማርር?
  • የምን ለቅሶ ነው?
  • መች ተሳሳትኩ? እንኳን የምትመሩትን ሕዝብ ዕንባ ልታብሱ ይቅርና በውስጣችሁ ያለውንም ለቅሶ አትሰሙም። 
  • ለቅሶውን መድረስ እንቸገር ይሆናል እንጂ መስማትስ አንሰማለን፡፡
  • ይህንን ለቅሶ ግን መቅረት የለባችሁም፡፡
  • የማን ለቅሶ ነው?
  • የዕንባ ጠባቂው። 
  • ዕንባ ጠባቂ ተቋምን ነው የምትይው?
  • እህሳ! እንኳን ሊጠብቅ አብሮ እያነባ አይደል?
  • ምን ሰምተሽ ነው? 
  • መኖሪያ ቤት አገኛለሁ ብለው 15 ዓመታት የቆጠቡ የአዲስ አበባ ነዋሪዎች ዕንባችንን ያብስልን እንደሆን ብለው ወደ ተቋሙ ሄዱ
  • እሺየሚሰማቸው አጡ?
  • ኧረ አላጡም። ሰማቸው እንጂችግራችሁም እንዲፈታ እናደርጋለን ብለው ሸኛቸው።
  • እና ፈታላቸው አይደል?
  • ማን ዕንባ ጠባቂው?
  • እህሳ?
  • የሚሰማው አጥቶ እሱም ለፓርላማ እዬዬ አለ እንጂ… ይኼንን አልሰማህም? እንዲያው ግን ነዋሪው አያሳዝናችሁም?
  • እውነት አለሽ… ግዴለም የጀመርናትን ዘመቻ እናጠናቃት እንጂ ይኼ ጉዳይ መቋጫ ያገኛል።
  • እሱ ሲጠናቀቅ ሌላ አይመጣም ብለህ ነው? 
  • ምን?
  • ሌላ ዘመቻ!

[ክቡር ሚኒስትሩ ከአንድ የአውሮፓ ከፍተኛ ዲፕሎማት ጋር በቪዲዮ ኮንፈረንስ እየተወያዩ ነው]

  • ክቡር ሚኒስትር በአሁኑ ወቅት በኢትዮጵያ ያለው ሁኔታ በእጅጉ ያሳስበናልያሠጋናልም። ለዚህም ነው በአንክሮ የምንከታተለው። 
  • ሥጋት እንዳላችሁ እንገነዘባለን። ነገር ግን ያሳሰባችሁ ነገር የኢትዮጵያ ሁኔታ ይሁን አይሁን ለመረዳት ትንሽ ተቸግረናል። 
  • የሚያሳስበን ነገር እየሆነ ያለው ኢትዮጵያ ውስጥ ሆኖ ሳለ ሌላ ምን ሊያሳስበን ይችላል? የኢትዮጵያውያን መፈናቀል ያሳስበናልየኢትዮጵያ አለመረጋጋት ያሳስበናል። 
  • የተረጋጋች ኢትዮጵያን ለመፍጠር ስንል የምናካሂደው ዘመቻ ስለሆነ ከጎናችን ብትቆሙ ይጠቅማል። የዜጎች መፈናቀልም ጊዜያዊና በፍጥነት መልክ የሚይዝ በመሆኑ ብዙ መሥጋት የለባችሁም። 
  • እኛ ሥጋት አለን… ነገሩ ከቁጥጥር ውጪ ወጥቶ ወደ አፍሪካ ቀንድ እንዳይዛመት ሥጋት አለን።
  • ገብቶኛል… ሥጋታችሁ ለኢትዮጵያ እንዳልሆነ ቀድሞውንም ተረድቼው ነበር።
  • ምን እያሉ ነው ክቡር ሚኒስትር?
  • ሜዲትራንያንን የሚያቋርጡ ስደተኞች ቁጥር ይጨምራል በሚል ለራሳችሁ ጥቅምና ፍላጎት ያደላ ሥጋት እንጂ፣ ለኢትዮጵያ ተጨንቃችሁ አይደለም። 
  • በፍፁም ተሳስተዋል… የኢትዮጵያ ሰላም እንዲደፈርስ አንፈልግም። ይህ ደግሞ ከኢትዮጵያ ጋር ካለን ትብብር ብቻ የሚመነጭ ሳይሆን ለአካባቢውም መረጋጋት ስንል ነው።
  • አሜሪካ ከሶማሊያ ጦሯን ለማስወጣት መወሰኗን እንደ ሰሙ እርግጠኛ ነኝ… ይህ የሚያሳያው እኛ አካባቢ ያለመረጋጋት ሥጋት አሳሳቢ አለመሆኑ ይመስለኛል… ለማንኛውም ስለኛማሰባችሁ እናመሠግናለን። 

በብዛት የተነበቡ ፅሁፎች

- Advertisment -

ትኩስ ፅሁፎች

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...

ብሔራዊ ባንክ ጥርስ እያወጣ ይሆን እንዴ?

በአመሐ ኃይለ ማርያም ‹‹Better late than never›› (ከቀረ የዘገየ ይሻላል) የኢትዮጵያ...
spot_img

ተዛማጅ ፅሁፎች

[የክቡር ሚኒስትሩ ባለቤት ሐዘን ለመድረስ ጎረቤት ተገኝተው ለቀስተኛው በሙሉ የሚያወራው ነገር አልገባ ብሏቸው ወደ ቤታቸው ከተመለሱ በኋላ ባለቤታቸውን ስለጉዳዩ እየጠየቁ ነው] 

ጎረቤታችን ሐዘን ለመድረስ ብሄድ ለቀስተኛው በሙሉ በሹክሹክታ ያወራል። ግን የሚያወሩት ነገር ሊገባኝ አልቻለም። ምንድነው የሚያወሩት? እኔ ምን አውቄ? እንዴት? የሚያወሩትን ምንም አልተሰማሽም? እኔ እንድሰማ የፈለጉ አይመስልም ግን ... ግን...

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...