Wednesday, May 22, 2024
- Advertisement -
- Advertisement -

ማኅበራዊብቁ ዜጎችን ለማፍራት ያስችላል የተባለው የዲጂታል ክህሎት ዕቅድ ተግባራዊ ተደረገ

ብቁ ዜጎችን ለማፍራት ያስችላል የተባለው የዲጂታል ክህሎት ዕቅድ ተግባራዊ ተደረገ

ቀን:

ለአራተኛው ኢንዱስትሪ አብዮት ብቁ ዜጎችን ለማፍራት ያለመው የከፍተኛ ትምህርትና ሥልጠና ተቋማት የዲጂታል ክህሎት አገራዊ የትግበራ ዕቅድ ፀድቆ ተግባራዊ መደረጉን የሳይንስና ከፍተኛ ትምህርት ሚኒስቴር አስታወቀ፡፡

የከፍተኛ ትምህርትና ሥልጠና ተቋማት የዲጂታል ኢትዮጵያ 2025 ስትራቴጂ ግብ፣ የኢኮኖሚ ደጋፊ ዘርፎችና በብሔራዊ ደረጃ የተያዙ የሥራ ዕድል ፈጠራ፣ የውጭ ምንዛሪ ግኝት ማሳደግና አካታች ብልጽግና ለማረጋገጥ የሚያስችሉ በመካከለኛና በከፍተኛ የዲጂታል ክህሎት የሠለጠኑ ምሩቃንን ለማውጣት ያስችላል ተብሏል፡፡ 

ኅዳር 30 ቀን 2013 .ም. በአዳማ ከተማ በተካሄደው የከፍተኛ ትምህርት የስትራቴጂክ ዕቅድ ግምገማ መድረክ፣ የመንግሥት ከፍተኛ ትምህርት ተቋማት የሥራ ኃላፊዎችና ባለዳርሻ አካላት በተገኙበት ዕቅዱ ቀርቦ ውይይት ከተካሄደበት በኋላ ወደ ሥራ ገብቷል፡፡

- Advertisement -

የሳይንስና ከፍተኛ ትምህርት ሚኒስትር / ሳሙኤል ኡርቃቶ፣ ዕቅዱ ለሁሉም ሴክተሮችና ለአራተኛው የኢንዱስትሪ አብዮት የሚያስፈልጉ የዲጂታል ክህሎት ብቃታቸው የተረጋገጠ ምሩቃንና ዜጎችን ለማፍራት እንዲቻል ያግዛል ብለዋል፡፡ ዕቅዱም የዲጂታል መሠረተ ልማቶችን በማስፋፋት የትምህርት፣ ምርምርና አስተዳደር ሥራዎችን በኢንፎሜሽን ኮሙዩኒኬሽን ቴክኖሎጂ የተደገፉ ለማድረግ እንዲቻልም ተደርጎ የተዘጋጀ መሆኑን ገልጸዋል። 

የዲጂታል ክህሎት አገራዊ ዕቅዱ፣ ከሚኒስቴሩ የአሥርመት ስትራቴጂክ ዕቅድ፣ ከአገሪቱ የዲጂታል ኢትዮጵያ 2025 ስትራቴጂ፣ ከአፍሪካ ህብረት  አኅጉራዊ  የዲጂታል  ስትራቴጂና ከተባበሩት መንግሥታት የዘላቂ ልማት ግቦች ጋር በተጣጣመ መልኩ መዘጋጀቱንም ጠቁመዋል፡፡

የሳይንስና ከፍተኛ ትምህርት ሚኒስትር ዴኤታ ሳሙኤል ክፍሌ (/ር) በበኩላቸው፣ የዲጂታል ኢትዮጵያ 2025 ስትራቴጂ በሚኒስትሮች ምክር ቤት ሲጸድቅ፣ ሁሉም ሚኒስቴሮች ከዕቅዱ በመነሳት የራሳቸውን ዘርፍ ማስፈጸሚያ ዕቅድ እንዲያዘጋጁ በተቀመጠው አቅጣጫ መሠረት፣ ሚኒስቴሩ የራሱን ድርሻ በመውሰድ ዕቅድ ማዘጋጀቱን ገልጸዋል፡፡  

የከፍተኛ ትምህርትና ሥልጠና ተቋማት የዲጂታል ክህሎት አገራዊ የትግበራ ዕቅድ የዲጂታል ኢትዮጵያ 2025 ስትራቴጂ ላይ የተቀመጡትን ግቦች ለማሳካት የሚተገበር መሆኑን ገልጸው፣ በኢትዮጵያ ያለውን ዝቅተኛ የዲጂታል ክህሎት ለማሻሻል እንደሚያግዝም አብራርተዋል፡፡

/ ሳሙኤል እንዳሉት፣ የከፍተኛ ትምህርትና ሥልጠና ተቋማት ተማሪዎችንና መምህራንን ለዚህ ክህሎት ለማዘጋጀት አስፈላጊውን ግብዓት በማሟላት በትኩረት መሥራት ይጠበቅባቸዋል፡፡

ዕቅዱ በኢትዮጵያ ትኩረት ተደርጎ እየተሠራባቸው ለሚገኙት አካታች  ብልፅግናን የሚያረጋገጡ ግቦችን ለማሳካት የሚያስፈልጉ የሰውይል ለማፍራትና የዲጂታል ዕውቀትን ለማሳደግ በሚያስችል መልኩ የተዘጋጀ ሲሆን፣ አምስት የዲጂታል  አስቻይ መሪ  ግቦችን አካትቷል ተብሏል፡፡ 

በከፍተኛ ትምህርትና ሥልጠና ተቋማት የዲጂታል ክህሎት ለመፍጠር የሚያስችሉ ፖሊሲዎች፣ ስታንዳርዶችና ማዕቀፎች በማውጣትና በመተግበር ምቹ ሁኔታዎች  እንዲኖሩ ማድረግ ከዲጂታል  አስቻይ መሪ  ግቦች አንዱ ነው፡፡

በከፍተኛ ትምህርትና ሥልጠና ተቋማት የዲጂታል ክህሎት ፕሮግራሞች ላይ በየጊዜው አስፈላጊ የሆኑ ለውጦችን በማድረግ፣ ከዘመኑ ጋር ሊሄድ በሚችል መልኩ አስፈላጊ የሆኑ ማሻሻያዎች እንዲደረጉ የተጠናከረ ሥራ መሥራትም ሌላው ነው፡፡

በከፍተኛ ትምህርትና ሥልጠና ተቋማት የሚደረጉ የመማር ማስተማር፣ የምርመርና የአስተዳደር ሥራዎች በአይሲቲ እንዲታገዙ በማድረግ፣ የትምህርትና የምርመር ጥራትን መደገፍና የአሠራርርዓትንማዘመን፣ የከፍተኛ ትምህርትና ሥልጠና ተቋማት ከፍተኛ ፍጥነት ያለው ብሮድባንድ እንዲያገኙና ከኢንተርኔት ጋር በኔትዎርክ እንዲተሳሰሩ በማድረግ የተማከለ በክላውድ አገልግሎት እንዲደገፉ ማድረግም ከመሪ ግቦቹ ይጠቀሳል፡፡  

ግቡ፣ በከፍተኛ ትምህርትና ሥልጠና ተቋማት፣ በሚኒስቴና በተጠሪ ተቋማት አመራሮችና ሠራተኞች የዲጂታል ክህሎታቸውን ሊያዳብር የሚችል ቀጣይነት ያለው የአቅም ግንባታ ሥልጠናዎችን መስጠትና ሥራዎችን በቴክኖሎጂ መደገፉን የያዘ መሆኑን ሚኒስቴሩ በማኅበራዊ ትስስር ገጹ አስፍሯል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...