Wednesday, June 12, 2024

[ሚኒስትሩ በጠዋት ቢሮ እንደገቡ ዘወትር እንደሚያደርጉት አማካሪያቸው የሚያቀርበውን በወቅታዊ ጉዳዮች ላይ ያተኮረ ሪፖርት በመገረም እያደመጡ ነው]

  • እና በመቀሌ ከተማ ተገኝተዋል ነው የምትለኝ?
  • እርስዎ መረጃው አልነበረዎትም ነበር?
  • በጭራሽ አልሰማሁም። እርግጠኛ ነህ ግን?
  • መረጃዎቹ የሚያመለክቱት መቀሌ ተገኝተው ከጦር ጄኔራሎቹ ጋር መምከራቸውን ነው። አብረውም ፎቶ ተነስተዋል?
  • እስኪ ፎቶ ግራፉን አሳየኝ?
  • ይኽው. . .  
  • በፎቶ ሾፕ የተሠራ አለመሆኑን እርግጠኛ ነህ?
  • መቀሌ መሄድ እየተቻለ ለምን በፎቶ ሾፕ ማስመሰል ያስፈልጋል?
  • እንዴ ይኸው . . . ፎቶ ሾፕ ነው።
  • እንዴት አወቁ?
  • ተመልከት. . . አሁን የሚፈለጉት ሰዎች የተሰበሰቡበትን አዳራሽና ይኼኛውን አዳራሽ ተመልከት።
  • እየተመለከትኩት ነው ግን ሊያሳዩኝ የፈለጉት አልገባኝም?
  • አዳራሾቹ አንድ ዓይነት አለመሆናቸው አይታይህም? 
  • አዎ አንድ አይደሉም፡፡
  • አየህ ፎቶ ሾፕ ነው አላልኩህም? ስለዚህ አልሄዱም ማለት ነው።
  • ተሳስተዋል ክቡር ሚንስትር፡፡ 
  • ምን ላይ ነው የተሳሳትኩት?
  • አንድ አዳራሽ ይሰበሰባሉ ብለው ሲያስቡ ሐሳብዎን ሲያምኑ ነው የተሳሳቱት። 
  • እና የት ሊሰበሰቡ ይችላሉ? 
  • ብዙ መሰብሰቢያዎች እያሉ እንዴት እርስዎ ያሉት ቦታ ሊሰበሰቡ ይችላሉ? 
  • እኮ ሌላ የት አለ? 
  • ለምሳሌ ሰሜን ዕዝ አዳራሽ አለ፡፡
  •  በጠላት ቡድን ተይዞ የለም እንዴ እሱ?
  • አሃ. . . እርስዎ ገና አልገቡም ማለት ነው?
  • የት?
  • መቀሌ፡፡
  • ምን ማለትህ ነው?
  • መከላከያ ሠራዊት መቀሌን ከተቆጣጠረ ቆዬ ብዬ ነው።
  • እኔን ያሳሰበኝ ዋና ነገር እሱ አይደለም።
  • ምንድ ነው? 
  • እንዴት እኔ ወደ መቀሌ መሄዳቸውን አላወቅኩም፡፡ እንዴት አልተነገረኝም? 
  • እርስዎ ወጣ ሲሉ ይሆናል እነሱ የገቡት፡፡
  • ወዴት ወጣ አልኩ?
  • ቆላ ተምቤን
  • ሂድ ውጣልኝ! 

[ሚኒስትሩ በመኖሪያ ቤታቸው ከባለቤታቸው ጋር የምሽቱን የቴሌቪዥን ዜና እየተከታተሉ ሳለ አለቃቸው ከጦር ጄኔራሎች ጋር እየመከሩ የሚያሳየው የምስል ዜና መቅረብ ጀመረ]

  • እስኪ ወደ ሌላ ቻናል ቀይሪው?
  • እንዴ. . . ቆይ እንጂ. . . ዩኒፎርሙ ደግሞ እንዴት ያምርባቸዋል ባክህ. . . የት ሄደው ነው?
  • መቀሌ ነበሩ፡፡
  • ጠዋት እዚሁ ከውጭ የመጣ እንግዳ ሲቀበሉ አልነበረም እንዴ?
  • ከተቀበሉ በኋላ ሄዱ፡፡
  • ምሣ ላይ እንዴት አላወራኸኝም?
  • ንዳንድ መረጃዎች ለማንም እንደማይነገሩ አታውቂም?
  • አንተ የካቢኔ አባል አይደለህ እንዴት አይነግሩህም?
  • እኔማ አውቃለሁ።
  • እና የሚደበቀው ከማን ነው?
  • ለአንቺ ያልነገርኩሽ በሚስጥር መያዝ ስለነበረበት ነው ማለቴ ነው። 
  • አንተ ሰምተህ ለኔ ሳትነግረኝ?
  • ምንም ማድረግ አልችልም ነበር። 
  • ከዚህ የበለጡ ስንት ሚስጥሮች ያልደበቅከኝ ይኼንን ሚስጥር አደረግከው? 
  • አንዳንድ መረጃዎች ጥብቅ ናቸው ወጥተው ቢገኙ ያስጠይቀናል።
  • ቢሆንም ስንቱን ሚስጥር ስታወጋኝ ከርመህ? እኔ ደብቀኸኝ ነው ብዬ አላምንም። ሌላ ነገር እንዳይሆን?
  • ምን ሊሆን ይችላል?
  • ካንተም የተደበቀ ሚስጥር እንዳይሆን?
  • ምን ማለትሽ ነው የካቤኔ አባል አይደለሁ እንዴ? 
  • እሱማ ነህ ግን. . .  
  • ግን ምን?
  • ይኼ የካቢኔ ስብሰባ አይደለማ?
  • እና ቢሆንስ እኔ ማወቅ የለብኝም?
  • አሃ. . .  እነሱን ጠይቅ እንጂ እኔ ምን አውቃለሁ?
  • አጥፊልኝ አሁን ይኼንን ቴሌቪዥን!

[ክቡር ሚኒስትሩ በኢኮኖሚ ጉዳዮች ላይ ለመምከር የተጠራው ከፍተኛ የባለሙያዎች ስብሰባ ከመጀመሩ በፊት ከአንድ የባንክ ፕሬዝዳንት ጋር እየተወያዩ ነው]

  • ለውጡ ከተጀመረ ወዲህ ከሠራናቸው ስኬታማ ሥራዎች አንዱ የኢኮኖሚ ዘርፉ ነው። ለሌላውም ተምሳሌት የሚሆን ሥራ ይመስለኛል። 
  • ስኬት ለማለት አያስቸግርም ክቡር ሚኒስትር?
  • ለምን? ሌላውን ተወውና የብር ቅያሬው ስኬት ብቻ ተምሳሌት አይሆንም?
  • የብር ኖቶቹ መቀየራቸው ጥሩ ቢሆንም ስኬታማ ነው ማለት አይቻልም።
  • እንዴት? 
  • ገና አሮጌው ብር ተቀይሮ ሳያልቅ እየሆነ ያለውን እያዩት አይደል እንዴ?
  • ምን ሆነ?
  • የአዲሶቹ ብሮች ፎርጂድ በየቀኑ እየተያዙ ነው። ብሔራዊ ባንክም ከፎርጅድ ብሮች ተጠንቀቁ እያለ ነው።
  • ያሳዝናል ግን በለውጥ ላይ የሚገኝ አገር ከሚገጥሙት ፈተናዎች አንዱ እንዲህ ዓይነቱ ነው። 
  • እንዴት? 
  • የፖለቲካና የኢኮኖሚ ማዕከሉን አሳሳቾችና አጭበርባሪዎች ለመቆጣጠር በሚያደርጉት ፈተና መወዛወዝ ይበዛበታል። 
  • ታዲያ ዘፈኑን በመቀየር መያዝ አይሻልም?
  • ማንን?
  • ተወዛዋዦቹን!

በብዛት የተነበቡ ፅሁፎች

- Advertisment -

ትኩስ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...

የ‹‹ክብር ዶክትሬት›› ዲግሪ ጉዳይ

በንጉሥ ወዳጅነው ‹‹የክብር ዶክትሬት ዲግሪ ግልጽ የሆነ መመርያ እስኪወጣ ድረስ...
spot_img

ተዛማጅ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ? እንኳን ምላሻቸውን ቅሬታውንም አልሰማሁም። እንዴት? አልሰማሁማ? የምን ቅሬታ ቀርቦባቸው ነው? ሰሞኑን ወደ አሜሪካ ለመጓዝ ውድና ቅንጡ አውሮፕላን ተከራይተዋል የሚል ቅሬታ...