Tuesday, January 31, 2023
- Advertisement -
- Advertisement -
ማኅበራዊየተፈናቀሉ ሕፃናት በቀላሉ ትምህርት እንዲከታተሉ የሚያግዝ ፕሮጀክት ይፋ ሆነ

የተፈናቀሉ ሕፃናት በቀላሉ ትምህርት እንዲከታተሉ የሚያግዝ ፕሮጀክት ይፋ ሆነ

ቀን:

በኢትዮጵያ የተፈናቀሉ ሕፃናት ትምህርት በቀላሉ እንዲከታተሉ የሚያግዛቸው ፕሮጀክት (Play Matter) በአምስት ክልሎች ላይ ሊተገበር መሆኑን ፕላን ኢንተርናሽናል ኢትዮጵያ አስታወቀ፡፡

ፕሮጀክቱ ኢትዮጵያን ጨምሮ በታንዛኒያና ኡጋንዳ ተግባራዊ የሚደረግ ሲሆን፣ ዕድሜያቸው ከሦስት ዓመትና ከዚያ በላይ የሆኑትን የሚያጠቃልል መሆኑ ተጠቁሟል፡፡

ለዚህም የልጆች የመማሪያ አሻንጉሊቶችና ትምህርት መሣሪያ ሚያመርተው ሌጎ ዴንማርክ ፋውንዴሽን 100 ሚሊዮን ዶላር ድጋፍ ያደረገ ሲሆን፣ ለቀጣይ አምስት ዓመታት በተመረጡ ክልሎች ላይ ተግባራዊ እንደሚደረግ የፕላን ኢንተርናሽናል ኢትዮጵያ ምክትል ሥራ አስኪያጅ አቶ ሕይወቴ ስማቸው ተናግረዋል፡፡

ፕለይ ማተርስ የሕፃናት አጋዥ ትምህርት ፕሮጀክት በተለይም ለተፈናቃይ ሕፃናት ሥነ ልቦና ለማነፅ የሚያግዝ መሆኑን ምክትል ሥራ አስኪያጁ ገልጸዋል፡፡

ለሚቀጥሉት አምስት ዓመታት ተግባራዊ የሚደረገው ፕሮጀክት የፖሊሲ ክለሳና ይዘት ላይ ትኩረት ማድረጉን የገለጹት አቶ ሕይወቴ፣ ራሱን የቻለ መደበኛ ትምህርት እንዳልሆነ አስረድተዋል፡፡

የአጋዥ ትምህርት ግብዓት የመማር ማስተር ሒደቱ ሕፃናቱ ወይም ታዳጊዎች ትምህርቱን በቶሎ እንዲረዱትና እንዳያሰለቹ የሚያግዝ መሆኑ ተገልጿል፡፡

ሕፃናቱ ሳቢ፣ አመቺና አጋዥ ትምህርት አጋዥ እንዲያገኙ ለማድረግ ለማኅበረሰቡ ባህል የተቀራረቡ መምህራንና የትምህርት ቤት ማኅበረሰብ ቴክኒካል ድጋፍ እንዳያገኙ ይደረጋል ተብሏል፡፡

ፕሮጀክቱ ከ300 ሺሕ ያላነሱ ተፈናቃይ ሕፃናት ላይ ተግባራዊ የሚደረግ ሲሆን፣ ፕለይ ማተርስ የትምህርት ጥራቱን ለማስጠበቅ እንደ አጋዥ የትምህርት መሥሪያና በሥነ ልቦና ንቁ እንዲሆኑ እንደሚያግዝ ታምኖበታል፡፡

በትምህርት ሒደት ውስጥ ፕሮጀክቱን ተግባራዊ ለማድረግ ከትምህርት ሚኒስቴር ጋር መፈራረማቸውንም አቶ ሕይወቴ ገልጸዋል፡፡    

ፕሮጀክቱን ለአምስት ዓመታት በዋናነት የሚመሩት ዓለም አቀፍ ሪስኪዉ ኮሚቴና ፕላን ኢንተርናሽናል ናቸው፡፡ በጋምቤላ፣ በቤኒሻንጉል ጉምዝና በአፋር በ13 የስደተኛ ጣቢያዎች አሥር ቀጣናዎች ተግባራዊ ይደረጋል፡፡

በሌላ በኩል ሶማሌ እንዲሁም ትግራይ ክልል በሚገኙ 12 የስደተኛ ጣቢያዎች በሰባት ቀጣናዎች ፕሮጀክቱ የሚተገበር ይሆናል፡፡ የዚህ ዓይነቱ ፕሮጀክት በአውሮፓ፣ አሜሪካና ሌሎች አገሮች የተለመደ ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...