Wednesday, February 8, 2023
- ማስታወቂያ -
- ማስታወቂያ -

የማዕድንና ነዳጅ ዘርፍን በምርምር የታገዘ ለማድረግ ሦስት የድኅረ ምረቃ ትምህርቶች ሊሰጡ ነው

- ማስታወቂያ -

ተዛማጅ ፅሁፎች

የማዕድንና ነዳጅ ዘርፍን በምርምር የታገዘ ለማድረግ ሦስት የድኅረ ምረቃ ዲግሪ ፕሮግራሞች አጫጭር ሥልጠናዎች ሊሰጡ ነው፡፡

የኢትዮጵያ የማዕድንና የነዳጅ ሀብት በምርምር የታገዘ ለማድረግ፣ የማዕድንና ነዳጅ ሚኒስቴርና የአዲስ አበባ ዩኒቨርሲቲ ሰኞ ታኅሳስ 12 ቀን 2012 ዓ.ም. ስምምነት አድርገዋል፡፡

የማዕድን ምህንድስና፣ የፔትሮ ኬሚካል ምህንድስና፣ እንዲሁም በማዕድን ቁፋሮና ቤተ ሙከራ የድኅረ ምረቃ ዲግሪ ፕሮግራሞች በሚጀምረው አዲስ አበባ ዩኒቨርሲቲ በዓመት ከ600 በላይ ባለሙያዎች ለማብቃት መታቀዱ ተጠቁሟል፡፡

የጨረታ ማስታወቂያ

በዘርፉ ያሉት ክፍተቶች ለመሙላት አጫጭር ሥልጠናዎችን በማዘጋጀት የክህሎት ክፍተት ለመሙላት እየተሠራ መሆኑን፣ የማዕድንና ነዳጅ ሚኒስቴር አማካሪ ወ/ሪት ራሔል ጌታቸው ተናግረዋል፡፡

‹‹በዘርፉ የተደረገው ጥናት አሁን በሥሩ ላይ ያለው የሰው ኃይል የሚፈልገውን አገራዊ ለውጥ ለማምጣት የማያስችል ሆኖ በመገኘቱ፣ አገር በቀል ዕውቀትን በላቀ ደረጃ ለማሳደግ ከምርት ፍለጋ እስከ ገበያ ድረስ ድጋፍ ማድረግ የሚያስችል የሰው ኃይል አቅም መገንባት ላይ ትኩረት ተሰጥቷል፤›› ሲሉ ወ/ሪት ራሔል አስረድተዋል፡፡

በዋናነት የኢትዮጵያን የማዕድንና የነዳጅ ሀብቶች በአግባቡ ለመጠቀም በዘርፉ የሠለጠነና ብቁ የሰው ኃይል ለማፍራት፣ ሥርዓተ ትምህርቱ በተመረጡ ተቋማት እንደሚሰጥ አማካሪዋ ገልጸዋል፡፡

የማዕድንና ነዳጅ ሚኒስቴር ከሳይንስና ከከፍተኛ ትምህርት ሚኒስቴር ጋር 2012 ዓ.ም. የመግባቢያ ሰነድ ተፈራርሞ ነበር፡፡ ይህ ከአዲስ አበባ ዩኒቨርሲቲ ጋር የተደረገ ስምምነት የመግባቢያ ሰነዱ አካል ነው፡፡

ለሥልጠና ፕሮጀክቶቹ የሚደረገው ወጪ ሙሉ በሙሉ በማዕድንና ነዳጅ ሚኒስቴር የሚሸፈን እንደሆነ ታውቋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች