Saturday, June 15, 2024
- ማስታወቂያ -
- ማስታወቂያ -

ብርሃን ባንክ የትርፍ መጠኑን በ22 በመቶ ማሳደጉን አስታወቀ

spot_img

ተዛማጅ ፅሁፎች

ብርሃን ባንክ በ2012 የሒሳብ ዓመት ከታክስ በፊት ያገኘው ትርፍ 22 በመቶ በማሳደግ 707.5 ሚሊዮን ብር ማድረሱን ገለጸ፡፡ ባንኩ ታኅሳስ 13 ቀን 2012 ዓ.ም. ባካሄደው ጠቅላላ ጉባዔ ላይ የባንኩ ዳይሬክተሮች ቦርድ ሰብሳቢ የሆኑት አቶ ጉማቸው ኩሴ በ2012 የሒሳብ ዓመት በአገራችን የታየው የፖለቲካዊ፣ ኢኮኖሚያዊ፣ የኅብረተሰብ ጤና ተያያዥና ማኅበራዊ ተግዳሮቶች ከፍተኛ የነበሩ ቢሆንም የትርፍ ምጣኔውን አሳድጓል፡፡

በዚሁ መሠረት ባንኩ ከትርፍ ግብር በፊት 707.5 ሚሊዮን ብር አጠቃላይ ትርፍ ማስመዝገብ የቻለ ሲሆን፣ ይህም አፈጻጸም ካለፈው የበጀት ዓመት ጋር በንጽጽር ሲታይ  የ127.4 ሚሊዮን ብር ወይም  የ22 በመቶ ዕድገት አሳይቷል ብለዋል። ባንኩ ያገኘው ትርፍም አንድ ሺሕ ብር ዋጋ ያለው አንድ አክሲዮን የትርፍ መጠኑ 259 የደረሰ ሲሆን፣ ይህም ባንኩ ከ2011 የሒሳብ ዓመት ካስመዘገበው  አፈጻጸም ጋር ሲወዳደር የተሻለ መሆኑንም የባንኩ ዳይሬክተሮች ቦርድ ሰብሳቢ ገልጸዋል።

በሒሳብ ዓመቱ የባንኩ አጠቃላይ ተቀማጭ ገንዘብ 16.6 ቢሊዮን ብር መድረሱን የሚያመላክተው የባንኩ መጃ ይህ አፈጻጸሙ ካለፈው የበጀት ዓመት ጋር ሲነፃፀር 1.6 ቢሊዮን ብር ወይም  የ11.0 በመቶ ዕድገት ማስመዝገብ መቻሉን ያመለክታል። በተመሳሳይም በሒሳብ ዓመቱ ባንኩ 155.7 ሚሊዮን ዶላር የውጭ ምንዛሪ መሰብሰብ ችሏል። የባንኩ የብድር ክምችት ደግሞ ባለፈው ዓመት ከነበረው  10.2 ቢሊዮን ብር በ2.5 ቢሊዮን ብር ወይም በ24.5 በመቶ በማደግ 12.7 ቢሊዮን ብር የባንኩ አጠቃላይ ሀብት መጠን ደግሞ ካለፈው ዓመት በ11.4 በመቶ
ዕድገት በማስመዝገብ 21.4 ቢሊዮን ብር መድረሱን ገልጸዋል፡፡ የባንኩ አጠቃላይ ካፒታል ከአለፈው  ዓመት በ22.5 በመቶ በማደግ 3.4 ቢሊዮን ብር የደረሰ ሲሆን የተከፈለ ካፒታል ደግሞ የ22.6 በመቶ ዕድገት በማሳየት 2.45 ቢሊዮን እንደደረሰለት ባንኩ አመልክቷል፡፡

ባንኩ በተለየ አደረኩት ብሎ የጠቀሰው ስኩል ፔይ በተባለ ፕሮጀክት ያገኘውን ውጤት ነው፡፡ በባንኩ በኩል የትምህርት ቤቶች ክፍያ መፈጸም የሚያስችል ‹‹ስኩል ፔይ›› የተባለ አዲስ ዓይነት የባንክ አገልግሎት ለመጀመርያ ጊዜ ሥራ ላይ እንዲውል አድርጓል፡፡ የበረራ ትኬቶችን ዲጂታላይዝድ በማድረግ በቀላሉ ትኬት መቁረጥ የሚያስችል ‹‹ጉዞ ጎ›› የተባለ የባንክ አገልግሎትም ሥራ ላይ ማዋል መቻሉንም ገልጿል፡፡

ከባንኩ ዓመታዊ ሪፖርት መረዳት እንደተቻለው በአዲስ አበባ የፋይናንስ ማዕከል ተብሎ በተለየው አካባቢዋና መሥሪያ ቤት ጊዜያዊ ሕንፃ ግንባታ የሚሆን 2,295 ካሬ ሜትር መሬት ግዥ መፈጸሙን ነው፡፡ ከዋና ዋና የባንኩ የበጀት ዓመቱ ስኬቶች መካከል የሚጠቀስ መሆኑን የዳይሬክተሮች ቦርድ ሰብሳቢው ያሳወቁ ሲሆን፣ ባንኩ ለአዲስ አበባ ከተማ መስተዳድር ለዋናው መሥሪያ ቤት ግንባታ ያቀረበውን የመሬት ጥያቄ በመከታተል ላይ እንደሚገኝም አሳውቀዋል። በተጨማሪም ባንኩ ማኅበራዊ ኃላፊነቱን ከመወጣት አንፃር በበጀት ዓመቱ በአጠቃላይ ብር 30 ሚሊዮን ለተለያዩ አገራዊና ልዩ ልዩ ማኅበራዊ ጉዳዮች ድጋፍ አድርጓል፡፡

ብርሃን ባንክ በበጀት ዓመቱ ውስጥ 31 አዳዲስ ቅርንጫፎችን የከፈተ ሲሆን፣ አጠቃላይ የቅርንጫፍ ሥርጭቱን 231 ማድረስ ችሏል። የባንኩ የደንበኞች ቁጥር ደግሞ በ132 ሺሕ ወይም በ20.1 በመቶ በማደግ በበጀት ዓመቱ መጨረሻ 789 ሺሕ በላይ መድረስ መቻሉም ታውቋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች