Thursday, July 25, 2024
- Advertisement -
- Advertisement -
ስፖርትየኢትዮጵያ እግር ኳስና የልማት ጅምሮቹ

የኢትዮጵያ እግር ኳስና የልማት ጅምሮቹ

ቀን:

የኢትዮጵያ እግር ኳስ ፌዴሬሽን የእግር ኳስ ክለቦች ትርፋማ የባለቤትነት ድርጅታዊ መዋቅር እንዲኖራቸው የሚያስችል ሥልጠና ለፕሪሚየር ሊግ ክለቦች መስጠት መቻሉ በማኅበራዊ ትስስር ገጹ ባሰራጨው መግለጫ አስታውቋል፡፡ ሥልጠናው የተሰጠው ለፕሪሚየር ሊጉ ክለቦች ሲሆን፣ ሥልጠናውን የሰጡት ደግሞ በአሜሪካ በታውሰን ዩኒቨርሲቲ መምህር በሆኑት ጋሻው አብዛ (ዶ/ር) አማካይነት እንደሆነ በመግለጫው አመላክቷል፡፡

እንደ መግለጫው ከሆነ፣ ይህ ሥልጠና ቀጣይነት እንዲኖረው ስምምነት ላይ ተደርሷል፡፡ ሥልጠናውን የሰጡት ባለሙያ እንደነዚህ ያሉ ሥልጠናዎችን በሚመለከት የማማከርና መሰል የሙያ ድጋፎችን በማድረግ የሚታወቁ ስለመሆናቸው ጭምር ፌዴሬሽኑ አስታውቋል፡፡    

ላለፉት በርካታ ዓመታት ውድድሮች መምራት ላይ ብቻ ትኩረት አድርጎ  የቆየው ብሔራዊ ፌዴሬሽኑ፣ ከዚህ በፊት ከሞሮኮና ከብራዚል እግር ኳስ ፌዴሬሽኖች እንዲሁም የኮሮና ወረርሽን ከመከሰቱ በፊት ከጀርመኑ ባየር ሙኒክ እግር ኳስ ክለብ ጋር በፈጠራቸው ስምምነቶች የታዳጊ ወጣቶችን ሥልጠና ያካተተ የሙያ ማሻሻያ ሥልጠናዎች እንዲሰጡ ማድረጉ ይታወሳል፡፡

ብሔራዊ ፌዴሬሽኑ ከዚህም ባለፈ በውድድር ዓመቱ ‹‹ቤትኪንግ ፕሪሚየር ሊግ›› በሚል የፕሪሚየር ሊጉን ውድድር የቴሌቪዥን መብትና የውድድር ስያሜ እንዲሸጥ አድርጓል፡፡ ይህንኑ ተከትሎ ሊጉን በባለቤትነት እንዲያስተዳደር የተቋቋመው የሊጉ ሼር ካምፓኒ ከቅዱስ ጊዮርጊስና ኢትዮጵያ ቡና ውጭ የተቀሩት የፕሪሚየር ሊጉ ክለቦች መንግሥት ከሚደጉማቸው በጀት በተጨማሪ ተጠቃሚ የሚሆኑበት ዕድል እንዲፈጠርላቸው ምክንያት ሆኗል፡፡

የፌዴሬሽኑ ፕሬዚዳንት አቶ ኢሳያስ ጅራ ከፕሪሚየር ሊጉ ውጪ የሚገኙ የከፍተኛ (ሱፐር) ሊግና በብሔራዊ ሊግ ደረጃ የሚጫወቱ ክለቦችም በሒደት በዚህ መልክ የሚደራጁበት አማራጭ የሚመቻች ስለመሆኑም  ሲናገሩ ተደምጠዋል፡፡

በሌላ በኩል የኢትዮጵያ እግር ኳስ ፌዴሬሽን ለ13 ወንዶችና ለስምንት ሴቶች የእግር ኳስ ዳኞች፣ በአኅጉርና  በዓለም አቀፍ ደረጃ ውድድሮችን መዳኘት ይችሉ ዘንድ የዓለም አቀፍ እግር ኳስ ማኅበር (ፊፋ) የዳኝነት ባጅ  የብቃት ማረጋገጫ የሰጣቸው መሆኑን አስታውቋል፡፡

በዚሁ መሠረት በወንዶች በዋና ዳኝነት ባምላክ ተሰማ፣ በላይ ታደሰ፣ ብሩክ የማነብርሃን፣ ቴዎድሮስ ምትኩ፣ ለማ ንጉሤ፣ አማኑኤል ኃይለየሱስና ኃይለየሱስ በለጠ ሲሆኑ፣ በረዳት ዳኝነት  ክንዴ ሙሴ፣ ትግል ግዛው፣ ሸዋንግዛው ተባብል፣ ተመስገን ሳሙኤል፣ ፋሲካ ብሩና ይበቃል ደስአለኝ ናቸው፡፡

በሴቶች ዋና ዳኛ ሊዲያ ታፈሰ፣ ፀሐይነሽ አበበ፣ አስናቀች ገብሬና መዳብ ወንድሙ ሲሆኑ፣ በረዳት ዳኝነት ደግሞ ወይንሸት ካሳየ፣ ይልፋሸዋ ካሳሁን፣ ብርቱካን ማሞና ወጋየሁ ዘውዴ ናቸው፡፡ እንደ ፌዴሬሽኑ ከሆነ የብቃት ማረጋገጫው እ.ኤ.አ. በ2021 አኅጉራዊና ዓለም አቀፍ ውድድሮችን የሚያጫውቱበት ይሆናል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...