Wednesday, February 8, 2023
- Advertisement -
- Advertisement -
ዜናየቀድሞ ሚኒስትር ዴኤታና በርካታ መኮንኖች መማረካቸውን መከላከያ ሚኒስቴር አስታወቀ

የቀድሞ ሚኒስትር ዴኤታና በርካታ መኮንኖች መማረካቸውን መከላከያ ሚኒስቴር አስታወቀ

ቀን:

የአገር መከላከያ ሚኒስቴር ዓርብ ታኅሳስ 23 ቀን 2013 ዓ.ም. በሰጠው መግለጫ፣ የቀድሞ የትራንስፖርት ሚኒስትር ደኤታ ወ/ሮ ሙሉ ገብረ እግዚአብሔርና በርካታ ወታደራዊ መኮንኖች መማረካቸውን፣ እንዲሁም በርካቶች መደምሰሳቸውን አስታወቀ፡፡

የመከላከያ ሚኒስቴር የኃይልምሪት መምርያላፊ ብርጋዴር ጄኔራል ተስፋዬ አያሌው በሰጡት መግለጫ፣ ሕወሓትን በመወከል የፓርላማ አባል የነበሩት ሚኒስትር ዴኤታዋ ሲማረኩ፣ የማይካድራውን ጭፍጨፋ የመሩት ኮሎኔል የማነ ገብረ ሚካኤልን ጨምሮ ዕርምጃ የተወሰደባቸውን የሕወሓት መለስተኛ አመራሮችና መኮንኖች ማንነት ይፋ አድርገዋል፡፡

ጄኔራል መኮንኑ በርካታ የሕወሓት ከፍተኛ አመራሮች፣ እንዲሁም ወታደራዊ መኮንኖች መማረካቸውንና መደምሰሳቸውን ገልጸዋል። በትግራይ ክልል ጦርነት ቀስቅሶ የተሸነፈው ኃይል የሞቱበትን ከፍተኛ አመራሮቹን ከሰብዓዊ ርህራሔ በተቃራኒ፣ እንዳይታወቁ በማለት አንገታቸውን ቆርጦ ለየብቻ ስለሚቀብራቸው ለመለየት አዳጋች መሆኑን አስረድተዋል።

የአገር መከላከያ ሠራዊትና የፌዴራልሊስ ተቀናጅተው በወሰዱት ዕርምጃ በርካቶች መማረካቸውን፣ እጅ ለመስጠት ፈቃደኛ ያልሆኑት መደምሰሳቸውን ብርጋዴር ጄኔራል ተስፋዬ ጠቁመዋል።

ዕርምጃ ተወስዶባቸዋል የተባሉት ኮሎኔል ዓለም ገብረ መድኅን፣ ኮሎኔል ቢንያም ገብረ መድኅን፣ ኮሎኔል አምባዬ፣ ኮሎኔል ማሾ፣ ኮሎኔል ይርጋዩም፣ ኮሎኔል አጽብሃ፣ ኮሎኔል ተስፋዬ ገብረ መድኅን፣ ኮሎኔል ዮሐንስ ካልአዩ፣ ኮሎኔል ተክለ እግዚአብሔር፣ ሌተና ኮሎኔል ብርሃኔ ቶላና ሌሎች በስም ያልተገለጹ አራት ኮሎኔሎችና ሁለት የዞን አመራሮች ይገኙበታል ሲሉ አስረድተዋል።

ከተማረኩት ወ/ሮ ሙሉ በተጨማሪ ዓለም ብርሃኔ (ዶ/ር)፣ ኮሎኔል መብርሃቱ ገብረ መድኅን፣ ኮሎኔል ሀዱሽ ሃጎስ፣ ኮሎኔል ህሉፍ ክለ መድኅን፣ ሌተና ኮሎኔል ተክለ ሕይወት አሰፋ፣ እንዲሁም ለጥፋት ሲቀሰቅስ የነበረ የሕወሓት ቡድን አባል ገብረ አምላክ ይኸብዮ የተባለ የመቀሌ ዩኒቨርሲቲ የሕግ መምህር እንደሚገኙበት አስታውቀዋል

የክልሉ ኦዲት ኃላፊ አቶ ዱሽ ዘውገ ገዛኸኝ፣ የክልሉ ልማት ሥልጠና ኃላፊ አቶ ሰለሞን ህሉፍ ንጉሴ፣ የክልሉ ጠቅላይ ዓቃቤ ሕግ አቶ ኪዳነ ማሪያም ገብረ ክርስቶስ ፋሲል፣ የክልሉ ትምህርት ቢሮ ኃላፊ አቶ ባህታ ወልደ ሚካኤል፣ የክልሉ ኢኮኖሚ ቢሮ የልማት ዕቅድ አስተባባሪ አቶ ሀጎስ ወልደ ኪዳን ገብረ ማሪያም እጅ መስጠታቸውን ጄኔራል ተስፋዬ አክለዋል። በርካታ የሚሊሻናልዩይል አባላት እጃቸውን እንደሰጡ ጠቁመዋል፡፡

የመከላከያ ሠራዊት የሕወሓት ሽማግሌ አመራሮችን ይዞ በቅርቡ ዜናውን ለኢትዮጵያ ሕዝብ ያደርሳል ያሉት ብርጋዴር ጄኔራል ተስፋዬ፣ የተደበቁ የሕወሓት አመራሮችንና አባላትን እግር በእግር በመከታተል ላይ መሆኑን በማስታወቅ ፍለጋው ከሰፊ ወደ ጠባብ አካባቢ መድረሱን አስታውዋል። እየተካሄደ ባለው ፍተሻ የቡድኑ አመራሮች በየዋሻውና በየቤተ ክርስቲያኑ ተደብቀው መገኘታቸውንና የቤተ ክርስቲያን አባቶችን አልባሳት ለብሰው የተገኙ መኖራቸውን ተናግረዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...