Monday, June 24, 2024
- Advertisement -
- Advertisement -
ስፖርትየትግራይ ክለቦች ተጫዋቾችን በተመለከተ አስቸኳይ ስብሰባ ተጠራ

የትግራይ ክለቦች ተጫዋቾችን በተመለከተ አስቸኳይ ስብሰባ ተጠራ

ቀን:

የኢትዮጵያ ፉትቦለርስ አሶሴሽን ለትግራይ ክለቦች ይጫወቱ የነበሩ ተጫዋቾችን በሚመለከት፣ ከኢትዮጵያ እግር ኳስ ፌዴሬሽንና ከፕሪሚየር ሊጉ ካምፓኒ ጋር ለመነጋገር ጥያቄ አቀረበ፡፡ አሶሴሽኑ በትግራይ ክልል በሁለቱም ጾታ ከፕሪሚየር ሊጉ ጀምሮ በየደረጃው በመጫወት ላይ የነበሩ ተጨዋቾች በአሁኑ ወቅት ወደ ሌሎች ክለቦች ሔደው ለመጫወት የሚያስችላቸው ምንም ዓይነት መፍትሔ ስላልቀረበላቸው በችግር ላይ ይገኛሉ ብሏል፡፡

አሶሴሽኑ ለኢትዮጵያ እግር ኳስ ፌዴሬሽንና ለፕሪሚየር ሊጉ የሊግ ካምፓኒ ጥር 13 ቀን 2013 ዓ.ም. በጻፈው ደብዳቤ፣ በዘንድሮው ውድድር በትግራይ ክልል ለሚገኙ ክለቦች በሁለቱም ጾታ ለመጫወት ስምምነት አድርገው የነበሩ፣ ሆኖም በአሁኑ ወቅት በክልሉ በተፈጠረው ችግር ምክንያት ክለብ አልባ ሆነው በሚገኙ ተጫዋቾች በተመለከተ ለመነጋገር አስቸኳይ ስብሰባ ለማድረግ መወሰኑን በመግለጫው አካቷል፡፡

እንደ አሶሴሽኑ በአሁኑ ወቅት በትግራይ ክለቦች የሚገኙ ተጫዋቾችን ጨምሮ ከክለብ ክለብ የሚዘዋወሩበት ጊዜ አብቅቷል፡፡ ለትግራይ ክለቦች ለመጫወት የአንድ ዓመት ውል ያላቸው ከፕሪሚየር ሊጉ ጀምሮ በከፍተኛና በብሔራዊ ሊጉ በርካታ ተጫዋቾች ቢገኙም፣ አንዳንዶቹ ወደ ሌሎች ክለቦች ተዘዋውረው ለመጫወት የሚያስችላቸውን ዕድል ማግኘት ባለመቻላቸው፣ ክፍያም እየተከፈላቸው ባለመሆኑ ራሳቸውና ቤተሰቦቻቸው ለከፋ ችግር ተዳርገው ይገኛሉ፡፡

ጉዳዩ ጊዜ የሚሰጥ እንዳልሆነ የሚገልጸው አሶሴሽኑ፣ ችግሩን ለመፍታት ፕሪሚየር ሊጉን ከሚያስተዳድረው ሊግ ካምፓኒና ከኢትዮጵያ እግር ኳስ ፈዴሬሽን ጋር አፋጣኝ ውይይት ማድረግ ያሰበው ይህኑ መነሻ በማድረግ እንደሆነ ይገልጻል፡፡

የኢትዮጵያ እግር ኳስ ፌዴሬሽን በበኩሉ ጉዳዩ የአሶሴሽኑ ብቻ ሳይሆን ሌሎች ባለድርሻ አካላትን ጭምር እንደሚመለከት ያምናል፡፡ የብሔራዊ ፌዴሬሽኑ ጽሕፈት ቤት ኃላፊ አቶ ባህሩ ጥላሁን አሶሴሽኑ የጻፈውን ደብዳቤ መሠረት በማድረግ ሰኞ አልያም ከሳምንቱ በአንደኛው ቀን ስለጉዳዩ እንደሚመክር አስረድተዋል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...