Monday, March 20, 2023
- Advertisement -
- Advertisement -
ማኅበራዊበትግራይና መተከል ለተፈናቀሉ እየተደረገ ያለው ድጋፍ አነስተኛ መሆኑ ተጠቆመ

በትግራይና መተከል ለተፈናቀሉ እየተደረገ ያለው ድጋፍ አነስተኛ መሆኑ ተጠቆመ

ቀን:

በትግራይና በመተከል በተከሰተው ችግር ለተፈናቀሉና ለተጎዱ ወገኖች የሚውል ድጋፍ የማሰባሰቡ መርሐ ግብር በሚፈለገው መጠን አለመሆኑ ተጠቆመ፡፡

በትግራይና በመተከል ለተፈናቀሉ ወገኖች የሰብዓዊ ድጋፍ ለማድረግ እየተደረገ ያለው እንቅስቃሴ ላይ በሚፈለገው መጠን አለመሆኑን ያስታወቁት፣ ግሎባል አሊያንስና የበጎ ፈቃደኞች ማኅበር የካቲት 10 ቀን 2013 ዓ.ም. በጋራ በሰጡት ጋዜጣዊ መግለጫ  ነው፡፡

የግሎባል አሊያንስ ሊቀመንበር አርቲስት ታማኝ በየነ እንደገለጹት፣ በሁለቱ አካባቢዎች ለተፈናቀሉ ወገኖች ድጋፍ ለማድረግ ፖለቲካዊ አስተሳሰቦችን ትቶ ዳያስፖራውም፣ ባለሀብቶችም፣ መንግሥትም ሆነ ሌሎች ባለድርሻ አካላት ላይ ግንዛቤ በመፍጠር የበኩላቸውን እንዲወጡ ማድረግ ያስፈልጋል፡፡

ከብሔርተኝነት አጥር ውስጥ በመውጣት ለእንግልትና ለሥቃይ የተዳረጉ ኢትዮጵያውያን ወገኖችን ለመደገፍ የሚደረገው ርብርብ አጠናክሮ በመቀጠልና ሰፊ ሥራዎችን በመሥራት ካሉበት ችግር እንዲወጡ እንዲሁም ወደ ቀዬአቸው እንዲመለሱ ሁሉም ሰው ኃላፊነቱን መወጣት እንዳለበት አቶ ታማኝ ተናግረዋል፡፡

‹‹ሰብዓዊነትና ፍቅር ለትግራይና መተከል›› በሚል መሪ ሐሳብ ድጋፍ ማሰባሰቡ እስከ የካቲት 21 ቀን ድረስ እንደሚዘልቅ በመግለጫው ተወስቷል፡፡

ለአንድ ሳምንት የሚቆየው ልዩ የድጋፍ ማሰባሰብ መርሐ ግብር በየቀኑ የተለያዩ የኅብረተሰብ ክፍሎችን ያሳትፋል፡፡ በዚህም መሠረት የካቲት 14 የሃይማኖት አባቶች ቀን፣ የካቲት 15 የስፖርት ቤተሰቦች፣ የካቲት 16 የኪነ ጥበብ ባለሙያዎች ቀን፣ የካቲት 17 የባለሀብቶች ቀን፣ በማግስቱ የመንግሥት ኃላፊዎች ቀን በማድረግ ድጋፍ ማሰባሰቡ ይከናወናል፡፡

የልጆችና የቤተሰብ ቀን የካቲት 20 እና 21 ከተከናወነ በኋላ፣ በማግስቱ የካቲት 22 ቀን በሸራተን አዲስ፣ የምስጋናና የገንዘብ ማሰባሰቢያ ፕሮግራም እንደሚዘጋጅ ሊቀመንበሩ አብራርተዋል፡፡

በሌላ በኩል መቀመጫውን ስዊዘርላንድ ያደረገው ‹‹እኔም ለወገኔ የበጎ አድራጎት ማኅበር›› በትግራይና በመተከል ላይ ለተፈናቀሉ ዜጎች የግማሽ ሚሊዮን ብር ድጋፍ ማድረጉንም ገልጸዋል፡፡

እስካሁን ባለው ሁኔታም በአዲስ አበባም ሆነ በሌሎች ክልሎች ዱቄት፣ መኮሮኒ፣ ፓስታ፣ ዘይትና ሌሎች የእህል ዘሮችንና የገንዘብ ድጋፍ ማኅበረሰቡ እያደረገ ቢሆንም አርኪ የሚባል አለመሆኑን ተገልጿል፡፡

በአዲስ አበባ በጣይቱ ሆቴል፣ በኢትዮጵያ ቀይ መስቀል ማኅበር ዋና ጽሕፈት ቤትና ከአዲስ አበባ ውጭ በሚገኙ የቀይ መስቀል ማኅበር ቅርንጫፎች የቁሳቁስ ማሰባሰቢያዎች መዘጋጀቱ ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ዜጎች የተፈተኑበት የኑሮ ውድነት

በኢትዮጵያ በየጊዜው እየተባባሰ የመጣው የኑሮ ውድነት የበርካታ ዜጎችን አቅም...

በድርቅ ለተጎዱ አካባቢዎች የሚደረጉ ድጋፎች ዘላቂነት እንዲኖራቸው ተጠየቀ

በድርቅ ለተጎዱ አካባቢዎች የሚደረጉ ድጋፎች ዘላቂነት እንዲኖራቸውና በተቀናጀ መልኩ...

ወደ ኋላ የቀረው የሠራተኞች ደኅንነት አጠባበቅ

በአበበ ፍቅር ለሠራተኞች የሚሰጠው የደኅንነት ትኩረት አናሳ በመሆኑ በርካታ ዜጎች...