Friday, December 1, 2023
- ማስታወቂያ -
- ማስታወቂያ -

አይኤምኤፍ ለኢትዮጵያ ካፀደቀው 2.9 ቢሊዮን ዶላር ብድር ውስጥ ያልተለቀቀውን ለመስጠት ቅድመ ሁኔታ አስቀመጠ

ተዛማጅ ፅሁፎች

በዚህ ዓመት የኢትዮጵያ ኢኮኖሚ ዕድገት ሁለት በመቶ ብቻ እንደሚሆን ተነበየ

የዓለም የገንዘብ ድርጅት (አይኤምኤፍ) ለኢትዮጵያ ካፀደቀው 2.9 ቢሊዮን ብድር ውስጥ፣ እስካሁን ያልተለቀቀውን ለማበደር ቅድመ ሁኔታዎችን አስቀመጠ። 

የገንዘብ ተቋሙ ማክሰኞ የካቲት 16 ቀን 2013 ዓ.ም. ባወጣው መግለጫ፣ ከኢትዮጵያ መንግሥት አመራሮች ጋር በኢንተርኔት አማካይነት ሁለት ሳምንት የወሰደ ምክክር ማድረጉን የገለጸ ሲሆንበውይይቱም የገንዘብ ተቋሙ ... 2018 ‹‹Extended Credit Facility›› (ECF) and Extended Fund Facility (EFF) በተባሉ ሁለት የማበደሪያ ሥልቶች አማካይነት፣ ለኢትዮጵያ ያፀደቀው 2.9 ቢሊዮን ዶላር ብድር አፈጻጸም መገምገሙን አስታውቋል።

በተጠቀሱት የብድር ሥልቶች የፀደቀው 2.9 ቢሊዮን ዶላር በመንግሥትና በገንዘብ ተቋሙ ስምምነት የተደረሰባቸውን የኢኮኖሚ ሪፎርሞች ተግባራዊ ለማድረግ ግብ ተጥሎ፣ ለሦስት ዓመታት ከተፈቀደው 2.9 ቢሊዮን ዶላር ብድር ውስጥ የመጀመሪያ ዙር የተለቀቀው ብድር በመላው ዓለም በተከሰተው የኮሮና ወረርሽኝ ምክንያት የተቀመጡ ፕሮግራሞች እንዲከለሱ ማስገደዱን ገልጿል። 

ይህ ቢሆንም የኢትዮጵያ መንግሥት አመራሮች በቀሪው የብድር ፕሮግራም ጊዜ ውስጥ የተጣለውን ግብ ለማሳካት ቁርጠኛ መሆናቸውን እንዳሳወቁ የሚገልጸው የገንዘብ ተቋሙበተለይ የአገሪቱን የዕዳ ጫና ከከፍተኛ ደረጃ ወደ መካከለኛ ደረጃ ለማውረድ የተለያዩ ጥረቶችን እያደረጉ መሆኑን አስገንዝቧል። 

እየተደረጉ ካሉት ጥረቶች መካከልም የቡድን 20 አገሮች ባመቻቹት የውጭ ዕዳ ጫና ዕፎይታና ማራዘሚያ ሥልት መሳሳት፣ ከግል አበዳሪዎቹ ተመሳሳይ ዕፎይታና ማራዘሚያ መጠየቁን በጎ ዕርምጃ ሲል ተቀብሎታል።

ከኢትዮጵያ ባለሥልጣናት ጋር በተደረገው ውይይት የገንዘብ ተቋሙ ካፀደቀው 2.9 ቢሊዮን ዶላር ቀሪው የሚለቀቅበት የፖሊሲ ቅድመ ሁኔታዎች ላይ ስምምነት መደረጉንም ገልጿል።

ከእነዚህ የፖሊሲ ቅድመ ሁኔታዎች መካከልም አንዱ ጠንካራና አካታች የሆነ የኢኮኖሚ ዕድገት ለማረጋገጥ የሚያስችሉ የፖሊሲ ማዕቀፎችን መዘርጋት አንዱ ሲሆን፣ በኮሮና ወረርሽኝና በውስጥ የፖለቲካ አለመረጋጋት የተፈጠረውን የኢኮኖሚ መናጋት ማስተካከል ሌሎቹ መሠረታዊ ቅድመ ሁኔታዎች መሆናቸውን የተቋሙ መግለጫ ያመለክታል።

ከላይ የተገለጹት መሠረታዊ ቅድመ ሁኔታዎች በተጨማሪየኢትዮጵያ መንግሥት የውጭ ብድር ጫናውን አቅልሎ ከሌሎች አጋሮቹ ተጨማሪ ብድር ማግኘት ወይም እንደሚያገኝ ቃል ሲገባለት፣ እንዲሁም ከገንዘብ ተቋሙ የሥራ ቡድን ጋር የተደረሰውን የፖሊሲ ቅድመ ሁኔታዎች ስምምነት የገንዘብ ተቋሙ ቦርድ ሲያፀድቀው የሚሉ ቅድመ ሁኔታዎች ቀሪውን ብድር ለመልቀቅ ተቀምጠዋል።

ወቅታዊ የኢኮኖሚ ሁኔታና እንቅስቃሴን በመገምገም የኢትዮጵያ ኢኮኖሚ 2020/21 (2013 ዓ.ም. የበጀት ዓመት) በሁለት በመቶ ብቻ ሊያድግ እንደሚችል የገንዘብ ተቋሙ ተንብይዋል። 

ለዚህም መሠረታዊ ምክንያቱ በአገሪቱ ውስጥ በተቀሰቀሰው ግጭት ምክንያት ለልማት የሚውል ወጪ ለመልሶ ግንባታ የሚውል በመሆኑ፣

የኮሮና ወረርሽኝ በኢኮኖሚው ላይ ከሚያደርሰው ጫና መውጣት የማይቻል መሆኑ በዋናነት ተጠቅሷል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች