Saturday, February 4, 2023
- Advertisement -
- Advertisement -
ዜናመንግሥት ከሰብዓዊ ድርጅቶች ጋር በትብብር ለመሥራት  ዝግጁ መሆኑን ተናገረ

መንግሥት ከሰብዓዊ ድርጅቶች ጋር በትብብር ለመሥራት  ዝግጁ መሆኑን ተናገረ

ቀን:

በትግራይ ክልል ወንጀል የፈጸሙ ቡድኖች ከሕግ ተጠያቂነት አያመልጡም ብሏል

በትግራይ ክልል ጾታዊ ጥቃትን ጨምሮ የተለያየ ወንጀል የፈጸሙ ቡድኖች ከሕግ ተጠያቂነት እንደማያመልጡና መንግሥት ከሰብዓዊ ድርጅቶች ጋር በትብብር ለመሥራት ዝግጁ መሆኑን ተናገረ፡፡

የጠቅላይ ሚኒስቴር ጽሕፈት ቤት በትግራይ ክልል የሰብዓዊ ሁኔታ ዙሪያ ባወጣው መግለጫ እንዳስተወቀው የማይታመኑ ቡድኖች የተሳሳተ መረጃን በመጠቀም ባለፉት ወራት በትግራይ ክልል ያለውን ውስብስብ የፀጥታ፣ የሰብዓዊና ማኅበራዊ ፈተና ለመወጣት ጥረት እያደረገ የሚገኘውን የኢትዮጵያ መንግሥት ተወቃሽ ለማድረግ እየሠሩ መሆኑን ጠቁሟል፡፡

የመንግሥት ጥረት ክልሉን ለማረጋጋትና የዜጎችን ሕይወት ወደነበረበት ለመመለስ  ከሰብዓዊ ድርጅቶችና ከልማት አጋሮች ጋር እንደሚሠራ ጠቁሞ፣ በክልሉ የሰብዓዊ ድጋፍ የሚያደርጉ አካላትና መገናኛ ብዙኃን ገብተው እንዲሠሩ መፈቀዱን በማስታወስ፣ ድርጅቶቹ በትብብር ለመሥራት ያላቸውን ዝግጁነት አድንቋል፡፡

በድርጅቶቹ የሚደረገው የሰብዓዊ ድጋፍ በሰላም ሚኒስቴር አስተባባሪነት የሚከናወን መሆኑን ገልጾ በጋራ ስምምነት መሠረት 129 የሁለትዮሽና የባለ ብዙ ድጋፍ ድርጅቶች 135 ሠራተኞች በክልሉ ተንቀሳቅሰው ድጋፍ እንዲሰጡ ፈቃድ እንደተሰጣቸውም ጠቁሟል። 29 ዓለም ዓቀፍ ድርጅቶች ሥራ ላይ ሲሆኑ የአስቸኳይ ጊዜ ማስተባበሪያ ኮሚቴና የኮማንድ ፖስት አባል ሆነው እየሠሩ  እንደሚገኙ፣ ኮማንድ ፖስቱ የሚደረገው ሰብዓዊ ድጋፍ ለሚመለከተው አካል በተዘረጋው መዋቅር በኩል እየደረሰ ስለመሆኑ የሚያረጋግጥ መሆኑን ጠቅሷል።

የሚዲያ ተደራሽነትን በተመለከተ እንደገለጸው ክልሉ በአስቸኳይ ጊዜ አዋጅ ውስጥ መሆኑን ታሳቢ ያደረገ የአገር ውስጥና የዓለም ዓቀፍ ሚዲያዎች እንቅስቃሴ ተፈቅዷል። በክልሉ ሚዲያ እንዳይንቀሳቀስ ተደርጓል መባሉን የሐሰት ውንጀላ መሆኑንም ጠቁሟል።

በአሁኑ ወቅት ለአጃንስ ፍራንስ ፕሬስ፣ ለአልጀዚራ፣ ለኒውዮርክ ታይምስ፣ ፍራንስ 24 ሮይተርስ፣ ቢቢሲና ፋይናንሺያል ታይምስ ፈቃድ የተሰጣቸው መሆኑ ገልጿል።

የሰብዓዊ መብት ጥሰትን በተመለከተ፣ የጾታ ጥቃትን ጨምሮ የተፈጸሙ የመብት ጥሰቶችን ለመመርመር መንግሥት ቁርጠኛ መሆኑን አመልክቶ የወንጀሉን ፈጻሚዎች መንግሥት ተከታትሎ ለፍርድ እንደሚያቀርብ፣ ወንጀሉ ፈጻሚዎች ከሕግ እንደማያመልጡና ተገቢው ፍርድ እንደሚሰጣቸውም አረጋግጧል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጠቅላይ ሚኒስትር አብይ አህመድ (ዶ/ር) ከህወሓት የሰላም ስምምነት ኮሚቴ አባላት ጋር ለመጀመሪያ ጊዜ ተገናኙ

የፌዴራል መንግሥትና የህወሓት የሰላም ስምምነት ኮሚቴ አባላት ከጠቅላይ ሚኒስትር...

ማስተካከያ

በሪፖርተር ጋዜጣ ረቡዕ ጥር 24 ቀን 2015 ዓ.ም. ዕትም...

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...