Monday, June 24, 2024
- Advertisement -
- Advertisement -
ስፖርትለኢትዮጵያ ኦሊምፒክ ኮሚቴ ሥራ አመራር ቦርድ 21 ዕጩ ተወዳዳሪዎች ቀረቡ

ለኢትዮጵያ ኦሊምፒክ ኮሚቴ ሥራ አመራር ቦርድ 21 ዕጩ ተወዳዳሪዎች ቀረቡ

ቀን:

አትሌቲክስን ጨምሮ ሦስት ፌዴሬሽኖች ዕጩ ተወዳዳሪዎቻቸውን አላሳወቁም

የኢትዮጵያ ኦሊምፒክ ኮሚቴ የካቲት 19 ቀን 2013 ዓ.ም. በቢሾፍቱ ባካሄደው አስቸኳይ ጉባዔ የሰየማቸው የምርጫ አስፈጻሚ አባላት፣ ለኢትዮጵያ ኦሊምፒክ ኮሚቴ ሥራ አመራር ቦርድ ምርጫ የቀረቡ 21 ዕጩ ተወዳዳሪዎች ይፋ አደረጉ፡፡ ምርጫ አስፈጻሚ ኮሚቴው የኢትዮጵያ አትሌቲክስ ፌዴሬሽንን ጨምሮ ሦስት ብሔራዊ ፌዴሬሽኖች ዕጩ ተወዳዳሪዎቻቸውን አላሳወቁም ብሏል፡፡

ብሔራዊ ኦሊምፒክ ኮሚቴው የካቲት 19 ቀን 2013 ዓ.ም. በጠራው አስቸኳይ ጉባዔ የተሰየመው ምርጫ አስፈጻሚ ኮሚቴው፣ የተሰጠውን ኃላፊነት ማከናወን ይችል ዘንድ የኃላፊነት ድልድል ካደረገ በኋላ ከአንድ ወር ላላነሰ ጊዜ ሥራውን ሲያከናውን ስለመቆየቱ በመግለጫው አካቷል፡፡ በዚሁ መሠረት በነበረው የአንድ ወር ጊዜ ለአባላት የምርጫ ጉባዔ ጥሪ መተላለፍ እንዳለበት፣ ከዚሁ ጎን ለጎን ለምርጫ የሚቀርቡ ዕጩ ተወዳዳሪዎች ለምርጫው 14 ቀን እስኪቀረው ድረስ አስፈላጊውን መሥፈርት አሟልተው በዕጩነት አንዲመዘገቡ በመወሰን የጥሪ ደብዳቤ በቁጥር ኢ/ኦ/ኮ 766/13 በቀን 19/6/2013 ዓ.ም. እንዲሠራጭ ማድረጉን ጭምር አስታውቋል፡፡ ዕጩ ተወዳዳሪዎች ሊያሟሏቸው የሚገቡ ስድስት መሥፈርቶች በመግለጫው ተያይዘው ቀርበዋል፡፡

ዕጩ ተወዳዳሪዎችቻቸውን ያላሳወቁ ብሔራዊ ፌዴሬሽኖች የኢትዮጵያ ቦክስ ፌዴሬሽን፣ የኢትዮጵያ ቴኒስ ፌዴሬሽንና የኢትዮጵያ አትሌቲክስ ፌዴሬሽን ሲሆኑ፣ ተቋማቱ በኢትዮጵያ ኦሊምፒክ ኮሚቴ መተዳደሪያ ደንብና ደንቡን ተከትሎ በቀረበው የምርጫ ማስፈጸሚያ መመርያና የካቲት 19 ቀን 2013 ዓ.ም. በቢሾፍቱ አዱላላ ሆቴል በተካሄደው ጉባዔ መሠረት መወዳደር ሲገባቸው አለመወዳደራቸውን ምርጫ አስፈጻሚው ገልጿል፡፡

በተለይም የቦክስና ቴኒስ ፌዴሬሽኖች ለመወዳደር እንደሚፈልጉ አረጋግጠው ደብዳቤ ያስገቡ ሲሆን፣ የኢትዮጵያ አትሌቲክስ ፌዴሬሽን ግን በተወሰኑ መሥፈርቶች ቅሬታ ማቅረቡ፣ ይህንኑ ምክንያት በማድረግ በተለያየ ቀናት በአካል ቀርበው ለማነጋገር በደብዳቤ ቁጥር ኢ/ኦ/ኮ 842/2013 በቀን 08/07/2013 ዓ.ም. የፌዴሬሽኑ ፕሬዚዳንት ጽሕፈት ቤት ኃላፊ 09/07/13 ከቀኑ 9 ሰዓት እንዲገኙ ጥሪ ቢተላለፍም እንዳልተገኙ በመግለጫው አሳውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...