Wednesday, February 1, 2023
- Advertisement -
- Advertisement -
ዜናየተመዘገቡ መራጮችንና የፀጥታ ችግሮችን ሪፖርት ማድረጊያ ሥርዓት ተዘጋጀ

የተመዘገቡ መራጮችንና የፀጥታ ችግሮችን ሪፖርት ማድረጊያ ሥርዓት ተዘጋጀ

ቀን:

የምርጫ አስፈጻሚዎች የመዘገቧቸውን መራጮችና የፀጥታ ችግር ሲያጋጥም ለምርጫ ቦርድ ማዕከል ሪፖርት የሚያደርጉበት አጭር የጽሑፍ መልዕክት ሥርዓት እየተዘረጋ መሆኑን፣ የኢትዮጵያ ብሔራዊ ምርጫ ቦርድ አስታወቀ፡፡

ምርጫ ቦርድ ይህንን ያለው ማክሰኞ መጋቢት 14 ቀን 2013 ዓ.ም. የመራጮች የምዝገባ ቁሳቁሶችን ወደ ምርጫ ክልሎች ማጓጓዝ መጀመሩን ይፋ ባደረገበት ወቅት ነው፡፡

የምርጫ አስፈጻሚዎች በአጭር የጽሑፍ መልዕክት በአማርኛ፣ በአፋርኛ፣ በሶማሊኛና በኦሮሚኛ ቋንቋዎች በቅደም ተከተል በተቀመጡ መለያዎች ሪፖርት እንዲያደርጉ ተዘጋጅቷል፡፡

የመራጮች ምዝገባ ለሕዝብ ይፋ የሚደረግበት የመልዕክት ቁጥር ‹‹662›› ሲሆን፣ ለፀጥታ ችግር ደግሞ ‹‹663›› ነው፡፡ በቁጥሮቹ አማካይነት የምርጫ  አስፈጻሚዎች ለምርጫ ቦርድ ማዕከል ሪፖርት ያደርጋሉ ተብሏል፡፡    

ለመራጮች ምዝገባ የሚያገለግሉ ቁሳቁሶች ከመጋቢት 13 ቀን 2013 ዓ.ም. ጀምሮ በምርጫ ክልሎች እየደረሱ መሆናቸውን፣ በዕለቱ ለ900 የምርጫ ጣቢያዎች መላካቸውን የምርጫ ቦርድ የድልድልና ሥርጭት ባለሙያ አቶ ይርዳው ፍርዴ ተናግረዋል፡፡

የመራጮች የምዝገባ ቁሳቁሶች ደኅንነትን በተመለከተ ከመነሻቸው ጀምሮ እስከ መድረሻቸው ድረስ በፀጥታ ኃይል ታጅበው እንደሚጓጓዙ፣ የምርጫ ቦርድ ኮሙዩኒኬሽን አማካሪ ወ/ሪት ሶሊያና ሽመልስ አስረድተዋል፡፡

የመራጮች ምዝገባ የሚከናወንባቸው ዘጠኝ የተለያዩ ቁሳቁሶችን የያዘው ሰማያዊ ሳጥን የመመዝገቢያ ቅጾች፣ የቅሬታ አቀራረብ መመርያ፣ ታብሌት፣ የኮሮና ቫይረስ መከላከያ ቁሳቁሶችና የምዝገባ ካርዶች እንዳሉት ገልጸዋል፡፡

ለመራጮች ምዝገባ የሚውሉ ቅጾችና ሌሎች መመርያዎች በአማርኛ፣ በኦሮሚኛ፣ በአፋርኛና በሶማሊኛ ቋንቋዎች የተዘጋጁ ናቸው፡፡

በአማራ፣ በቤኒሻንጉል ጉምዝ፣ በጋምቤላ፣ በሲዳማ፣ በሐረሪና በደቡብ  ክልሎች፣ በሁለቱ የከተማ አስተዳደሮች የምርጫ ቁሳቁሶች በአማርኛ ቋንቋ የተሰናዱ መሆናቸውን አቶ ይርዳው ተናግረዋል፡፡  

ለመጪው አገራዊ ምርጫ አንድ የምርጫ ክልል ከአሥር እስከ 100 የምርጫ ጣቢያዎች ሊኖሩት ይችላሉ ያሉት ወ/ሪት ሶሊያና፣ ‹‹ከመራጮች ምዝገባ በኋላ ጣቢያዎች ቁጥራቸው ከፍ ወይም ዝቅ ሊል ይችላል፤›› ብለዋል፡፡

በምርጫ ቦርድ እየተሠራጩ የሚገኙት የመራጮች ምዝገባ ቁሳቁሶችን የተሟሉ መሆናቸውን የሚያረጋግጠው፣ የኢትዮጵያ ፖስታ አገልግሎት ድርጅት መሆኑንም ጠቁመዋል፡፡

አዲስ አበባ ከተማ 1,848፣ አማራ ክልል 12,199፣ እንዲሁም ኦሮሚያ ክልል 17,623 የምርጫ ጣቢያዎች ሲኖሯቸው፣ ቀሪዎቹ ሌሎች ክልሎችና የድሬዳዋ ከተማ አስተዳደርን ጨምሮ በአጠቃላይ 673 የምርጫ ክልሎችና 49,407 የምርጫ ጣቢያዎች እንደሚገኙ ተገልጿል፡፡

የዘንድሮ ምርጫ በኮሮና ቫይረስ ምክንያት ለአንድ ዓመት ከተራዘመ በኋላ፣ ግንቦት 28 ቀን 2013 ዓ.ም. እንዲካሄድ መወሰኑ ይታወሳል፡፡ ውሳኔውን ተከትሎ የምርጫ ቦርድ የተለያዩ ዝግጅቶችን እያከናወነ የሚገኝ ሲሆን፣ የምርጫ ቁሳቁሶች ግዥና ሥርጭት ይገኝበታል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...