Sunday, March 26, 2023
- Advertisement -
- Advertisement -
ማኅበራዊበከፍተኛ ሁኔታ እየጨመረ የመጣው የኮቪድ-19 ወረርሽኝ

በከፍተኛ ሁኔታ እየጨመረ የመጣው የኮቪድ-19 ወረርሽኝ

ቀን:

‹‹ያለማስክ መንቀሳቀስ ጠጥቶ እንደማሽከርከር ነው!›› የጤና  ሚኒስትር  ሊያ ታደሰ (ዶ/ር)

የኮቪድ-19 ወረርሽኝ አሁንም በከፍተኛ ሁኔታ እየጨመረ መሆኑንና ባለፈው ሳምንት ከነበረው የቫይረሱ የመያዝ አቅምና በቫይረሱ የሚያዙ ሰዎች ቁጥር ማሻቀቡን፣ የጤና  ሚኒስትር  ሊያ ታደሰ (ዶ/ር) ትናንት በሰጡት መግለጫ አስታውቀዋል።

እስካሁን ባልታየ መልኩ በአንድ ቀን ከፍተኛ ቁጥር ያላቸው ሰዎች በኮቪድ-19 ወረርሽኝ እየተያዙ ነው። ባሳለፍነው ሳምንት በበሽታው ተይዘው በጸና የታመሙ ሰዎች ቁጥር 600 በላይ መሆኑን እና ከተመረመሩ መቶ ሰዎች መሃከል በአማካይ እስከ 23 ሰዎች ቫይረሱ እንደተገኘባቸውና በወረርሽኙ ምክንያት ሕይወታቸው የሚያልፍ ሰዎች ቁጥርም እየጨመረ መሆኑን ሚኒስትሯ ገልጸዋል።

በመግለጫው እንደተወሳው፣ በስምንት ቀናት ውስጥ ብቻ 118 በላይ ሰዎች ሕይወታቸውን ሲያጡ፣ ከ13 ሺሕ በላይ ሰዎች ደግሞ በቫይረሱ ተይዘዋል፡፡

የጽኑ ሕሙማን ቁጥርም ባለፈው ሳምንት ከነበረት 460 ወደ አሁን ላይ 600 በላይ መውጣቱን ተከትሎም ለሕሙማኑ አጋዥ መተንፈሻ ያጋጠመውን የኦክስጅን እጥረትን ለመፍታት እየተሠራ መሆኑን የገለጹት ሚኒስትሯ፣ ኅብረተሰቡ የራሱን የመከላከል ኃላፊነት መውሰድ እንዳለበትም አንስተዋል።

ስብሰባዎች ሲደረጉ የኮቪድ-19ን መከላከል በሚያስችል መልኩ መሆን እንዳለበት፣ በተጨማሪም የመዝናኛና የምሽት ቦታዎችን እንዲሁም የንግድ ቦታዎች ላይ የሚኖረውን ኮቪድን የመከላከል ሥራ ክትትል እንደሚደረግበትም ተጠቁሟል።

‹‹ያለማስክ መንቀሳቀስ ጠጥቶ እንደማሽከርከር ነው!›› ያሉት የጤና ሚኒስትር ሊያ፣ ሕሙማን በጤና ተቋም ብቻ ሊሰጥ የሚገባውን ኦክስጅን እቤታቸው ውስጥ መውሰድ በመጀመራቸው የተነሳ ማግኘት የሚገባቸውን የተሟላ ሕክምና በወቅቱ ባለማግኘታቸው ከፍተኛ ችግር እያጋጠማቸው መሆኑን አንስተዋል፡፡ / ሊያ ተመርምረው ቫይረሱ እንዳለባቸው እያወቁ ራሳቸውን የማያገሉ፣ በርካታ ሰዎች ለበሽታው መስፋፋት ምክንያት መሆናቸውንም ሳይናገሩ አላለፉም፡፡

የፌዴራል ፖሊስ ክትል ኮሚሽነር ጀነራል መላኩ ፈንታ በበኩላቸው እንዳወሱት፣ ወረርሽኙ እየጨመረ ቢሆንም፣ ጥንቃቄ እየቀነሰ በመሆኑ በከፍተኛ ደረጃ የሰው ሕይወት ሊጠፋ ስለሚችል የፀጥታ አካላት በሥራ ላይ ባለው መመርያ መሠረት ቁጥጥር ማድረግ አስፈላጊ ሆኖ ተገኝቷል፡፡ በተለይም መሰባሰቦች በሚታዩባቸው በትራንስፖርት፣ በገበያና በቤተ እምነቶች አካባቢ ርቀትን መጠበቅ፣ ማስክ ማድረግና አለመነካካት በዋናነት ያለምንም ግፊት ኅብረተሰቡ ሊተገብረው የሚገባ ቢሆንም ፖሊስ ተገቢውን እገዛና ክትትል እንደሚደርግ፣ በቀጣይ ቀናትም አስፈላጊ የሆኑ የሕግ ማስፈጸሚያ ስልቶች ግልጽ ተደርገው ለሁሉም ክልሎችና ከተማ አስተዳደሮች ፖሊስ አካላት ይተላለፋል ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ለፋይናንስ ዘርፉ ብቃት ያለው የሰው ኃይል የማፍራት የቤት ሥራን የማቃለል ጅማሮ

የአገሪቱ የፋይናንስ ዘርፍ እያደገ ለመሆኑ ከሚቀርቡ ማስረጃዎች ውስጥ  የግል...

የምድር ባቡርን የሚያነቃቃው የመንግሥት ውሳኔ

በኢትዮጵያ ወደብ አልባነት ላይ የተደመረውን የሎጀስቲክስ ችግር ለመፍታት ግዙፍ...

የፓርላማ አባላት ስለሰላም ስምምነቱ አፈጻጸም ግልጽ መረጃ የለንም አሉ

‹‹ሕወሓትን ለፍረጃ አብቅተውት የነበሩ ጉዳዮች በአብዛኛው መልክ ይዘዋል›› ሬድዋን...