Saturday, May 25, 2024
- Advertisment -
- Advertisment -

[ክቡር ሚኒስትሩ የፓርላመውን ስብሰባ ተከታትለው ወደ ቢሯቸው በመመለስ አማካሪያቸው ያቀረበውን ሪፖርት በተመለከተ ውይይት በማድረግ ላይ ናቸው]

  • የውጭ አጋሮቻችን ያለብንን ዕዳ ለመክፈል መንግሥት ያሳየውን ቁርጠኝነት ያደንቃሉ፡፡ ነገር ግን ተግባር መቅደም አለበት እያሉ ነው።
  • መከፈሉ ላይቀር ለምንድን ነው እንደዚህ የተጨነቁት?
  • እንደሚመስለኝ መከፈሉ ብቻ ሳይሆን ከፍተኛ ዕዳ በመሸከማችን ተስፋ ቆርጠውብናል።
  • እንዴት ?
  • ኢትዮጵያ ዕዳዋን ሳትከፍል ተጨማሪ ብድር ማግኘት ስለማትችል በአጭር ጊዜ በኢትዮጵያ ውስጥ የሚያገኙት ፕሮጀክት እንደማይኖር ገምተዋል።
  • የኢትዮጵያ አቅም አልገባቸውም ማለት ነው?
  • እንዴት?
  • ፈጽሞ ተሳስተዋል። 
  • ምንድን ነው የተሳሳቱት?
  • የዕዳ ጫና የሚባለው ነገር አልገባቸውም።
  • እንዴት?
  • ኢትዮጵያ የዕዳ ጫና አለባት የሚባለው እኮ ጫና በዝቶባት አይደለም። 
  • ታዲያ ምንድነው ክቡር ሚኒስትር?
  • የዕዳ ጫናው በዝቷል የሚሉት ከጂዲፒያችን ጋር አነፃፅረው እንጂ እኛ ከበደን አላልንም።
  • ታዲያ ከምን ጋር ሊነጻጸር ይችላል? 
  • መክፈላችንን ለማረጋገጥ ጂዲፒ መተማመኛ ይሆናል ብለህ ነው? ለስሙ አማካሪ ተብለህ ደመወዝ ትበላለህ። 
  • ከጂዲፒያችን ውጪ አልመጣልኝም ክቡር ሚኒስትር?
  • ወንድሜ ዋናው መተማመን ነው። 
  • መተማመን ሲሉ?
  • እንከፍላቸዋለና … መጀመሪያ ይመኑን። ምን ሆነህ ነው ዛሬ አንተ? ኢትዮጵያ እኮ እምቅ ሀብት ያላት ሀገር ናት? 
  • እሱስ እውነት ነው … ይከፈላቸዋል።
  • አዎ። እንኳን የእነሱን ዕዳ የማይቻለውን ማድረግ መጀመራችንን አልሰማህም እና ነው።
  • ምን ማድረግ ጀመርን? 
  • ደመና ማዝነብ፡፡ 
  • እንዴት?
  • አልሰማህም አዲሱን ፕሮጀክት?
  • አልሰማሁም ክቡር ሚኒስትር።
  • በኢትዮጵያ በየትም ቦታ የሚገኝ ደመናን ወደ ዝናብ የመቀየር ፓይለት ፕሮጀክት ሰሞኑን ተጀምሯል። 
  • እንዴት ያለ ቴክኖሎጂ ነው የምንጠቀመው?
  • ጨው ነው።
  • ምን አሉኝ?
  • ከደመናው በላይ ጨው መነስነስ ብቻ ነው ብዙ አይፈጅም። 
  • ተጓዳኝ ችግር ግን አያመጣም ከቡር ሚኒስትር?
  • የምን ተጓዳኝ ችግር?
  • ደም ብዛት አያመጣም?
  • ምን ይላል ይኼ … ውጣልኝ!

[የክቡር ሚኒስትሩ ስልክ እየጠራ ነው። የተቃዋሚ ፓርቲ አመራር የሆነው አብሮ አደግና የልብ ወዳጃቸው ነው የደወለው] 

  • እንዴት ነህ ወዳጄ? 
  • አለሁ ክቡር ሚኒስትር፡፡ 
  • ዛሬ የምትወረውረው ምን አገኘህ? 
  • ዛሬ እንኳን እናንተ ናችሁ ያገኛችሁት።
  • እኛ ምን አገኘን?
  • ዛሬ ራሳችሁን አገኛችሁ።
  • እንዴት?
  • ምን እንዴት አለው ክቡር ሚኒስትር ዛሬ እውነቱ እውነቱ ወጣ።
  • የምን እውነት?
  • የተደበቀው ነዋ።
  • ምን የተደበቀ አለ?
  • ድንበር ጥሰው መግባታቸው። 
  • አይ እሱን እንኳ ተደብቆ አይደለም።
  • እሱ ብቻ አይደለም …
  • ሌላ ምን ወጣ?
  • ከውጭ የምንወርሰው የፖለቲካ አይዶሎጂ የለም ስትሉ አልነበረም? ይኸው ዛሬ ሳያስቡት እውነቱን አወጡት።
  • ምን አሉ?
  • ፕራግማቲክ ገበያ መር ኢኮኖሚ እንከተላለን አሉ።
  • ይህ እኮ የራሳችን ነው። 
  • እንዴት? 
  • የራሳችን ነው ስልህ?
  • ገበያ መር የኢኮኖሚ ሥርዓት እንዴት ሆኖ የእናንተ ይሆናል? ዓለም አቀፍ ሞዴል አይለም እንዴ?
  • የእኛ ገበያ መር ብቻ አይደለም፡፡
  • ብቻውን አይደለም ሲሉ ?
  • ከፊቱ ፕራግማቲክ አለው። 
  • ክቡር ሚኒስትር ድሮም ቢሆን ቀልድህን እኮ እወደዋለው።
  •  

በብዛት የተነበቡ ፅሁፎች

- Advertisment -

ትኩስ ፅሁፎች

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...

ያልነቃ ህሊና!

ከሽሮሜዳ ወደ አራት ኪሎ ልንጓዝ ነው። ነቀፋ አንሶላው፣ ትችት...
spot_img

ተዛማጅ ፅሁፎች

[ክቡር ሚኒስትር በኢትዮጵያ ታምርት ንቅናቄ እንዲሳተፉ ከተለዩ ባለሀብቶች መካከል እንዱ ጋ ስልክ ደውለው በንቅናቄው ላይ እንዲሳተፉ ግብዣቸውን እያቀረቡ ነው]

መቼም ኢትዮጵያ ታምርት በሚል የተጀመረውን አገር አቀፍ ንቅናቄ ሳትሰማ አትቀርም ብዬ ተስፋ አደርጋለሁ። ልክ ነው፣ ሰምቻለሁ ክቡር ሚኒስትር። አሁን ደግሞ ንቅናቄውን ለማጠናከር ኢትዮጵያ ታምርት የሚል የታላቁ...

[ክቡር ሚኒስትሩ የቢሮ ሥራቸውን አጠናቀው ከውጭ አገር የመጣ ወንድማቸውን ለመጠየቅ ያረፈበት ገስት ሀውስ ሲደርሱ ወንድማቸው በቴሌቪዥን የሚተላለፈውን ፕሮግራም በመገረም እየተከታተለ አገኙት]

ውይ መጣህ እንዴ? እስኪ አረፍ በል፡፡ ምንድነው እንዲህ ያስደነቀህ? ተደንቄ ሳይሆን ግራ ግብት ብሎኝ ነው። ምኑ ነው ግራ ያጋባህ? የድልድይ ማስመረቅና የድልድይ ማፍረስ ነገር ነዋ። አልገባኝም? አለቃችሁ ድልድይ ሲያስመርቁ የተናገሩትን...

[ክቡር ሚኒስትሩ ከዘመዶቻቸውና ቤተሰቦቻቸው ጋር ሆነው በዓሉን በመኖሪያ ቤታቸው እያከበሩ ነው። ባለቤታቸውም ለበዓሉ የተዘጋጀውን ዳቦ ባርከው እንዲቆርሱ ለሚኒስትሩ እያቀረቡ ነው]

በል ዳቦውን ባርክና ቁረስልንና በዓሉን እናክብር? ጥሩ ወዲህ አምጪው... አዎ! በል መርቅ... ከዓመት ዓመት ያድርሰን... ኧረ በሥርዓት መርቅ ተው? ከዓመት ዓመት ያድርሰን አልኩኝ እኮ ...አልሰማሽም? ከዓመት ዓመት መድረሱ ብቻ ምን...