Tuesday, February 27, 2024
- Advertisement -
- Advertisement -
ማኅበራዊበኢትዮጵያ የዞረ እግር ያላቸው አምስት ሺሕ ሕፃናት በየዓመቱ ይወለዳሉ

በኢትዮጵያ የዞረ እግር ያላቸው አምስት ሺሕ ሕፃናት በየዓመቱ ይወለዳሉ

ቀን:

የዞረ እግር (ክለብፉት) በወሊድ ወቅት የሚከሰት የአፈጣጠር ችግር ነው፡፡ የሕፃኑ እግር በቀላሉ የማይንቀሳቀስ ሲሆን ወደ ታችና ወደ ውስጥ ይጠማዘዛል (ይዞራል)፡፡ በወቅቱ ካልታከመ ለአካል ጉዳተኝነት ይዳርጋል፡፡ በእርግጠኝነት የታወቀ መንስዔ ባይኖረውም በፈጣሪ ቁጣ (እርግማን)፣ በኃጢአት ምክንያት እንደማይከሰት ግን ይወሳል፡፡

አቶ ሔኖክ ነጋሽ ‹‹ሆፕ ዎክስ›› በተባለና የዞረ እግር ችግር ባለባቸው ሕፃናት ላይ በሚሠራው መንግሥታዊ ያልሆነ በጎ አድራጊ ድርጅት የምክር አገልግሎት የሚሰጡ (ካውንስሊንግ) እና አስተባባሪ ናቸው፡፡

እንደ እሳቸው አነጋገር የዞረ ችግር ፖንሴንቴ በሚባል የሕክምና ዘዴ ይድናል፡፡ ልጁ በተወለደ አጭር ጊዜ ውስጥ የተጠቀሰውን ሕክምና መጀመር ይኖርበታል፡፡ የፖንሴቴቲ የሕክምና ዘዴ በጣም ተመራጭ የሆነ ሕክምና ዘዴ መሆኑንና ሁለት ደረጃዎችም እንዳሉት ይገልጻሉ፡፡ የመጀመርያ ደረጃ የማስተካከያ (የጄሶ ሕክምናና የጅማት መብጣት ቴናቶሚ ሲሆን፣ ሁለተኛው ደረጃ ደግሞ የማስጠበቂያ (የጫማ ድጋፍ) ናቸው፡፡

- Advertisement -

Video from Enat Bank Youtube Channel.

የመጀመርያ ደረጃ የሆነው የጄሶ ሕክምና የዞረው እግር በቀስታ ወደ ቦታው እንዲመለስ ማድረግ ሲሆን፣ በሁለተኛ ደረጃ ደግሞ የተስተካከለው እግር ከእግር ጣቶቹ አንስቶ እስከ የላይኛው እግሩ ታፋ ድረስ በጄሶ ይጠቀለላል፡፡ የሕፃናትን የዞረ እግርን ለማስተካከል ከስድስት እስከ ስምንት ጊዜ በጄሶ መታሰር ሊያስፈልጋቸው እንደሚችል፣ የታሰረውን ጄሶ በአዲስ ለመተካት ሕፃኑን በየሳምንቱ ወደ ሕክምና ተቋም መውሰድ ያስፈልጋል፡፡   

የዞረ እግር የሚከሰተው በወሊድ ጊዜ ወይም ሲወለድ ሲሆን፣ በታዳጊ አገሮች የሚታወቀው ሲወለድ ነው፡፡ በጣም በሠለጠኑት አገሮች ግን ሕፃኑ ማሕፀን ውስጥ እያለ በመሣሪያ ሊለዩት ይችላሉ፡፡ ይህም ቢሆን ተገቢውን ሕክምና የሚያገኘውና የሚስተካከለው ከተወለደ በኋላ ነው፡፡

በኢትዮጵያ ውስጥ በቅርቡ የተካሄደው ጥናት እንደሚያሳየው፣ የዞረ እግር ያላቸው 5,000 ሕፃናት በየዓመቱ ይወለዳሉ፡፡ ከነዚህም መካከል እስከ 1,800 ሕፃናት ተገቢውን ሕክምና ያገኙት ሕክምናው በሚሰጥባቸው በተለያዩ ከተሞች በሚገኙ 35 የመንግሥት ሆስፒታሎች ውስጥ ነው፡፡

ለዚህም ዕውን መሆን ሆፕ ዎክስ ከጤና ሚኒስቴር ጋር ባደረገው ስምምነት መሠረት፣ ሕክምናው የሚሰጠው በሳምንት አንድ ቀን ይሰጣል፡፡ የሕክምና አገልግሎት ለሚሰጡ ሐኪሞችም በሕክምናው ላይ ያተኮረ የአቅም ግንባታ ሥልጠና ተሰጥቷቸዋል፡፡

በሕክምና ላይ ያሉት ሕፃናት የሕክምና ዘዴዎችን ሳያቋርጡ መጠቀማቸውን ለማረጋገጥ ክትትልና ቁጥጥሩ በስልክና ቤት ለቤት እየተዘዋወሩ የሚያካሂዱት በጎ ፈቃደኛ የሆኑ የቤተሰብ አማካሪዎች ናቸው፡፡

 ድርጅቱ የሕክምና ዕርዳታ የሚያደርግላቸውን ሕፃናት ቁጥር ዘንድሮ ወደ ሁለት ሺሕ ከፍ ለማድረግ ቢያቅድም፣ በኮቪድ-19 ወረርሽኝ ሳቢያ ዕቅዱን ማዘግየት ግድ እንደሆነበት አስተባባሪው ሳይገልጹ አላለፉም፡፡

ሆፖ ዎክስ በአሥራ አንድ ዓመታት ጉዞው የዞረ እግር ችግር ላለባቸው 11,000 ሕፃናት ተገቢውን ሕክምና እንዲያገኙ በማድረጉ ሕፃናቱ መራመድ፣ መሮጥና መጫወት መጀመራቸውን ከአስተባባሪው ማብራሪያ ለመረዳት ተችሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...