Wednesday, April 17, 2024
- Advertisement -
- Advertisement -
ስፖርትበባርሴሎና ኦሊምፒክ ለረዥም ርቀት ፈር ቀዳጇ እንስት የዕውቅና ፕሮግራም

በባርሴሎና ኦሊምፒክ ለረዥም ርቀት ፈር ቀዳጇ እንስት የዕውቅና ፕሮግራም

ቀን:

የወቅቱ የኢትዮጵያ አትሌቲክስ ፌዴሬሽን ፕሬዚዳንት ኮማንደር ደራርቱ ቱሉ እ.ኤ.አ 1992 በባርሴሎና ኦሊምፒክ በአሥር ሺሕ ሜትር የወርቅ ሜዳሊያ በማስመዝገብ የመጀመሪያዋ አፍሪካዊት አትሌት መሆኗ ይታወቃል፡፡ ብሔራዊ ፌዴሬሽኑ ይህን ታሪካዊ ድልና ስኬት ለማስታወስ በመጪው እሑድ መጋቢት 19 ቀን 2013 ዓ.ም. የዕውቅና ፕሮግራም አዘጋጅቶላታል፡፡

ቀደም ሲል የሮም ኦሊምፒክ 60ኛ ዓመትና የኢትዮጵያውያን አትሌቶች የ64 ዓመታት የኦሊምፒክ ተሳትፎ አስመልክቶ ‹‹የባዶ እግር ትሩፋቶች›› በሚል በሸራተን አዲስ ባዘጋጀው ፕሮግራም ባለድሎቹንና ገድለኞቹን መዘከሩ ይታወሳል፡፡ በወቅቱ በሮም ኦሊምፒክ በባዶ እግሩ በዓለም ለሚገኙ በተለይም በአፍሪካ ላሉ ጥቁሮች ፋና ወጊ ሆኖ ብቅ ያለውን ብርቱው ሻምበል አበበ ቢቂላን ጨምሮ ማሞ ወልዴና ምሩፅ ይፍጠር በልዩ ሁኔታ ከዕውቅናው ባሻገር ለቤተሰቦቻቸው የገንዘብ ሽልማት የተበረከተላቸው መሆኑ አይዘነጋም፡፡

ብሔራዊ ፌዴሬሽኑ ባለፈው ሐሙስ መጋቢት 16 ቀን በስካይ ላይት ሆቴል በሰጠው ጋዜጣዊ መግለጫ እንዳስታወቀው፣ የዚህ ፕሮግራም ዋና ዓላማ ኮማንደር ደራርቱ ቱሉ በስፖርቱ ዓለም ላበረከተችው አስተዋጽኦ ዕውቅና በመስጠት መጪውን ትውልድ ማነቃቃት ይቻል ዘንድ የበኩሉን ድርሻ እንደሚወጣ በማለም ነው፡፡

- Advertisement -

Video from Enat Bank Youtube Channel.

እንደ መግለጫው ከሆነ እሑድ መጋቢት 19 በስካይ ላይት ሆቴል ከቀኑ 10 ሰዓት ጀምሮ በሚከናወነው የኮማንደር ደራርቱ ቱሉ የዕውቅና ፕሮግራም ላይ የክልልና የከተማ አስተዳደር ከንቲባዎች፣ ፕሬዚዳንቶች፣ የፌዴራልና የክልል ስፖርት ኮሚሽን ኮሚሽነሮችና አመራሮች፣ የክልልና የከተማ አስተዳደር አትሌቲክስ ኃላፊዎች፣ እንዲሁም በዓለም አትሌቲክስ ሻምፒዮናና በኦሊምፒክ ከአንደኛ እስከ ሦስተኛ የወጡ አትሌቶች እንደሚታደሙ ጭምር በመግለጫው ተነግሯል፡፡   

እንደ ኮማንደር ደራርቱ ሁሉ በኢትዮጵያ አትሌቲክስ ብቻ ሳይሆን፣ በዓለም የአትሌቲክስ ማኅበረሰብ ልብ ውስጥ የገቡ ስምና ማንነታቸውን በኦሊምፒክ የክብር መዝገብ ውስጥ ካኖሩ ብርቅዬ ኢትዮጵያውያን አትሌቶች መካከል ኦሊምፒክን ጨምሮ ከ28 ጊዜ በላይ የዓለም ታላላቅ ውድድሮችን ክብረ ወሰን ጭምር የሰባበሩ ኃይሌ ገብረ ሥላሴና ቀነኒሳ በቀለ እንዲሁም ገዛኸኝ አበራ፣ እልፍነሽ ዓለሙ፣ ሚሊዮን ወልዴ፣ ብርሃኔ አደሬ፣ መሠረት ደፋር፣ ጥሩነሽ ዲባባ፣ ቲኪ ገላና እና የሌሎችም የኦሊምፒክ ታሪክ ሲታወስ አይረሴዎች መሆናቸው ልብ ይሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...