Friday, May 24, 2024
- Advertisement -
- Advertisement -

ስፖርትከስምንት ዓመታት በኋላ ለአፍሪካ ዋንጫ የበቁት ዋሊያዎቹ

ከስምንት ዓመታት በኋላ ለአፍሪካ ዋንጫ የበቁት ዋሊያዎቹ

ቀን:

ኢትዮጵያ በካሜሩን አስተናጋጅነት ለሚካሄደው 33ኛው የአፍሪካ ዋንጫ ተሳታፊ መሆኗን አረጋገጠች፡፡

በምድብ 11 ከአይቮሪኮስት፣ ማዳጋስካርና ኒጀር ጋር የተደለደለችው ኢትዮጵያ የምድቡን የመጨረሻ ጨዋታ ማክሰኞ መጋቢት 21 ቀን 2013 ዓ.ም. ከአይቮሪኮስት ጋር በአቢጃን አድርጋ ውጤት ባይቀናትም፣ ተፎካካሪዋ ማዳጋስካር ከኒጀር ጋር አቻ በመውጣቷ አስቀድማ በሰበሰበችው ዘጠኝ ነጥብ ለአኅጉራዊው ውድድር ከስምንት ዓመታት በኋላ ለመብቃት ችላለች፡፡

በትናንትናው ጨዋታዋ በአይቮሪኮስት 3 ለ1 እየተመራች 80ኛው ደቂቃ ላይ ጋናዊው ዳኛ በሕመም ምክንት በመውደቃቸው ጨዋታው ተቋርጧል፡፡ ጨዋታውን አይቮሪኮስታዊው አራተኛ ዳኛ እንዲዳኙ የቀረበውን ጥያቄ ኢትዮጵያ ባለመቀበሏ ሳይቀጥል ቀርቷል፡፡ የታመሙት ዳኛ ቻርልስ ቡሉ ወደ ሆስፒታል ከመወሰዳቸው በፊት፣ በብሔራዊ ስታዲየሙ የጤና ማዕከል ሕክምና ማግኘታቸውን ፍራንስ 24 ዘግቧል፡፡

- Advertisement -

በሁለቱ ቡድኖች ጨዋታ ዝሆኖቹ ዊሊ ቦሊ ባስቆጠራት ቀዳሚ ጎልና ፍራንክ ኬሲ በፍፁም ቅጣት ምት ባስቆጠራት ግብ ሲመሩ ቆይተዋል፡፡ ጌታነህ ከበደ ብቸኛዋን ግብ 74ኛው ደቂቃ ላይ ካስቆጠረ በኋላ፣ አይቮሪኮስት ሦስተኛውን ግብ በዢያን ኩሲ አማካይነት ወዲያው አስቆጥራለች፡፡

ዋሊያዎቹ ከዝሆኖቹ ጋር ባደረጉት ጨዋታ በቋሚ አሠላለፍ የተሠለፉት ተክለ ማርያም ሻንቆአስራት ቱንጆያሬድ ባዬህአስቻለው ታመነረመዳን የሱፍሀብታሙ ተከስተ፣ ሱራፌል ዳኛቸውሽመልስ በቀለአማኑኤል ብረ ሚካኤልአቡበከር ናስርና ጌታነህ ከበደ ናቸው፡፡

ሃቻምና በአፍሪካ ዋንጫ ሩብ ፍፃሜ ላይ ደርሳ የነበረችው ማዳጋስካር ከኒጀር ጋር ያለ ግብ አቻ ተለያይታለች፡፡

የተቋረጠውን ጨዋታ አስመልክቶ ካፍ የሚያሳልፈው ውሳኔ ይጠበቃል፡፡ በመጪው ዓመት በ24 ቡድኖች መካከል በካሜሩን አምስት ከተሞች ለሚካሄደው 33ኛ የአፍሪካ ዋንጫ ከሚሳተፉት 24 ቡድኖች ኢትዮጵያን ጨምሮ 21 ቡድኖች ማለፋቸው ታውቋል፡፡

ኢትዮጵያ ከ31 ዓመታት ቆይታ በኋላ ለመጨረሻ ጊዜ በአፍሪካ ዋንጫ መድረክ የተገኘችው ደቡብ አፍሪካ በ2005 ዓ.ም. ባዘጋጀችው ውድድር ላይ እንደነበር ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...