Friday, September 30, 2022
ሌሎች ዓምዶች
    - ማስታወቂያ -
    - ማስታወቂያ -

    በስምንት ወራት ውስጥ 2.2 ቢሊዮን ብር ግምት ያላቸው የኮንትሮባንድ ዕቃዎች መያዛቸው ተገለጸ

    - ማስታወቂያ -

    ተዛማጅ ፅሁፎች

    የኢትዮጵያ ጉምሩክ ኮሚሽን ባለፉት ስምንት ወራት ውስጥ ከ2.2 ቢሊዮን ብር በላይ ግምት ያላቸው የኮንትሮባንድ ዕቃዎች መያዛቸውን አስታወቀ፡፡

    ኮሚሽኑ ከሞያሌና ከሐዋሳ ቅርንጫፍ አመራሮች፣ ሠራተኞችና ባለድርሻ አካላት ጋር ከኮንትሮባንድ ቁጥጥር ጋር በተያያዘ ባደረገው ውይይት፣ ከ2011 እስከ 2013 ዓ.ም. ግማሽ ዓመት ድረስ ባደረገው ከፍተኛ የቁጥጥር ሥራ በርካታና ትርጉም ያለው ውጤት ማስመዝገቡ ተገልጿል፡፡

    የኮሚሽኑ ኮሚሽነር አቶ ደበሌ ቀበታ እንደተናገሩት ባለፉት ስምንት ወራት በተደረገ ቁጥጥር 2.2 ቢሊዮን ብር ግምት ያላቸው አደንዛዥ ዕፆች፣ ሕገወጥ የጦር መሣሪያዎች፣ የተለያዩ መድኃኒቶች፣ አልባሳት፣ የኤሌትሮኒክስ ዕቃዎችን ጨምሮ የተለያዩ ከደረጃ በታች የሆኑና ያልተፈቀዱ ቁሳቁሶች መያዛቸውን አብራርተዋል፡፡

    የኮንትሮባንድ እንቅስቃሴው ለአገር ለውጥና ለኢኮኖሚው ፈተና በመሆኑ፣ ሁሉም ባለድርሻ አካላት ሊቃወሙትና አንድ ሆነው ሊታገሉት እንደሚገባ ኮሚሽነሩ አሳስበዋል፡፡

    በውይይቱ ላይ የተገኙት የደቡብ ክልል ምክትል ርዕሰ መስተዳድር አቶ ርስቱ ይርዳው፣ በተለይ ባለፉት ዓመታት ወይም ወራት ግጭት ባለባቸው አካባቢዎች ሕገወጥ የጦር መሣሪያ ግብይት ተጧጡፎ እንደነበር ጠቁመዋል፡፡

    የተለያዩ ሸቀጣ ሸቀጦች በሕገወጥ መንገድ የሚያቀርቡ ኮንትሮባንዲስቶች ዋናዎቹ መሣሪያ አቅራቢ እንደነበሩ አክለው፣ በተለያዩ ቦታዎች ተዋቅሮ የሚሠራው የፀረ ኮንትሮባንድ ግብረ ኃይል ቁጥጥሩን አጠናክሮ እንደሚቀጥልም አስታውቀዋል፡፡

    - Advertisement -spot_img

    የ ጋዜጠኛው ሌሎች ፅሁፎች