Thursday, February 9, 2023
- Advertisement -
- Advertisement -
ዜናበከሚሴና በአጣዬ ግጭት በሰንበቴ ባቡር ጣቢያ ላይ ከፍተኛ ጉዳት ደረሰ

በከሚሴና በአጣዬ ግጭት በሰንበቴ ባቡር ጣቢያ ላይ ከፍተኛ ጉዳት ደረሰ

ቀን:

ከሳምንት በፊት በከሚሴና በአጣዬ በነበረው ግጭት የአዋሽ-ኮምቦልቻ-ወልዲያ ሃራ ገበያ ፕሮጀክት አካል በሆነው ሰንበቴ የባቡር ጣቢያ ላይ ከፍተኛ ጉዳት መድረሱ ተገለጸ፡፡

የባቡር ፕሮጀክቱ ዋና ሥራ አስኪያጅ አቶ አብዱልከሪም መሐመድ (ኢንጂነር) ለሪፖርተር እንዳስረዱት፣ በከሚሴና በአጣዬ በነበረው ግጭት ሳቢያ ማንነታቸው በውል ያልታወቁ ቡድኖች ከአዋሽ 160 ኪሎ ሜትር ርቀት ላይ በሚገኘው የሰንበቴ ባቡር ጣቢያ ላይ የዝርፊያና ንብረት የማውደም ወንጀል ፈጽመዋል፡፡

በባቡር ፕሮጀክቱ 1‚900 ያህል ጥበቃዎች እንደሚገኙ የገለጹት አብዱልከሪም (ኢንጂነር)፣ ሆኖም በአካባቢው የተከሰተው ግጭት ከፍተኛ ስለነበር ጥበቃዎቹ ሸሽተው ለመሄድ ተገደዋል ብለዋል፡፡ የባቡር ጣቢያውን ንብረት ለመጠበቅ ባለመቻሉ ከፍተኛ ውድመትና ዝርፊያ መድረሱን ገልጸዋል፡፡

ለባቡር ጣቢያው የሚያገለግሉ በርካታ ዘመናዊ ቴሌቪዥኖች፣ ኮምፒዩተሮች፣ ለኤሌክትሮኒክስ ግንኙነት የሚያገለግሉ ቦርዶች፣ ከኮምቦልቻ የባቡር መቆጣጠሪያ ጣቢያ መልዕክቶች የሚተላለፉባቸው የግንኙነት መሣሪያዎችና የሬዲዮ ታወሮች ላይ ጉዳት እንደ ደረሰ አስታውቀዋል፡፡

በሌላ በኩል በፕሮጀክቱ ሥራ ላይ ከዋሉት ዘመናዊ ማሽኖች መሀል በእያንዳንዱ የባቡር ጣቢያ የተገጠሙ በሴንሰር የሚሠሩ ስምንት የቲኬት መቁረጫ ማሽኖች ላይ ከፍተኛ የሚባል ጉዳት እንደ ደረሰባቸውና ተገነጣጥለው ከጥቅም ውጪ እንዲሆኑ መደረጉን ገልጸዋል፡፡

ግጭቱ ረዘም ያለ ጊዜ በመቆየቱ በጣቢያው ላይ ስርቆቱና ውድመቱ በትክክል በየትኛው ቀን እንደተፈጸመ ለማወቅ አለመቻሉን የገለጹት ዋና ሥራ አስኪያጁ፣ ሆኖም በጥቆማዎች መሠረት ዝርፊያውና ውድመቱ በመሣሪያ ጭምር በታጠቁ አካሎች የተፈጸመ መሆኑን ለማወቅ ተችሏል ብለዋል፡፡

ጥፋቱ ለምን ዓላማ እንደ ተፈጸመ ለማወቅ አስቸጋሪ ነው ያሉት አብዱልከሪም (ኢንጂነር)፣ ‹‹ሰንበቴ›› የሚለውን የጣቢያ ስም ማጥፋትና ግድግዳ ላይ ያሉ ጠቋሚ መልዕክቶች የማፍረስ ሙከራ መደረጉን አስታውቀዋል፡፡

‹‹የባቡር ፕሮጀክቱ የአገር ፕሮጀክት ነው›› ያሉት ዋና ሥራ አስኪያጁ፣ ሁሉም ኢትዮጵያዊ ነገ የሚጠቀምበትን መሠረተ ልማት ማውደም ተገቢ አይደለም ብለዋል፡፡

ከጥቃቱ በኋላ የአካባቢውን፣ የክልሉንና የፌዴራል ፖሊስ ያካተተ የምርመራ ቡድን የአደጋውን የጉዳት መጠን እያጠና እንደሚገኝ ተገልጾ፣ የጉዳት መጠኑ ምርመራ እንደተጠናቀቀ ውጤቱ ይገለጻል ተብሏል፡፡

የአዋሽ-ኮምቦልቻ ፕሮጀክት ከዚህ በፊት ገና ወደ ሥራ ሳይገባ የዘረፋ ወንጀል ሲፈጸምበት የቆየ እንደነበረ አብዱልከሪም (ኢንጂነር) አስረድተው፣ ፕሮጀክቱ የቀረውን የኃይል አቅርቦት በፍጥነት በማሟላት አገልግሎት እንዲሰጥ በማድረግ የሚደርሰውን ጉዳት መቀነስ ይገባል ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...