Thursday, February 22, 2024
- Advertisement -
- Advertisement -
ማኅበራዊየወሰን ማስከበር ሥራው ባይጠናቀቅም የመንገድ ግንባታ ማስጀመሪያ ፕሮግራም ተከናወነ

የወሰን ማስከበር ሥራው ባይጠናቀቅም የመንገድ ግንባታ ማስጀመሪያ ፕሮግራም ተከናወነ

ቀን:

ከቦሌ ዓለም አቀፍ አውሮፕላን ማረፊያ እስከ ጎሮ ድረስ እንዲገነባ የ1.6 ቢሊዮን ብር በጀት የተመደበለት የመንገድ ግንባታ፣ የወሰን ማስከበሩ ሥራ ባይጠናቀቅም የማስጀመር ፕሮግራም ተከናወነ፡፡

የአዲስ አበባ ከተማ አስተዳደር ምክትል ከንቲባ ወ/ሮ አዳነች አቤቤና የአዲስ አበባ ከተማ መንገዶች ባለሥልጣን ዋና ዳይሬክተር አቶ ሞገስ ጥበቡ (ኢንጂነር) በተገኙበት የተጀመረው የመንገድ ግንባታ፣ 4.9 ኪሎ ሜትር ርዝመትና ከ30 እስከ 60 ሜትር የጎን ስፋት ይኖረዋል ተብሏል፡፡

የመንገድ ግንባታ ፕሮጀክቱ የወሰን ማስከበር ሥራው ያልተጠናቀቀ ቢሆንም፣ ባሉት ክፍት ቦታዎች ላይ መጀመሩን የአዲስ አበባ ከተማ መንገዶች ባለሥልጣን ምክትል ዋና ዳይሬክተር አቶ ኢያሱ ሰለሞን ተናግረዋል፡፡

- Advertisement -

Video from Enat Bank Youtube Channel.

ቀደም ሲል የመንገድ ግንባታዎች ሲከናወኑ የወሰን ማስከበር ሥራዎች እስኪጠናቀቁ በክፍት ቦታዎች ላይ ሥራ እንደሚጀመር፣ ምክትል ዋና ዳይሬክተሩ ተናግረዋል፡፡

የካሳ ክፍያዎችና ተተኪ ቦታዎች ማዘጋጀት በመሬት ልማት ማኔጅመንት ቢሮ ከተጠናቀቁ በኋላ፣ በባለሥልጣኑ በኩል ክፍያው እንደሚፈጸም ጠቁመዋል፡፡

የመንገድ መሠረተ ልማት ዝርጋታ ሥራዎች በአመዛኙ እየተከናወኑ የሚገኘው ቀድሞ በለማ የከተማው ክፍል መሆኑን የገለጹት የባለሥልጣኑ ዋና ዳይሬክተር ሞገስ (ኢንጂነር)፣ አዳዲስም ሆኑ ነባር መንገዶች በየሚስፋፉበት ወቅት የወሰን ማስከበር ሥራዎችን ማከናወን ይጠበቃል ብለዋል፡፡

ዋና ዳይሬክተሩ የመንገድ ግንባታ ለማጠናቀቅ የወሰን ማስከበር ሥራውን ጨምሮ 24 ወራት የተያዘለት ቢሆንም፣ ግማሽ የሚሆነው የመንገዱን ክፍል በ14 ወራት ውስጥ ለማጠናቀቅ ዕቅድ መያዙን አስረድተዋል፡፡

ከመጨረሻ መዳረሻው ጎሮ ሠፈር አደባባይ፣ በቦሌ ሆምስ፣ በጉምሩክ አድርጎ ገርጂ ሮባ ዳቦ ያለውን ነባር መንገድ የሚያስተሳስር መሆኑን ዋና ዳይሬክተሩ ጠቁመዋል፡፡

ፕሮጀክቱ ሲጠናቀቅ ከቦሌ አውሮፕላን ማረፊያ ወደ ጎሮ ለመሄድ በገርጂና በኢምፔሪያል በኩል የሚደረገውን ረዥም ጉዞ የሚያስቀር፣ ይፈጠር የነበረውን የትራንስፖርት መጨናነቅ የሚያቃልል፣ እንዲሁም የእግረኛና የብስክሌት መንገድ ማካተቱን ዋና ዳይሬክተሩ ተናግረዋል፡፡

የግንባታ ሥራው አሰር ኮንስትራክሽን በተባለ አገር በቀል የሥራ ተቋራጭ ሲከናወን፣ የማማከርና የቁጥጥር ሥራውን ደግሞ ዩኒኮን የተባለ ድርጅት ያከናውናል ተብሏል፡፡

የአዲስ አበባ ከተማ መንገዶች ባለሥልጣን በ2013 ዓ.ም. በ5.9 ቢሊዮን ብር በጀት የመንገድ ግንባታዎችንና ከ100 በላይ የሚሆኑ የመንገድ ፕሮጀክት እየሠራ መሆኑና በበጀት ዓመቱ የሚጠናቀቁ የመንገድ ግንባታዎች እንደሚኖሩ ተጠቁሟል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ የካቤኔ አባል የሆኑት አንድ ከፍተኛ ባለሥልጣን የሚያቀርቡትን ቅሬታ እያዳመጡ ነው] 

ክቡር ሚኒስትር እየሆነ ያለው ነገር በእጅጉ ስላሳሰበኝ ነው በአካል...

የአፍሪካ ኅብረት ጉባዔና የሶማሊያ ፕሬዚዳንት የፈጠሩት አምቧጓሮ

ባለፈው ቅዳሜና እሑድ በአዲስ አበባ የተካሄደው የአፍሪካ ኅብረት 37ኛው...

የብሔራዊ ባንክ የገንዘብ ፖሊሲ ትግበራ የፈጠራቸው አሉታዊና አዎንታዊ ጎኖች

የአገሪቱ ንግድ ባንኮች በዓመት የሚሰጡት የብድር መጠን ላይ የኢትዮጵያ...

ቱግ ቱግ!

የአፍሪካ ኅብረት ጉባዔ ለመታደም የመጡ እንግዶችን ሸኝተን ከፒያሳ ወደ...