Thursday, February 2, 2023
- ማስታወቂያ -
- ማስታወቂያ -

የአቢሲኒያ ባንክ ካፒታል ወደ አሥር ቢሊዮን ብር እንዲያድግ ተወሰነ

- ማስታወቂያ -

ተዛማጅ ፅሁፎች

ብዙም ባልተለመደ ሁኔታ ከመደበኛው ዓመታዊ ጠቅላላ ጉባዔ ውጪ ባለአክሲዮኖችን ጠቅላላ ጉባዔ የጠራው አቢሲኒያ ባንክ፣ የባንኩን ካፒታል አሥር ቢሊዮን ብር ለማድረስ ወሰነ፡፡

ባንኩ ሐሙስ መጋቢት 23 ቀን 2013 ዓ.ም. ድንገተኛ ጠቅላላ ጉባዔ በመጥራት ባካሄደው ስብሰባው፣ በባንኩ የዳይሬክተሮች ቦርድ የባንኩን ካፒታል ከፍ ለማድረግ በቀረበ ጥያቄ መሠረት፣ የባንኩን ካፒታል አሁን ካለበት ከተፈቀደ አራት ቢሊዮን ብር ካፒታል በስድስት ቢሊዮን ብር በማሳደግ አሥር ቢሊዮን ብር እንዲሆን ተወስኗል፡፡

የባንኩ ዳይሬክተሮች ቦርድ ለባለ አክሲዮኖቹ ባቀረበው ሐሳብ፣ በባንክ ኢንዱስትሪ ውስጥ እየታየ ያለውን የገበያ ውድድር ለመቋቋምና አሁን ባንኩ ከደረሰበት ዕድገት አንፃር፣ የባንኩን ካፒታል ማሳደግ ግድ መሆኑን ጠቅሷል፡፡

ከብሔራዊ ባንክም ምክረ ሐሳብ መቅረቡንና ባንኩ የካፒታል መጠኑን ማሳደግ እንደሚገባው ያደመጡት ባለአክሲዮኖች በቀረበው ሐሳብ ላይ ከተወያዩ በኋላ የባንኩ ዳይሬክተሮች ቦርድ ባቀረበው መሠረት የካፒታል መጠኑ ተፈጻሚ እንዲሆን ወስነዋል፡፡

ባንኩ ከዚህ ውሳኔ ላይ ሊደርስ ከቻለባቸው ምክንያቶች ውስጥ፣ ካፒታሉን በዚህ ደረጃ ካላሳደገ በባንኩ አሠራር ላይ ተፅዕኖ ያሳድራል ከሚል ጭምር እንደሆነም ታውቋል፡፡

አቢሲኒያ ባንክ የወሰነው የ10 ቢሊዮን ብር ካፒታል መጠን ከአገሪቱ የግል ባንኮች ሁለተኛውን ከፍተኛ ካፒታል እንዲይዝ ያደርገዋል፡፡  

ከአቢሲኒያ ባንክ ቀደም ብሎ የባንኩን የተከፈለ ካፒታል 12 ቢሊዮን ብር እንዲያደርስ ያስወሰነው አዋሽ ባንክ ሲሆን፣ የአብዛኞቹ የግል ባንኮች የተከፈለ ካፒታል መጠን ደግሞ ከሦስት ቢሊዮን ብር ያነሰ እንደሆነ ይታወቃል፡፡  

ከአቢሲኒያ የ2012 የሒሳብ ዓመት ሪፖርት መገንዘብ የሚቻለው፣ በ2012 ዓ.ም. የተቀማጭ ገንዘብ መጠኑን በከፍተኛ ደረጃ በማሳደግ ቀዳሚ መሆን መቻሉን ነው፡፡ ባንኩ በሒሳብ ዓመቱ 15.48 ቢሊዮን ብር ወይም 48.1 በመቶ ዕድገት በማስመዝገብ፣ አጠቃላይ ተቀማጭ ገንዘብ መጠኑን ከ32.15 ቢሊዮን ብር ወደ 47.63 ቢሊዮን ብር አድርሷል፡፡ ይህም ከግል ባንኮች በ48.1 በመቶ የተቀማጭ ገንዘብ መጠኑን በማሳደግ ቀዳሚው ባንክ አድርጎት ነበር፡፡

በ2012 የሒሳብ ዓመት ብቻ 1.3 ሚሊዮን አዳዲስ ደንበኞችን ማፍራት በመቻሉና የባኩን ጠቅላላ የገንዘብ አስቀማጭ ደንበኞችን ቁጥር ከቀደመው የሒሳብ ዓመት በዕጥፍ ማሳደግ ስለመቻሉ በወቅቱ መገለጹ ይታወቃል፡፡

ባንኩ በ2012 የሒሳብ ዓመት ሪፖርቱ መሠረተ የባንኩ ጠቅላለ የሀብት መጠን ከ57 ቢሊዮን ብር በላይ ደርሷል፡፡

ባንኩ በ2012 ዓ.ም. መጨረሻ ላይ የተከፈለ ካፒታል ደግሞ 3.15 ቢሊዮን ብር ነበር፡፡  

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች