Tuesday, April 23, 2024
- Advertisment -
- Advertisment -

[ክቡር ሚኒስትሩ የኢኮኖሚ ጉዳይ ምክር ቤቱን ሪፖርት እያዳመጡ ነው] 

  • የምግብ ዘይት ጉዳይ በምን ደረጃ ላይ ይገኛል?
  • ክቡር ሚኒስትር የፋብሪካዎች ምርት በከፍተኛ ደረጃ ተሻሽሏል።
  • አቅርቦቱስ?
  • አቅርቦቱ ላይ መቆራረጥ አለ፣ ግን መቀረፉ አይቀርም፡፡ 
  • የሲሚንቶ ጉዳይስ? 
  • ቀድሞውንም ቢሆን ሲሚንቶ በበቂ ሁኔታ ይመረታልየምርት ችግር የለም። 
  • አቅርቦቱስ?
  • አቅርቦቱ ተቋርጧል፡፡ 
  • እና ምን እያደረጋችሁ ነው? 
  • አምራቾቹ የሚያነሱት የዋጋ ጥያቄ አለ፣ ቢሆንም መፈታቱ አይቀርም።
  • ነዳጅስ? 
  • መንግሥት ያለውን የውጭ ምንዛሪ ቅድሚያ የሚሰጠው ለነዳጅ ግዥ እንደሆነ ይታወቃል።
  • ስለመታወቁ አልጠየቅኩም፣ ምርቱ በበቂ ሁኔታ እየቀረበ ስለመሆኑ ነው፡፡
  • ወደ እሱ ልገባ ነው፡፡ 
  • እሺ ግባ
  • በቂ ነዳጅ ተገዝቷል 
  • የት ነው የሚገኘው?
  • ወደ እሱ ልመጣ ነው፡፡ 
  • እሺ፡፡ 
  • ምርቱ ተገዝቶ ጂቡቲ ይገኛል፡፡ 
  • ስለዚህ የአቅርቦት ችግር የተፈጠረው ለዚህ ነው?
  • አይደለም ምርቱን ከጂቡቲ በሚጓጓዝበት ኮሪደር ግጭት በመከሰቱ በጊዜ መድረስ አልቻለም ፡፡
  • ታዲያ የአቅርቦት ችግሩን ለመፍታት ምን አደረጋችሁ? 
  • ችግሩ ጊዜያዊ ስለሆነ ነዳጁ ገብቶ ይሠራጫል ፡፡
  • ጊዜያዊ ችግሩን ለመቅረፍ ምን እንዳደረጋችሁ ነው የጠየቅኩት፡፡
  • ወደ እሱ ልመጣ ነው ክቡር ሚንስትር?
  • አንተ እስክትመጣ ይቀረፋል፡፡ 
  • ምኑ?
  • የነዳጅ ችግሩ መቀረፉ ስለማይቀር ሌላውን እንመልከት፡፡ 
  • የስንዴናዳቦ አቅርቦት ማቅረብ እችላለን፡፡ 
  • ቀጥል፡፡ 
  • መንግሥት ለስንዴ በሰጠው ትኩረት እርስዎም እንደተመለከቱት የበጋ ስንዴ ምርት ማጨድ ጀምረናል፡፡ 
  • አቅርቦቱ ላይ አተኩር፡፡
  • የስንዴ አቅርቦት ችግር በመኖሩ በዳቦ ፍላጎት ላይ ክፍተት ፈጥሯል።
  • ምን እያደረጋችሁ እንደሆነ ነው ማወቅ የምፈልገው፡፡
  • የአቅርቦት ችግሩ መፈታቱ አይቀርም እየሠራንበት ነው።
  • የሁላችሁም መልስ ችግሩ መፈታቱ አይቀርም የሚል ነውማነው የሚቀርፈው? መቼ ነው የሚቀረፈው? 
  • እሱንም ለመቅረፍ እየተመካከርን ነው።
  • ምኑን?
  • መቼና ማን ይቅረፈው የሚለውን!

[ክቡር ሚኒስትሩ እንደ አዲስ ለሚቋቋመው የመንግሥት መሥሪያ ቤት የቀረበላቸውን የተቋማዊ አደረጃጀት ረቂቅ ሰነድ እየተመለከቱ ሳለ ረቂቁን ያዘጋጀው ቡድን አባል ወደ ቢሯቸው ገባ]

  • እንደምን አሉ ክቡር ሚኒስትር?
  • ኦ… አንተ ነህ እንኳን መጣህ።
  • የተቋሙ አደረጃጅትን በተመለከተ ያዘጋጀነው ረቂቅ ሰነድ እንደደረሰዎት ተስፋ አደርጋለሁ።
  • እሱን እየተመለከትኩት ነው የመጣኸው።
  • የተለያዩ አገሮችን ተሞክሮዎች አጥንተን ለኢትዮጵያ ተስማሚ ይሆናሉ ያልናቸውን አደረጃጀቶች አካተናል።
  • ተስማሚ ተሞክሮ ነው ያልከው?
  • አዎ፣ የተጀመረውን ለውጥ ሊገልጹ የሚችሉትን ተስማሚ ተሞክሮዎችን ነው የወሰድነው፡፡
  • እርግጠኛ ነህ?
  • አይጠራጠሩ ክቡር ሚኒስትር፣ ሙሉውን ሰነድ አላዩትም እንዴ? 
  • ሙሉውን አይቼዋለሁ፣ ግን ተስማሚ ያልከውን ሳይሆን ሌሎች ነገሮችን ነው ያገኘሁት፡፡ 
  • ሌላ ምን አገኙ?
  • አስቀያሚ፡፡
  • ተስማሚ ያልሆነ አስቀያሚ? 
  • ለምሳሌ ኢንዶክትሪኔሽን፣ ዳይሬክቶሬት የሚል አደረጃጀት ምን ማለት ነው? 
  • በጥናታችን የተለያዩ አገሮች ውጤታማ የሕዝብ ግንኙነት ሥራ የተወጡበት አደረጃጀት መሆኑን ለይተናል።
  • ጥናት ነው ያልከው?
  • አዎ! እንደ ካናዳ፣ እንግሊዝና የመሳሰሉ አገሮች የተገበሩትና ውጤት ያገኙበት አደረጃጀት ነው። 
  • ጥናቱን ተወውና የቃሉን ጥሬ ትርጉም ልትነግረኝ ትችላለህ?
  • ጥሬ ቃሉን አላጠናንም፣ ነገር ግን የሕዝብ ግንኙነት ሥራ ማለት አይደል እንዴ?
  • ኢንዶክትሪኔሽን? 
  • እንደዚያ መሰለኝ፡፡
  • እሱን ነገር መቼ ነው የምትተወው ግን?
  • ምኑን?
  • መሰለኝ ደሳለኙን?
  • እየሞከርኩ ነው ክቡር ሚኒስትር፡፡ 
  • ከምትሞክር ለምን አትፈልግም? 
  • ምን?
  • የሌላ አገር ተሞክሮ፡፡ 
  • ኮሚክ እኮ ነዎት ክቡር ሚንስትር 
  • ለማንኛውም ኢንዶክትሪኔሽን ማለት ሐሳብን ማጥመቅ ወይም ጭንቅላት ማጠብ ማለት ነው።
  • ለዚያ እኮ ነው ይህንን ተሞክሮ ለእኛ ተስማሚ ይሆናል ብለን ያመጣነው ክቡር ሚኒስትር፡፡ 
  • ተሞክሮ ነው ያልከው?
  • አዎ ክቡር ሚኒስትር፡፡
  • የአገር ውስጥ ተሞክሮ ነው?
  • በአገር ውስጥም አንዳንድ ተቋማት ይጠቀሙበታል፣ እኛ ግን የካናዳን… 
  • እንዳትጨርሰው፡፡
  • አልቋል…ግን ትቼዋለሁ፡፡ 
  • ቢገባህ ይህንን አደረጃጀት ልትደግመው ይቅርና ከሌሎች ተቋማት ጭምር ታስቀር ነበር፡፡ 
  • ኃላፊነቱን ከሰጡኝ እችላለሁ፡፡ 
  • የማን ኃላፊነት ነው እሱን አደረጃጀት የማስቀረት፡፡ 
  • መጀመርያ ከራስህ ጀምር፡፡ 
  • ከየት?
  • ከዚህ ሰነድ ላይ፡፡ 
  • ጥሩ እንዳሉት አደርጋለሁ፡፡ 
  • ተወው እንዲያውም፡፡ 
  • ለምን ክቡር ሚኒስትር?
  • በድጋሚ ይሠሩታል፡፡ 
  • ማን ይሠራዋል?
  • ባለሙያ፡፡ 
  • እይሆንም ክቡር ሚኒስትር፣ ለባለሙያ ኃላፊነት ሊሰጡ? 
  • ሌላ ቦታ እስክታገኝ ውጣ!

በብዛት የተነበቡ ፅሁፎች

- Advertisment -

ትኩስ ፅሁፎች

ሰው መሆን ምንድን ነው? ቅርስና ማኅበራዊ ፍትሕ

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...

የአገሪቱ ባንኮች የመጭበርበር ተጋላጭነት እየጨመረ መሆኑን ብሔራዊ ባንክ አስታወቀ

በአንድ ዓመት ውስጥ ብቻ2 ቢሊዮን ብር መጭበርበሩን ገልጿል ቀሲስ በላይ...
spot_img

ተዛማጅ ፅሁፎች

[የኢኮኖሚ ጉዳዮች አማካሪው ቅሬታ የቀረበባቸው አንዳንድ ጉዳዮችን ክቡር ሚኒስትሩ ተመልክተው ምላሽና ውሳኔ እንዲሰጡባቸው ለማድረግ ከክቡር ሚኒስትሩ ጋር እየተወያዩ ነው] 

ክቡር ሚኒስትር ተቋማችን በሚሰጣቸው አንዳንድ አገልግሎቶች ላይ ጥያቄ እየተነሳ በመሆኑ ነው ዛሬ ከእርስዎ ጋር ለመወያየት የፈለግኩት። የምን ጥያቄ? ማነው ጥያቄውን ያቀረበው? ጥያቄውን ያቀረቡት የተቋማችን ተገልጋዮች ናቸው። እሺ፣...

[ክቡር ሚኒስትሩ ከፖለቲካ ፓርቲዎች የጋራ ምክር ቤት አባላት ጋር በአገራዊ ጉዳዮች ላይ እየመከሩ ነው]

ክቡር ሚኒስትር ባለፈው ሊያወያዩን ሲመጡ ለአገራችን የፖለቲካ ችግር መፍትሔው አንድና አንድ እንደሆነ ነግረንዎት ነበር፣ ያስታውሳሉ? አላስታውስም። ባለፈው የተገናኘን ጊዜ ይህችን አገር ከችግር የሚያወጣው መፍትሔ አንድና አንድ...

[ክቡር ሚኒስትሩ በዕረፍት ቀናቸው በመኖሪያ ቤታቸው ሆነው ከባለቤታቸው ጋር ከውጭ እንዳይገቡ ስለተከለከሉ ምርቶች እያወሩ ነው]

እኔ እምልህ ...ኤል ሲ እንዳይከፈት ተከልክሏል ሲባል አልነበረም እንዴ? ኤል ሲ ደግሞ ምንድነው? ሌተር ኦፍ ክሬዲት ነዋ!? አልገባኝም? አስመጪዎች ከውጭ ለሚያስገቡት ዕቃ የሚያስፈልጋቸውን የውጭ ምንዛሪ ከባንኮች አይደል የሚያገኙት? አዎ። ኤል...