Wednesday, February 28, 2024
- Advertisement -
- Advertisement -
ስፖርትየፋሲል ከነማ የዋንጫ ግስጋሴ

የፋሲል ከነማ የዋንጫ ግስጋሴ

ቀን:

በቤትኪንግ የኢትዮጵያ ፕሪሚየር ሊግ ተከታዮቹን በሰፊ የነጥብ ልዩነት እየመራ የሚገኘው የፋሲል ከነማ እግር ኳስ ክለብ ደጋፊዎች፣ በቡድኑ ወቅታዊ ‹‹አቋም›› ከመደሰትና ድሉን ከመጠበቅ ባለፈ የኮቪድ-19 መስፋፋት ምክንያት ዕድሉን እንዳያጣ ሥጋት ውስጥ ገብተዋል፡፡

ፋሲል ከነማ በዓምናው ሊግ በተመሳሳይ እየመራ በነበረበት ወቅት የተከሰተው ኮቪድ-19 ከድሉ ያሰናከለው መሆኑ ይነገራል፡፡ ዘንድሮም እየጨመረ የመጣው የኮቪድ መስፋፋት በተለይ ደግሞ አሁን ላይ ውድድሩን እያስተናገደች በምትገኘው ድሬዳዋ ከተማ ያለው የወረርሽኙ መስፋፋት ምክንያት ሁኔታው የቡድኑን አቋም በማወደስና ‹‹ዕድሉን›› በመውቀስ የሚዋልል ሆኗል፡፡

13 ክለቦች የሚሳተፉበት ቤትኪንግ የኢትዮጵያ ፕሪሚየር ሊግ ውድድሩ ሊጠናቀቅ በአሁኑ ወቅት የአምስት ሳምንት የጨዋታ መርሐ ግብር መጠበቅ ግድ ብሎታል፡፡ ከተከታዩ ኢትዮጵያ ቡና በ12 ነጥብ ልዩነት በ45 ነጥብ ሊጉን እየመራ የሚገኘው ፋሲል ከነማ የዋንጫ ባለቤት ሆኗል ለማለት በሒሳባዊ ስሌት ትክክል ባይሆንም፣ የዋንጫውን አንድ እጅ ጨብጧል ማለት ግን ይቻላል፡፡

- Advertisement -

Video from Enat Bank Youtube Channel.

18 ጨዋታ ያደረገው ፋሲል ከነማ ሊጉን በ45 ነጥብ ሲመራ፣ ተከታዩ ኢትዮጵያ ቡና በተመሳሳይ ጨዋታ 33 ነጥብ ይዟል፡፡ ሦስተኛ ደረጃ ላይ የሚገኘው ባህዳር ከነማ 18 ጨዋታ አድርጎ 31 ነጥብ ሲይዝ፣ ተከታዩ ቅዱስ ጊዮርጊስ በበኩሉ አንድ ተስተካካይ ጨዋታ እየቀረው በ30 ነጥብ አራተኛ እንዲሁም ሐድያ ሆሳዕና በጎል ልዩነት ተብልጦ በ30 ነጥብ  አምስተኛ ደረጃ ላይ ተቀምጧል፡፡

ወላይታ ድቻ በ24 ነጥብ እንዲሁም ሀዋሳ ከነማ 17 ጨዋታ አድርጎ በጎል ልዩነት ተበልጦ 24 ነጥብ ስድስተኛና ሰባተኛ ሲሆኑ፣ ሰበታ ከነማ በ17 ጨዋታ 22 ነጥብ፣ ወልቂጤ ከነማ በ18 ጨዋታ 20 ነጥብ፣ ድሬዳዋ ከነማ በ18 ጨዋታ 17 ነጥብ፣ ሲዳማ ቡና በ17 ጨዋታ በጎል ልዩነት ተበልጦ 17 ነጥብ፣ ጅማ ከነማ በ18 ጨዋታ 11 ነጥብ እና በደረጃ ሰንጠረዡ መጨረሻ የሚገኘው አዳማ ከነማ በ17 ጨዋታ ስምንት ነጥብ ይዘው ይገኛሉ፡፡

ከፋሲል ከነማ የዋንጫ ግስጋሴ ባልተናነሰ በድሬዳዋ ከተማ አስተናጋጅነት እየተካሄደ የሚገኘው ቤትኪንግ የኢትዮጵያ ፕሪሚየር ሊግ በአስገራሚነቱ እየተጠቀሰ የሚገኘው የኮቪድ ምርመራ ጉዳይ ተዓማኒነት ማጣቱ ይጠቀሳል፡፡ የደም ናሙና ምርመራ በድሬዳዋ ተደረጎላቸው ኮቪድ በደማቸው እንዳለባቸው የተነገራቸው ተጫዋቾች ወደ ሐሮማያ ዩኒቨርሲቲ ሄደው ሲመረመሩ ነፃ መሆናቸው ተረጋግጦ የተነገራቸው ተጫዋቾች አጋጣሚም ታይቷል፡፡           

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...