Friday, April 19, 2024
- Advertisement -
- Advertisement -
ማኅበራዊለአካል ጉዳተኞች የ20 ሚሊዮን ብር ፕሮጀክት ይፋ ተደረገ

ለአካል ጉዳተኞች የ20 ሚሊዮን ብር ፕሮጀክት ይፋ ተደረገ

ቀን:

አካል ጉዳተኞችን በተለያዩ ቦታዎች ተጠቃሚ የሚያደርግ የ20 ሚሊዮን ብር ፕሮጀክት ይፋ ማድረጉን ኤስኦኤስ ኢትዮጵያ አስታወቀ፡፡

የአካል ጉዳተኞችን ችግር ለመፍታት የተወጠነው ፕሮጀክት የሚተገበረው፣ በአዲስ አበባ በተለይም በየካ፣ በጉለሌና በአራዳ ክፍላተ ከተማ ለሚገኙ 600 አካል ጉዳተኞች ሲሆን፣ የቆይታውም ጊዜ ለሁለት ዓመት መሆኑን ተቋሙ የገለጸው ረቡዕ ሚያዝያ 13 ቀን 2013 ዓ.ም. በሰጠው መግለጫ ነው፡፡

የኤስኦኤስ የሕፃናት መንደሮች በኢትዮጵያ የፕሮግራም ዳይሬክተር አቶ ልጃለም ባይለኝ ለሪፖርተር እንደገለጹት፣ ፕሮጀክቱ አካል ጉዳተኞች በተለያየ ቦታ ላይ መብቶቻቸውን ተጠቅመው እንዲንቀሳቀሱ እንዲሁም ማኅበረሰቡ ስለ አካል ጉዳተኞች ትክክለኛ አመለካከት እንዲኖረው ለማድረግ ያለመ ነው፡፡

- Advertisement -

Video from Enat Bank Youtube Channel.

ፕሮጀክቱ የሚተገበርባቸው ክፍላተ ከተማ ውስጥ አካል ጉዳተኞች በብዛት በሚገኙባቸው ሦስት የመንግሥት ትምህርት ቤቶችና በየአካባቢው በሚኖሩ ነዋሪዎች ዘንድ እንደሆነ አቶ ልጃለም አስረድተዋል፡፡

ድጋፉም ለ200 ተማሪዎች፣ እንዲሁም በተለያዩ ችግር ላይ ያሉ በአካባቢው ለሚገኙ ለአካል ጉዳተኞች መሆኑን የገለጹት አቶ ልጃለም የአሠራር ሒደቱን በተመለከተ ከሚመለከታቸው ተቋማት ጋር በጋራ በመሆን እንደሚተገበር ተናግረዋል፡፡

በኮከብ ጽባሕ  በዳግማዊ ምኒልክ ሁለተኛ ደረጃና በእንጦጦ አምባ ትምህርት ቤቶች ላይ ለሚገኙ የአካል ጉዳተኞች ድጋፉ እንደሚዳረስ ዳይሬክተሩ ገልጸዋል፡፡

አካል ጉዳተኞች አቅማቸውን እንዲያሳድጉና ወደፊትም በኑሯቸው አንድ ዕርምጃ ከፍ እንዲሉ ለማድረግ ይህ ፕሮጀክት ትልቅ አስተዋጽኦ እንደሚኖረው የአካቶ በአንድነት ፕሮጀክት አስተባባሪ አቶ ሰሎሞን ኪዳኔ ተናግረዋል፡፡

ትምህርታቸውን በአግባቡ እንዲከታተሉ የሚያስችል አሠራር በመዘርጋት ለአካል ጉዳተኞች ክብካቤ በመስጠትና ምቹ ሁኔታዎችን እንዲያገኙ በማመቻቸት የሚሠራ መሆኑን አቶ ሰሎሞን ገልጸዋል፡፡

የኤስኦኤስ የሕፃናት መንደሮች ድርጅት ትኩረት አድርጎ የሚሠራው በሕፃናት ላይ ቢሆንም የአካል ጉዳተኞች ጥቅምን ለማጎልበት ሰፊ ሥራ ለመሥራት ቅድመ ዝግጀቱን ማጠናቀቁን አስተባባሪው አስታውሰዋል፡፡

ኤስኦኤስ በአማራና ደቡብ፣ በኦሮሚያና ትግራይ ክልሎች እንዲሁም በአዲስ አበባ ተግባራቱን እያከናወነ ይገኛል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...