Monday, December 5, 2022
ሌሎች ዓምዶች
    - Advertisement -
    - Advertisement -
    ዜናሱዳን በቤኒሻንጉል ጉምዝ ክልል ላይ የባለቤትነት ጥያቄ አለኝ ማለቷ ቅጥ ያጣ ድፍረት...

    ሱዳን በቤኒሻንጉል ጉምዝ ክልል ላይ የባለቤትነት ጥያቄ አለኝ ማለቷ ቅጥ ያጣ ድፍረት መሆኑን መንግሥት አስታወቀ

    ቀን:

    ሱዳን የታላቁ ህዳሴ ግድብ ግንባታ በሚካሄድበት የቤኒሻንጉል ጉምዝ ክልል ላይ የባለቤትነት ጥያቄ አለኝ ማለቷ፣ ቅጥ ያጣ ድፍረት መሆኑን መንግሥት አስታወቀ፡፡

    የውጭ ጉዳይ ሚኒስቴር ሱዳን የቤኒሻንጉል ጉምዝ ክልል የራሷ ግዛት መሆኗን መናገሯን በመጥቀስ፣ የድንበር ጉዳይን ፍትሐዊ ባልሆነ መንገድ በዓባይ ወንዝ ላይ ከተደረገው የቅኝ ገዥዎች ስምምነት ማገናኘቷ አሳዛኝ ነው ብሏል፡፡

    ኢትዮጵያ በምዕራብ በኩል ከሱዳን ጋር የምትዋሰንበት ድንበር አሁን ያለው ሳይሆን፣ ከዚያም ሊያልፍ ይችል እንደነበር የውጭ ጉዳይ ሚኒስቴር አስታውቋል፡፡

    የሚኒስቴሩ ቃል አቀባይ ዲና ሙፍቲ (አምባሳደር) ማክሰኞ ሚያዚያ 26 ቀን 2013 ዓ.ም. በሳምንታዊ ጋዜጣዊ መግለጫቸው፣ የኢትዮጵያን ታጋሽነትና መልካምነት እንደ ድክመት በመቁጠር ቤኒሻንጉል ጉምዝ የእኔ መሬት ስለሆነ ይገባኛል ብሎ መጠየቅ ‹‹አስነዋሪ›› ድርጊት ነው ብለዋል፡፡

    ቃል አቀባዩ በሱዳን በኩል እየተኬደበት ላለው ያልተረጋገጠ ጠበኛ የቅስቀሳ ዘመቻና ወረራ መንግሥት በተደጋጋሚ ጥሪ ማቅረቡን፣ የድንበር ጉዳይ በድንበር ኮሚሽኑ ብቻ እንዲታይ እየተጠየቀ ሱዳን ቤኒሻንጉል ጉምዝ የእኔ ነው ማለቷ ፍፁም ቅጥ ያጣ ድርጊት መሆኑን ገልጸዋል፡፡

    ሱዳን የወቅቱ የኢጋድ ሊቀመንበር ሆና ያልተጠበቀ የጦር እንቅስቃሴ ውስጥ መግባቷ፣ ዓለም አቀፉ ማኅበረሰብ ወደ ሰላማዊ ድርድር እንድትመጣ ጣልቃ እንዲገባ ሚኒስቴሩ ባወጣው መግለጫ ጠይቋል፡፡

    የቤኒሻንጉል ጉምዝ ክልል ጉዳይ ከህዳሴው ግድብም ሆነ ከድንበር ጉዳይ ጋር እንደማይገናኝ የጠቀሱት ቃል አቀባዩ፣ ሱዳን አንድነትን የሚፃረር ፍላጎት ማሳየቷ የኢትዮጵያን ሉዓላዊነት በከፍተኛ ሁኔታ ይጋፋል ብለዋል፡፡

    አክለውም ኢትዮጵያ የአፍሪካንም ሆነ የዓለም አቀፍ ሕጎችን በማክበር የምትታወቅ ምሥጉን አገር ነች ሲሉ ገልጸዋል፡፡

    ከህዳሴው ግድብ ጋር በተገናኘ የሱዳን የውጭ ጉዳይ ሚኒስቴርና የውኃ ሀብት ሚኒስቴር የሚያወጡዋቸው የተምታቱ መግለጫዎች መኖራቸውን፣ አንድ የሦስትዮሽ ድርድሩ በአፍሪካ ኅብረት ይመራ፣ አንዴ የአራትዮሽ ድርድር ያስፈልጋል የሚል የተዘበራረቀ አቋም ከኋላ ሆኖ ገፊ አካል መኖሩ ማሳያ እንደሆነ ቃል አቀባዩ ስም ሳይጠቅሱ ጠቁመዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...