Thursday, December 1, 2022
ሌሎች ዓምዶች
    - Advertisement -
    - Advertisement -
    ዜናዓቃቤ ሕግ በአክሱም 99 ሰዎች መገደላቸውን ማረጋገጡን አስታወቀ

    ዓቃቤ ሕግ በአክሱም 99 ሰዎች መገደላቸውን ማረጋገጡን አስታወቀ

    ቀን:

    የፌዴራል ጠቅላይ ዓቃቤ ሕግ ከፌዴራል ፖሊስ ጋር በመሆን በትግራይ ክልል በአክሱም ከተማ መንግሥት በጥቅምት ወር ከጀመረው የሕግ ማስከበር ዘመቻ ጋር በተገናኘ 99 ሰዎች በኤርትራ ወታደሮች፣ በሕዝባዊ ወያኔ ሓርነት ትግራይ ሕወሓት ኃይሎችና በመከላከያ ሠራዊት ውጊያ ሰበብ መገደላቸውን አረጋግጫለሁ በማለት  አስታወቀ፡፡

    ካለፉት ሁለት ወራት ወዲህ ሁለቱ የመንግሥት አካላት በክልሉ ተፈጸመ የተባለው የሰብዓዊ መብት ጥሰትና የንብረት ውድመት ላይ ያተኮረ ምርመራ እያደረጉ መሆኑን፣ ምክትል ጠቅላይ ዓቃቤ ሕግ አቶ ፈቃዱ ፀጋ ሰኞ ግንቦት 2 ቀን 2013 ዓ.ም. ለጋዜጠኞች በሰጡት መግለጫ አስታውቀዋል፡፡

    ዓቃቤ ሕግ በበርካታ የትግራይ ክልል ከተሞች ምርመራ እየተካሄደ መሆኑን ገልጾ፣ በአክሱም ከተማ እየተደረገ ያለው ምርመራ የተደረሰበትን ከፊል ውጤት ይፋ አድርጓል፡፡

    ዓቃቤ ሕግ በመጀመርያ ዙር ሪፖርት ኅዳር 18 ቀን 2013 ዓ.ም. የመከላከያ ሠራዊት ለተጨማሪ ግዳጅ የአክሱም ከተማን ለቆ ሲወጣ የሕወሓት ታጣቂዎች በተለይም በቀድሞው ከንቲባ ትዕዛዝ ለሠለጠኑ ወጣቶች 1,500 መሣሪያ በማከፋፈል፣ በአክሱም ተራሮች አካባቢ ከነበሩ የኤርትራ ወታደሮች ጋር ተኩስ በማካሄድ 93 ያህል ዜጎች ከሁለቱም ወገን ማለትም ከኤርትራም ከኢትዮጵያዊ ሊሆኑ የሚችሉ ሰዎች መሞታቸውን፣ የ95 ሰዎች የቃል ምስክርነት በመቀበል አረጋግጫለሁ ብሏል፡፡

    በሌላ በኩል የሕወሓት ወታደሮችን ዒላማ ያደረገ መድፍ ተተኩሶ ዒላማውን በመሳቱ በከተማውና በዩኒቨርሲቲው አካበቢ በመውደቁ በመኖሪያ አካባቢ አራት የአንድ ቤተሰብ አባላት ሲሞቱ፣ በዩኒቨርሲቲው ውስጥ አንድ ግለሰብና ከሰዓት ዕላፊ ጋር በተገናኘ ከሕግ አስከባሪ አባለት ጋር በተፈጠረ አለመግባባት ተጨማሪ አንድ ግለሰብ ሲሞት፣ በአጠቃላይ ስድስት ሰዎች መሞታቸው ተገልጿል፡፡ ምርመራው አሁንም እንደቀጠለና በርካታ የጅምላ መቃብሮች እንዳሉ ጥቆማ እንደደረሳቸው አቶ ፈቃዱ ተናግረዋል፡፡

    በተመሳሳይ የአስገድዶ መድፈር ወንጀልን በተመለከተ ዓቃቤ ሕግ አደረግኩት ባለው ምርመራ 116 ሴቶች ተደፈርን ብለው ቃላቸውን መስጠታቸውን፣ ድርጊቱ በተለያዩ አካላት የተደረገ ቢሆንም የፖሊስና የመከላከያ ሠራዊት አካላትም እንዳሉበት አቶ ፈቃዱ አስረድተዋል፡፡

    በአስገድዶ መድፈር ወንጀል የተጠረጠሩ ወይም በቁጥጥር ሥር የዋሉ የፖሊስና የመከላከያ አባላት በቁጥር እንዲገለጽ በጋዜጠኞች ጥያቄ የቀረበላቸው ምክትል ጠቅላይ ዓቃቤ ሕጉ፣ ጉዳዩ በክልሉ የፖሊስ ቢሮ እየታየ ስለሆነ ቁጥሩ አልታወቀም ብለዋል፡፡ ነገር ግን፣ ‹‹እኔ እስከማውቀው አንድ የፖሊስ አባልና ሁለት የመከላከያ አባላት ተጠርጥረው ተይዘዋል፤›› ብለዋል፡፡

    መንግሥት የሕግ ማስከበር ዘመቻውን የቀጠለ መሆኑን፣ በወንጀል የተጠረጠሩ አባላትን ለመያዝ ክትትሉ እንደገና ተጠናክሮ ቀጥሏል ያሉት ምክትል ጠቅላይ ዓቃቤ ሕጉ፣ የኤርትራ ወታደሮች በኢትዮጵያ ምድር አድርሰዋል ለተባለው ጥፋት ምን እየተደረገ እንደሆነ ሲጠየቁ፣ ‹‹በግዛታችን ውስጥ በተፈጸመ ማንኛውም ድርጊት ተጠርጣሪውን አካል ተጠያቂ እናደርጋለን፤›› ብለዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...