Wednesday, February 1, 2023
- Advertisement -
- Advertisement -
ዜናየኤርትራ ሠራዊት ከኢትዮጵያ እንዲወጣ ግፊት እንደምታደርግ አሜሪካ አስታወቀች

የኤርትራ ሠራዊት ከኢትዮጵያ እንዲወጣ ግፊት እንደምታደርግ አሜሪካ አስታወቀች

ቀን:

በተባበሩት መንግሥታት ድርጅት የአሜሪካ መንግሥት ወኪል ሊንዳ ቶማስ ግሪንፊልድ የአፍሪካን ቀጣናዊ ሰላም በሚመለከት ማክሰኞ ግንቦት 10 ቀን 2013 ዓ.ም. በሰጡት ጋዜጣዊ መግለጫ፣ የኢትዮጵያ ሰላምና ፀጥታ ጉዳይ የፕሬዚዳንት ጆሴፍ ባይደን አስተዳደር ዋና ትኩረት መሆኑን በመጥቀስ በተለይ ከትግራይ ክልል የኤርትራ ሠራዊት ለቅቆ እንዲወጣ ለማድረግ ግፊት ይደረጋል ብለዋል፡፡

ፕሬዚዳንት ባይደን ከመጀመሪያው ቀን አንስቶ ባለፉት አምስት ወራት በኢትዮጵያ ጉዳይ ላይ ትኩረት አድርገው እንደሠሩና ልዩ መልዕክተኛ ሴኔተር ክሪስ ኩንስን ወደ ኢትዮጵያ ልከው ውይይት ማድረጋቸውን በማስታወስ፣ በቅርቡ በኢትዮጵያና በሌሎች የቀጣናው አገሮች ጉብኝት ያደረጉት የአሜሪካ የውጭ ጉዳይ ሚኒስትር የአፍሪካ ቀንድ ልዩ መልዕክተኛ ጄፍሪ ፊልትማን ከኢትዮጵያ እንደተመለሱ በመጠቆም፣ ከኢትዮጵያ ጋር በቅርበት እንደሚሠሩና እንደሚከታተሉ ተናግረዋል፡፡ እሳቸውም ቢሆኑ የኢትዮጵያን ጉዳይ በቅርበት እየተከታተሉ እንደሆኑ ገልጸዋል፡፡

በዚህም አግባብ በኢትዮጵያ በተለይም በትግራይ ክልል ያለውን ሰብዓዊ ቀውስ በተመለከተ ለመንግሥት ሥጋታቸውን ማቅረባቸውን፣ የኤርትራ ሠራዊትም ከኢትዮጵያ እንዲወጣ ጥረት እያደረጉ እንደሆነ ገልጸዋል፡፡ ‹‹እንዲህ ባሉ ተግባራትም ከኢትዮጵያ ጋር በንቃት እየሠራን እንገኛለን፤›› ብለዋል፡፡

ሴኔተር ክሪስ ኩንስ በመጋቢት ወር አጋማሽ በኢትዮጵያ ጉብኝት ካደረጉ በኋላ ጠቅላይ ሚኒስትር ዓብይ አህመድ (ዶ/ር) የኤርትራ ሠራዊት ከኢትዮጵያ እንዲወጣ ከስምምነት ተደርሷል ማለታቸውን አድንቀው፣ በትግራይ ያለው ግጭት ሙሉ ለሙሉ እንዲቆምና የረድኤት አቅርቦት መንገዶች እንዲከፈቱ ማሳሰባቸው ይታወሳል፡፡

የአሜሪካ የውጭ ጉዳይ ሚኒስትር የአፍሪካ ቀንድ ልዑክ ፊልትማን በኢትዮጵያ የሚታየው የፖለቲካና የብሔር ጽንፈኝነት እንደሚያሳስባቸው ተናግረው፣ በትግራይ ክልል እየደረሰ ያለው ግፍና የተገደበ የሰብዓዊ ድጋፍ መስመር ተቀባይነት የለውም ብለዋል፡፡

ስለዚህም አሜሪካ ከአጋሮቿ ጋር በመሆን ግጭቱ እንዲቆምና ሕይወት አድን ድጋፎች እንዲደርሱ ለማድረግ ትሠራለች ማለታቸው ይታወሳል፡፡

አሜሪካ የትግራይን ጉዳይ በቅርበት እየተከታተለች ቢሆንም ረቡዕ ግንቦት 11 ቀን 2013 ዓ.ም. በሚደረገው የተባበሩት መንግሥታት ድርጅት የፀጥታው ምክር ቤት ስብሰባ ላይ ግን፣ በአጀንዳነት እንደማይቀርብ ሊንዳ ቶማስ ግሪንፊልድ (አምባሳደር) አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...