Tuesday, July 23, 2024
- Advertisement -
- Advertisement -
ዝንቅበተረት ላሰላስል

በተረት ላሰላስል

ቀን:

በተረት ላሰላስል

መሬትና ጥንቸል ማኅበር ገቡና

ጽዋ ተጣጡና፤ . . . 

/ያው እንደዚያው ማለት/

ያጋጣሚ አይደለም፤

የተፈጥሮ ባህል፣ የታሪክ ዘይቤ፣ አለው አንድ ቋንቋ፣ አለው አንድ መላ

አንተና ልደትህን፣ አንተና ሀገርህን – 

በማይረግብ ገመድ፣ ባንድ ላይ የቋጨ፣ ከዐፀደ ዘመን፣ ከቦታ ከለላ

በደም ቃልኪዳኑ ባንድ ያስተሳሰረ፣ በማይታዩ እጆች፣ ባልተሰማ መሃላ፡፡

እና፣

መሬትና ጥንቸል ማኅበር ገቡና

ጽዋ ተጣጡና፤ . . .

መሬት የፈንታዋን ስትከፍል በጽሞና፤ . . .

/ያው እንደዚያው ማለት/

የሀገርን ሕይወትየብዙኀን ሕይወትወዝ ደምና ቅስሙ

ብርታቱ ድካሙተስፋውና ሕልሙ

ከእንቡጥ ወደ አበባከአበባ እስከ ፍሬለምልመህ ለማየት

በክንዶችህ ብርታትበአዕምሮህ ንቃት – 

በኅሊናህ ጥራትፀንተህ ለመመልከት

ዘንሟል በዘመናትወርዷል እንደዠማፈሷል እንደ ዥረት፡፡

እና፣

መሬትና ጥንቸል ማኅበር ገቡና፣ ጽዋ ተጣጡና፤

መሬት የፈንታዋን ስትከፍል በጽሞና

እብስ አለች ጥንቸል፣ መክፈል ጠላችና፤ . . . 

/ያው እንደዚያው ማለት

በስንት ትላንት ነውና፣ ዘንቦ ወይ ፀህይቶ

በቁር ተኮራምቶ፣ በዋዕይ ገርጥቶ

የበቀለ ዛሬ፣

ትውልድም ነውና፣ ያያት የቅድመ አያት

የእንዝላት የእንጅላት

የመሠረት ፍሬ፣

በሺ እግሮች ተራምዶ፣ ዛሬን የደረሰ፣ ለእሱ እሱነቱ

በወቅቱ ለወቅቱ

ይኖር ወይ ደካማ፣ የትውልድ እንክርዳድ

አደገኛ አዝመራ፣ ከዚህ ከወጣቱ?

ማነው ይህ መጢቃ፣ የፀደይ ቀን ዘመድ

ወጪቱን እሚሰብር፣ ዕዳውን እሚክድ

ከወገኑ እማይቆም፣ ከወገኑ እማይነድ?

የጫጨ መንፈሱ፣ የሸፈተ ሐሳቡ የከነፈ ልቡ

ራሱ መነሻው፣ ደሞ ራሱ ግቡ?

እና! . . . .

መሬትና ጥንቸል ማኅበር ገቡና፣ ጽዋ ተጣጡና፤

መሬት የፈንታዋን ስትከፍል በጽሞና

እብስ አለች ጥንቸል፣ መክፈል ጠላችና፤ . . . 

ግና ምን ይሆናል?

ብትሮጠው ብትሮጠው፣ ጋራውን ተሻግራ፣ ሜዳውን አቋርጣ

አልቻለችም ከቶ፣ ከዕዳዋ ልትድን፣ 

ከመሬት አምልጣ፡፡

———– 1974 .ም.

ደበበ ሰይፉ ‹‹ለራስ የተጻፈ ደብዳቤ››

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...