Thursday, February 29, 2024
- Advertisement -
- Advertisement -
ዜናየታላቁ የህዳሴ ግድብ ግንባታን ማጠናቀቅ የኢኮኖሚ ነፃነት ጉዳይ መሆኑ ተገለጸ

የታላቁ የህዳሴ ግድብ ግንባታን ማጠናቀቅ የኢኮኖሚ ነፃነት ጉዳይ መሆኑ ተገለጸ

ቀን:

የታላቁ ህዳሴ ግድብ ግንባታን ማጠናቀቅ የኢኮኖሚ ነፃነት ጉዳይ መሆኑን፣ የታላቁ የህዳሴ ግድብ ግንባታ ሕዝባዊ ተሳትፎ አስተባባሪ ብሔራዊ ምክር ቤት ጸሕፈት ቤት አስታወቀ፡፡

የቅኝ ገዥዎች ፍላጎት የተፈጥሮ ሀብትን መቀራመት እንደነበር የተናገሩት የታላቁ ህዳሴ ግድብ ግንባታ አስተባባሪ ብሔራዊ ምክር ቤት ጽሕፈት ቤት ዋና ዳይሬክተር አረጋዊ በርሔ (ዶ/ር)፣ አፍሪካ ከቅኝ ገዥዎች ነፃ ከወጣች በኋላ የኢኮኖሚ ቅኝ ግዛት ውስጥ እንደምትገኝ የገለጹት፣ ማክሰኞ ግንቦት 17 ቀን 2013 ዓ.ም. ከሚዲያ አካላት ጋር በነበረው የምክክር መድረክ ነው፡፡

አረጋዊ (ዶ/ር) እንደተናገሩት፣ ምንም እንኳን አፍሪካ ከቅኝ ገዥዎች ነፃ የወጣች ቢመስልም አሁንም በኢኮኖሚ ጉዳይ ግን ነፃ የወጣች አኅጉር አይደለችም፡፡

- Advertisement -

Video from Enat Bank Youtube Channel.

ኢትዮጵያ የህዳሴ ግድብ ግንባታ በመጨረስና በማጠናቀቅ ከኢኮኖሚያዊ ቅኝ ግዛት ለመላቀቅ ሕዝባዊ ተሳትፎና የሚዲያ ሚና ከፍተኛ መሆኑን ጠቁመዋል፡፡

በአዲስ አበባ ዩኒቨርሲቲ የዓረብኛ ቋንቋ መምህር አቶ ዑመር መኮንን በበኩላቸው በህዳሴ ግድብ ላይ የግብፅና የሱዳን ሚዲያዎች በቀን ሳይዘግቡ እንደማያልፉ፣ ከግድቡ በተጨማሪ ስለኢትዮጵያ የውስጥ ጉዳዮች ከኢትዮጵያ ሚዲያዎች በበለጠ የሚዘግቡ መሆናቸውን፣ የአገር ውስጥ ሚዲያዎች በዚህ ረገድ ሰፋ ያለ ዘገባ በማቅረብና ለኅብረተሰቡ ግንዛቤ በመፍጠር በኩል ክፍተቶች እንዳሉባቸው አስረድተዋል፡፡

የግብፅና የሱዳን ሚዲዎች የሐሰት ትርክቶችን በመጨመር በዓለም አቀፍ ደረጃ እየዘገቡ መሆኑን በመጠቆም፣ በኢትዮጵያ ሚዲያዎች በኩል ደግሞ ከጥቂቶች ውጪ ስለህዳሴ ግድብ የሚደረገው የመረጃ ሥርጭት አናሳ መሆኑን ገልጸዋል፡፡

ኢትዮጵያ በአፍሪካ በተለይም በምሥራቅ አፍሪካ በኢኮኖሚና በፖለቲካ የበላይነት እንድታመጣ፣ ሚዲያዎች የሚያከናውኑት እንቅስቃሴ እምብዛም መሆኑን ጠቁመዋል፡፡

የኢትዮጵያ መገናኛ ብዙኃን ባለሥልጣን የኮሙዩኒኬሽን ጉዳዮች ዳይሬክተር አቶ አበራ ወንደሰን በበኩላቸው፣ የህዳሴ ግድብ ከዲፕሎማሲያዊ ጫና በተጨማሪ፣ የግድቡን ውኃ ሙሌት ውስብስብ ካደረጉት አንዱ የኢኮኖሚ ተፅዕኖ መፈጠሩ ነው ብለዋል፡፡

የግብፅና የሱዳን ታዋቂ ግለሰቦችና ተቋማት በግድቡ ላይ በከፈቱት ዘመቻ ምክንያት የህዳሴ ግድብ ሁለተኛ የውኃ ሙሌት እንዳይከናወን መረባረባቸውን አቶ አበራ ተናግረዋል፡፡ በአሁኑ ወቅትም የታላቁ ህዳሴ ግድብ ግንባታ 82 በመቶ መድረሱ ተጠቁሟል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...