Saturday, June 15, 2024
- Advertisement -
- Advertisement -

ስፖርትየተጫዋቾች ማኅበር አቡበክር ናስርን የዓመቱ ኮከብ ተጫዋች አድርጎ መረጠ

የተጫዋቾች ማኅበር አቡበክር ናስርን የዓመቱ ኮከብ ተጫዋች አድርጎ መረጠ

ቀን:

ማኅበሩ የሀድያ ሆሳዕና ተጫዋቾች ጉዳይ ያሳስበኛል ብሏል

በአምስት የተለያዩ ከተሞች ሲካሄድ የቆየው ቤትኪንግ የኢትዮጵያ ፕሪሚየር ሊግ በፋሲል ከነማ አሸናፊነት ፍጻሜውን አግኝቷል፡፡ ለወትሮ በጥቂት ሙያተኞች መልካም ፈቃደኝነት ሲከናወን የቆየው የኮከብ ተጨዋቾች ምርጫ ዘንድሮ ለየት ብሎ እንደሚቀርብ ይጠበቃል፡፡ የኢትዮጵያ ፕሮፌሽናል ፉትቦለርስ አሶሴሽንን ጨምሮ በርካቶች የብሔራዊ ቡድንና የኢትዮጵያ ቡና ተጫዋች ለሆነው አቡብክር ናስር ድምፃቸውን ሰጥተዋል፡፡

ማኅበሩ ግንቦት 16 ቀን 2013 ዓ.ም. ለኢትዮጵያ እግር ኳስ ፌዴሬሽን በጻፈው ደብዳቤ፣ የኢትዮጵያ ብሔራዊ ቡድንና የኢትዮጵያ ቡና የፊት መስመር ተጫዋች አቡበክር ናስር የኮከብ ተጨዋችነቱ ክብር እንደሚገባው ይፋ አድርጓል፡፡ የሙያ ማኅበሩ በዓለም ላይ የተለመደው አሠራር በተለይም ፕሮፌሽናል የእግር ኳስ ተጨዋቾች ማኅበር ባሉባቸው አገሮች ኮከብ ተጨዋቾችን የመምረጥ ሙያዊ ኃላፊነት በዋናነት የተጫዋቾች ማኅበርን የሚመለከት ስለመሆኑ ጭምር አስምሮበታል፡፡

- Advertisement -

ፕሮፌሽናል የእግር ኳስ ተጨዋቾች ማኅበር ባሉባቸው አገሮች ከኮከብ ተጫዋች ምርጫ በተጨማሪ እንደአስፈላጊነቱ ‹‹ምርጥ 11›› ተብሎ የሚታወቀውን የቡድን ስብስብ መምረጥ እንደሚችል ማኅበሩ በደብዳቤው አስታውቋል፡፡ የኢትዮጵያ ቡናው አቡበክር ናስር የውድድር ዓመቱ ኮከብ ጎል አግቢ ሆኖ ማጠናቀቁም ይታወቃል፡፡

በሌላ በኩል ማኅበሩ ከኮከብ ተጫዋቹ ምርጫ በተጨማሪ በቅርቡ በሀድያ ሆሳዕና እግር ኳስ ክለብና በተጨዋቾች መካከል ከወርኃዊ ደመወዝና የማትጊያ ክፍያ ጋር ተያይዞ የተከሰተው አመለግባባት ተከትሎ ክለቡ በተጫዋቾች ላይ የዲሲፕሊን ዕርምጃ መውሰዱ ይታወሳል፡፡ ውሳኔውን ተከትሎ እግር ኳሱን በበላይነት የሚያስተዳድረው የኢትዮጵያ እግር ኳስ ፌዴሬሽን እስካሁን ድረስ ምንም አለማለቱ እንደሚያሳስበውም ማኅበሩ አስታውቋል፡፡

ከዚህ ቀደም በተለይም ከጎረቤት አገር የመጡ የአፍሪካ ተጫዋቾች ላይ ተመሳሳይ ችግር ተፈጥሮ የነበረ መሆኑ፣ ሆኖም ተጫዋቾቹ ጉዳዩን ወደ ሕግ ሊወስዱት እንደሚችሉ በማስፈራራታቸው ብቻ የጠየቁት ጥቅማ ጥቅም የተከፈላቸው መሆኑን የሚገልጸው ማኅበሩ፣ የሀድያ ሆሳዕና ተጫዋቾች በውላቸው መሠረት ጉዳያቸው ታይቶ ተገቢው ክፍያ ሊከፈላቸው እንደሚገባ፣ ይህን የማስፈጸም ግዴታ ደግሞ የኢትዮጵያ እግር ኳስ ፌዴሬሽን ስለመሆኑ ጭምር ማኅበሩ አሳስቧል፡፡             

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...