Monday, July 15, 2024
- Advertisement -
- Advertisement -
ዜናየኢትዮጵያ ባንኮች ያልተካተቱበት የአፍሪካ ባንኮች የዓመቱ ሽልማት ዕጩዎች ይፋ ሆኑ

የኢትዮጵያ ባንኮች ያልተካተቱበት የአፍሪካ ባንኮች የዓመቱ ሽልማት ዕጩዎች ይፋ ሆኑ

ቀን:

ኢትዮጵያዊው የውጭ ባንክ መሪ ለሽልማት ታጭተዋል

60 በላይ ዕጩዎች የተካተቱበት የአፍሪካ ባንኮች እ.ኤ.አ. የ2021 ዓመታዊ ሽልማት ይፋ ሲደረግ፣ ከኢትዮጵያ አንድም ባንክ በዕጩነት አልቀረበም፡፡

የዝግጅቱ ባለቤት አፍሪካን ባንከርስ ሜጋዚን እንዳስታወቀው፣ የዓመቱ ምርጥ የአፍሪካ ባንክ፣ የፋይናንስ አገልግሎት ዘመናዊነት፣ የፋይናንስ አካታችነት፣ የዓመቱ አስተማማኝ ባንክ፣ የአነስተኛና መካከለኛ ኢንተርፕራይዞች የዓመቱ ባንክ፣ በኮሮና ወረርሽኝ ወቅት የተሻለ ድጋፍ ያደረገ ባንክና የመሳሰሉት በመሥፈርትነት ቀርበዋል፡፡

ሰኔ 30 ቀን 2013 ዓ.ም. በቀጥታ ሥርጭት እንደሚተላለፍ የተነገረለት የዘንድሮ የአፍሪካ ባንኮች ሽልማት ሥነ ሥርዓት፣ መቀመጫው በደቡብ አፍሪካ የሆነው የስታንዳርድ ባንክ ግሩፕ ከስምንት የመወዳደሪያ ዘርፎች በሰባቱ ለሽልማት ዕጩ ሆኖ መቅረቡ ተገልጿል፡፡ በዋናነት የዓመቱ የአፍሪካ ባንክና የዓመቱ የኢንቨስትመንት ባንክ በሚሉት መሪ መሆኑ ተጠቁሟል፡፡

የምሥራቅና የደቡባዊ አፍሪካ የንግድና የልማት ባንክ በአምስት ዘርፎች ለሽልማቱ ተፎካካሪ መሆኑ ተገልጾ፣ የባንኩ ዋና ሥራ አስፈጻሚ ኢትዮጵያዊው አቶ አድማሱ ይልማ ታደሰ የዓመቱ የአፍሪካ ባንክ መሪ በሚለው ዘርፍ በቀዳሚነት ዕጩ መሆናቸው ታውቋል፡፡ ከእሳቸው በተጨማሪ ስድስት ዕጩዎች ቀርበዋል፡፡

ለዘንድሮው የአፍሪካ የዓመቱ ባንክ ሽልማት በሁሉም ዘርፎች ከመላው አፍሪካ በርካታ ተሳታፊዎች መቅረባቸውን ያስታወቁት፣ የአፍሪካን ባንከርስ ሜጋዚን አሳታሚ ኦማር ቤን የደር ናቸው፡፡

‹‹የሽልማት ኮሚቴው ለረዥም ጊዜ የቀረቡትን ተሳታፊዎች በሚገባ ገምግሟል፡፡ በዚህም በባንኮች ውስጥ እያደገ የመጣው ዲጂታላይዜሽን፣ ባንኮች ሁሉንም ኢንተርፕራይዞች ትልቅ ትንሽ ሳይሉ ድጋፍ ለማድረግ ያከናወኑት ሥራ፣ የፈጠራ ሥራዎች አስፈላጊነትና የመሳሰሉት ታይተዋል፤›› ያሉት ሚስተር የደር፣ በሚገርም ሁኔታ ሁሉም ለፉክክር የቀረቡት ባንኮች በኮቪድ-19 ወረርሽኝ ወቅት ፅናት በማሳየት ለማኅበረሰቦች ያከናወኑት ተግባር አስደናቂ ነበር ብለዋል፡፡

የአፍሪካ የዓመቱ ባንክ፣ የአፍሪካ የዓመቱ የባንክ መሪ፣ የዓመቱ የኢንቨስትመንት ባንክ፣ የአነስተኛና መካከለኛ ኢንተርፕራይዞች የዓመቱ ባንክ፣ የዓመቱ አስተማማኝ ባንክ፣ የፋይፋናንስ አካታችነት፣ በፋይናንስ አገልግሎቶች የፈጠራ ሥራዎች፣ በእርሻ፣ በኢነርጂና በመሠረተ ልማት፣ ወዘተ የተለያዩ ዘርፎች ለማሸነፍ በርካታ የአፍሪካ ባንኮች ቢፎካከሩም፣ የመጨረሻዎቹ ዕጩዎች 64 መሆናቸው ታውቋል፡፡

በዘንድሮው የአፍሪካ የባንኮች የዓመቱ ሽልማት ለዳኝነት ከተሰየሙት ስምንት ዳኞች መሀል፣ ኢትዮጵያዊው የፌርፋክስ አፍሪካ ግሎባል ፈንድ ሊቀመንበር አቶ ዘመዴነህ ንጋቱ ይገኙበታል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...