Thursday, February 9, 2023
- ማስታወቂያ -
- ማስታወቂያ -

ሰባት ቢሊዮን ብር የሚጠጋ ወጪ የሚጠይቀው የአዳማ-አዋሽ መንገድ ግንባታ ተጀመረ

- ማስታወቂያ -

ተዛማጅ ፅሁፎች

የኢትዮጵያና ጂቡቲ ትራንስፖርት ኮሪደር አካል የሆነው የአዳማ-አዋሽ-ሜኢሶ  ድሬዳዋ ምዕራፍ አንድ ፈጣን መንገድ  ግንባታ በይፋ  ተጀመረ፡፡

የግንባታ ማስጀመርያ መርሐ ግብሩ እሑድ ግንቦት 22 ቀን 2013 ዓ.ም. የተከናወነ ሲሆን፣ የአዳማ አዋሽ መንገድ 60 ኪሎ ሜትር ርቀት የሚሸፍን የፍጥነት መንገድ 34 ሜትር ስፋት እንዳለው ተገልጿል፡፡

ከዚህም ባሻገር 22 የተሽከርካሪዎች የማስተናገድ አቅም ያላቸው የላይና የሥር መተላለፊያዎች፣ 18 የእግረኛ መተላለፊያዎች ያካተተ መሆኑን፣ የኢትዮጵያ መንገዶች ባለሥልጣን ዋና ዳይሬክተር ሀብታሙ ተገኝ (ኢንጂነር) ተናግረዋል፡፡

ከ6.7 ቢሊዮን ብር በላይ ወጪ የሚደረግበት የፍጥነት መንገዱ በአዳማ፣ በወለንጪቲ፣ በጉራኤራ ሦስት ማሳለጫዎች እንዳሉት ያስረዱት ሀብታሙ (ኢንጂነር)፣ መንገዱን ሠርቶ ለማጠናቀቅ አራት ዓመት ከስድስት ወራት እንደሚወስዱ ገልጸዋል፡፡

የፍጥነት መንገዱ ግንባታ ከአፍሪካ ልማት ባንክና ከኢትዮጵያ መንግሥት የፋይናንስ ድጋፍ በተገኘ የሚከናወን ሲሆን፣ ሙሉ በሙሉ ተገንብቶ ካለቀ በኋላ ጂ ኤምሲና ኤል አርቢሲኤል የተባሉ የሥራ ተቋራጮች ለአምስት ዓመታት ተጨማሪ የጥገና ሥራ እንደሚያከናውኑለት ጠቁመዋል፡፡

አካባቢው የኢንዱስትሪ ፓርኮች፣ አግሮ ኢንዱስትሪዎች፣ እርሻዎች፣ አዋሽ ብሔራዊ ፓርክን ጨምሮ ሌሎች የቱሪዝም መስህቦችን የሚገኙበት በመሆኑ የመንገዱ ግንባታ  ጠቀሜታ የጎላ እንደሆነ አስረድተዋል፡፡

ከጎረቤት አገሮች በተለያዩ የመሠረተ ልማት ዝርጋታዎችን ለማስተሳሰር ግብ ያደረገ ግንባታ እንደሆነ የጠቆሙት ጠቅላይ ሚኒስትር ዓብይ አህመድ (ዶ/ር)፣ የአዳማ – አዋሽ ፍጥነት መንገድ ግንባታ የኢትዮጵያና ጂቡቲ ትራንስፖርት ኮሪደር አካል መሆኑን ጠቁመዋል፡፡

በተጨማሪም ሱዳን፣ ሶማሊያና ኬንያን  የሚያካትት መሆኑን አስረድተዋል፡፡

በኢትዮጵያ በሚቀጥለው በጀት ዓመት ትንንሽና መካከለኛ 100 ግድቦች በየክልሉ ለመገንባት መታቀዱን በመግለጽ፣ ግድቦቹ በዓመት ሦስት ጊዜ ለማምረት የሚያግዝ አቅምን ለመፍጠር እንደሚያግዙ አክለዋል፡፡

እነዚህ የልማት ሥራዎች ኢንዲሳኩ የአገር ውስጥ ሰላምን ለማረጋገጥ፣ የተፈናቀሉ ወገኖችን ወደ ቀዬአቸው ለመመለስና ክረምቱ ሲያልፍ እንዲያርሱ ለማስቻል ያግዛልም ተብሏል፡፡

ሀብታሙ (ኢንጂነር) በበኩላቸው፣ የኢትዮጵያና ጂቡቲ ትራንስፖርት ኮሪደር አካል የሆነው የአዳማ-አዋሽ ፍጥነት መንገድ የአፍሪካ ቀንድ ትስስር ኢንሺየቲቭ (Horn of Africa Integration Initiative) አካል መሆኑን፣ ኢትዮጵያ ከቀጣናው አገሮች ጋር ወደፊት የምታደርገውን የንግድና የሕዝብ ግንኙነት ለማቀላጠፍ ፋይዳ እንዳለው ጠቁመዋል፡፡

‹‹አንድ መንገድ፣ አንድ ቀለበት›› (One Belt one Road) የተሰኘው የቻይና ግዙፍ ፕሮጀክት አንዱ አካል በመሆን፣ የአፍሪካ ቀንድ አገሮችን በቀጥታ የንግድ ትስስር ለመፍጠር አጋዥ ነውም ተብሏል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች